25-30 الف ارجو المساعده

**Mohamed Fathy** · 12-05-2011 08:47 AM

السلام عليكم ورحمه الله وبركاته :)
انا معايا فى حدود 25-30 الف ونفسى فى عربيه اوتوماتيك تكييف مش فرق معا سىسى اوى 1200-1400
انا طبعا حوار اتوماتيك ده صعب جدا لأنى عاجبنى جدا seat ibiza 94 وطبعا دى مانيوال وفى منها فى تكيف ولأ. ياريت تنصحونى وانا هنزل بكره اتفرج فى السوق ويفضل اجيبها بتكيف ولا اجيب من غير واركبو اى ممكن تانى افضل من السيات فى الفئه السعريه دى وجزاكم الله خيرا وهل ال opel corsa احسن ؟
اسف على الأطاله :) ارجو الرد ولو بدعاء

**Ahmed_Ramadan** · 12-05-2011 08:57 AM

مش هتلاقى اتوماتيك فى الإبيزا و الكورسا فى الحدود اللى بتتكلم فيها ديه ....ممكن برايد أتوماتيك (عصفورة أو سيدان) أو ممكن ديهاتسو شاريد سيدان ...و ربنا معاك

**Mohamed Fathy** · 12-05-2011 09:03 AM

جزاك الله خيرا على الرد :) طيب لو ibiza حلوه وتكيف مانيوال ايه الفرق فى 1300 و 1400 ليه بشوف ناس عنده ده وده هو ايه الفرق

**behman** · 12-05-2011 01:56 PM

الموتور 1300 هو اللي بينزل في 94 و بيكون كاربراتير ... بيطلع 54 حصان
و ال 1400 بيكون single point injection و بيخرج 60 حصان
و الموتور ال 1000 multi point injection بيطلع 50 حصان و ده بينزل في موديل 98 و 99 و بينزل في البولو كمان
و احسنهم من وجهه نظري ال 1400
و الكورسا بتنزل بموتورين
94 لحد 97 بتنزل 1200 4 سلندر 8 صباب single point injection بيطلع 46 حصان
من 98 لحد 2000 بيتنزل 1000 3 سلندر و 12 صباب و هو حقن كامل و بيخرج 55 حصان
و عموما الابيزا احسن من الكورسا في حاجات كتير من وجهه نظري

**Mohamed Fathy** · 12-05-2011 03:11 PM

الف الف شكر ليك وربنا يحفظك ويباركلك للمعلومات اللى اكثر من رائعه والله افدتنى جدااا :)

**Mohamed Fathy** · 12-05-2011 03:20 PM

انا شفت كيا برايد سيدان اتوماتيك وتكيف وكله. فى الحدود دى رايك هى احسن ومريحه اكتر ولا ايه رايك فيها. اصل انا مش بحب المانيوال عشان الزحمه اكيد انت فاهم هو ايه افضل ولو برايد كويسه احسن من السيات؟