السلام عليكم ورحمه الله
عايز اشتري عربيه 2010 مستعمل ومعايا 60 الف تنصحوني بايه
وشكرا ليكم
السلام عليكم ورحمه الله
عايز اشتري عربيه 2010 مستعمل ومعايا 60 الف تنصحوني بايه
وشكرا ليكم
متابع عشان انا كمان معايا نفس الرينج وبفكر اشترى بس ابيع عربيتى اللى معايا الاول باذن الله
+11111111111
حسب الترتيب فيرنا لانوس لوجان اسبرانزا دي افضل اختيارات
+111111
فيرنا
لانوس
بى واى دى
لوجان
بنصحكم على حسب استخدامي ابعد عن الانوس لاسباب كتير يطول شرحها
لوجان ممتازة انا كانت مهايا كليوا بس المشكلة ان القطع غيار غالية جدا وموجودة بس تقريبا الاصلي منها عند القمر الصناعي
فيرنا سيئة سيئة سيئة جدا انا اخويا عنده ومش عارف يبعها لانها فيها عيب خطير الفرامل زي الزفت العفشة لو خربت مش اي حد يغيرها لازم لازم التوكيل اسمعوا كلامي انا مجرب والله وهوا خراب العفشه بصراحة حظوظ بس الحمد لله
البي واي دي ممتازة بس خشنة وفيها كيوب كتير في البلي وفي العفشة والكهربا واركب اي تكسي واسمع صوت العربية تحت رجلك كانك راكب جرار
الاسبيرانزا ملكة العربيات ممتازة ممتازة ممتازة معايا انا من اكتر من تسعة شهور ومع خالي من سنه ونص مفيش الهوا كل الامكانيات فيها قوية جداجدا راسية جدا سفرت بيها كتير ورحت شرم والغردقة بيها ممتازة والبنزين مفيش صرف التكيف ماشاء الله احسن بمليون مرة من الانوس قطع رخيصة توكيل او برة التوكيل متوفرة واي حد يركبها بس حد يكون نظيف وامين صيانة الثلاثين الف برة التوكيل احسن ارخص كتير غير الانوس او الفيرنا الصيانة عند الخمسين بس لازم في التوكيل برة التوكيل فتحت على نفسك فتحة وانت وحضك
وربنا يوفقك بس انصحك بالاسبيرانزا 516 ب 67000 وعند المصرية ب66000
اول مره اشوف حد يشكر فى الاسبرانزا 516 !
وال byd فيها عيوب الدنيا ؟ ده دى بالذات دونا عن الصينى كله . الناس بتشكر فيها !!!
مش عارف الكلام حضرتك كاتبه معكوس ولا ايه بالظبط !
عموما لصاحب الموضوع حضرتك مقدامكش غير اختيارات محدوده زى الفيرنا واللوجان والانوس . ده من وجهه نظرى .
فيرنا ولوجان ولانوس... الفروقات بينهم مش كبيره ولكن بالنسبه لاعاده البيع وقطع الغيار يبقي الفيرنا والانوس فقط