اولا انا عملت الموضوع دا علشان لو حد حب يستفاد
انا معايا عربيه دوجان 93 لسه شاريها بص صاحبها ماكانش بيعمل فيها اى حاجه ومهمل اخر اهمال بس الحمد لله الاساسيات كلها سليمه وفبريكا المهم
انا قلت اعمل شغل الكهرباء الاول من الف للياء
رحت للكهربائى والعربيه مافيهاش غير لمبه واحده فى الكشاف اليمين
بدء الاول شال الكشافين وغسلهم طبعا ومشى مع الضفيرة من اولها ولم كل سلوكها وشاف الطلبات ايه ورحت جبتها له من لمب وكتاوت وسلوك وفوانيس اشارة ووشوش للفوانيس والذى منه
وطبعا مشكلة نور التابلوة اللى كل اللى معاه دوجان بيشتكى منها
جاب شريط ليد وحطه على العدادات والحمد لله تمام التمام
وبعدين دخل على السنتر وظبطه وكله بقى بيشتغل وحل الدينامو لانه كان منور عندى عالطول
وركبنا مفتاحين لنور الصالون فى القايم بتاع الباب
وولاعه العربيه
يعنى الحمد لله كله تمام
بس الصنايعى بقى الله يباركله راجل محترم جدا وبتاع ربنا اوى وفاهم كويس وبيشتغل على نظيف مش بيعك زى معظم الكهربائيه
هو فى ارض الجولف جنب حديقة الجولف اسمه ياسر ودا تليفونة 0102449774
هو خد مصنعيه بس 150 جنيه فى شغل يومين من الصبح لحد الليل