شركة اجنحة العرب

**ahmedhalod** · 12-05-2011 01:28 PM

انا هكتبلكوا تحذير شخصى عن الشركة
بصوا مفيش شركة مبتسفرش للخارج ومترخصة
انما المشكلة فى تلاعب كل شركة يعنى شركة اجنحة العرب عن تجربة شخصية والله حسبى الله ونعم الوكيل هتجيبلك الفيزا اللى انت عاوزة وبعد ما تكشف طبى وتدفع فلوس كتييييير هيجوا فى الأخر يقولوك وثق الأقرار من الشهر العقارى ويطلع الأقرار فية بلاوى بضيع كل حقوقك والراتب بتاعك اللى فى العقد ويطلعوك على الوظيفة اللى هما عاوزينها منهم لله حسبى الله ونعم الوكيل انصح اى حد يقدم فيها انة يبقى واخد ضماانات بس صدقنى حتى لو اخدت ضمانات مع الشركة دى مفيش مستحيل اساتذة فى اللف والدوران والنصب
ولن اقول إلا ما قالة سيدنا محمد صلى الله علية وسلم:
إن الله ليملى للظالم حتى إذا أخذه لم يفلته.
عن أبي موسى الأشعرى قال: قال رسول الله صلى الله عليه وسلم : (إن الله ليملي للظالم حتى إذا أخذه لم يفلته) قال : ثم قرأ :)وَكَذَلِكَ أَخْذُ رَبِّكَ إِذَا أَخَذَ الْقُرَى وَهِيَ ظَالِمَةٌ إِنَّ أَخْذَهُ أَلِيمٌ شَدِيدٌ( متفق عليه
هذا الحديث سلوى للضعفاء المظلومين المؤمنين المعذبين في الأرض بغير حق ليعلم الموحدون المضطهدون أنه و لابد أن يأتي يوم يخلص الله فيه عباده المقهورين من هؤلاء الظلمة المتجبرين .

اللهم ما أخذ حقنا فيمن ظلمنا

**aboodabdo** · 16-01-2015 06:54 PM

شركة أجنحة العرب شركة نصب معروفه - كفايه تكتب كلمة أجنحة العرب فى جوجل وحتشوف سمعتهم الوسخه ، خدو منى 2000 جنيه علشان شغل محاسب فى الكويت بمرتب 500 دينار والأكل والشرب كمان عليهم وحاجات خياليه كده ويقولك التأشيره كمان 3 شهور ، وبعد ال 3 شهور يقولك أصل السفاره كانت قافله بقالها شهر ونص الأسبوع الجاى وأسبوع ورا أسبوع أصل فيه ورق جه بس ورقك إنت الأسبوع اللى جاى شوف التأشيرات اللى جت ويقوم موريك شوية ورق متصور من على النت حاجه كده ملهاش لازمه ولما تجيب آخرك خالص ويحسو إنك حتعمل مشاكل حيدوك فلوسك إنت وحظك بعد 6 شهور بعد سنه - أهو يضيع عليك وقت ويعشمك وحسبى الله ونعم الوكيل فيهم وهم معروفين ياجماعه خشو بس على جوجل واكتبو شركة أجنحة العرب وشوفو تعليقات الناس اللى إتنصب عليهم أنا خدت فلوسى بعد حوالى 5 شهور بعد المرواح والمجى وعطله وأقسم بالله ما بأكدب ولا بأتبلى عليهم لأن دول لو ناس محترمه مش حتلاقى كم التعليقات السيئه ده عليهم اللى سافر عن طريق شركه لا حيتكلم عليها بالخير ولا بالشر لكن اللى بيدافعو عنهم دول ناس شغاله عندهم وبيحاولو يحسنو فى صورتهم الأشكال الوسخه اللى هناك - ( الحاج ) زين - الست أحلام - الأستاذ مسعد - أشكال ما يعلم بيها إلا ربنا وبيجيبو لك واحد مصرى يقابلك قال يعنى مدير مالى ولا مندوب للشركه الكريتيه اللى حتتعاقد معاك وهو هو مأجرينه بييجى فى كل مقابله لأى شركه - أنا الحمد لله سافرت السعوديه عن طريق شركه تانيه وأى إستفسار ده إميلى وتليفونى بالسعوديه - 00966508017059 - ashraf_1242@hotmail.com - ashrafelsayed@ymail.com - وربنا يوفق الجميع

**طارق _عبد السلام** · 16-01-2015 07:17 PM

الاجمل فى التحذير ان صاحب الموضوع عمل مشاركه واحده من اربع سنين

والرد الاخير اول مشاركه فى المنتدى ؟!!!!!!!

قد كده انتوا خايفين على رواد نايل موتورز ياااااااااااااااااااااااا اه :)