رايح على عربيتك - واحد أو اكتر قاعدين على الكبوت / الشنطة .....

**hazem_khidr** · 21-04-2008 07:42 PM

لو شباب صغيرين بديلهم كلمتين رخمين بالذوق :)
لو واحد كبير ما بتكلمش و بخش اشغل العربيه و احسسه اني ماشي يقوم ياخد بعضه و يمشي.

مره لقيت واحد كبير و واحده واقفين و ساندين علي الكبود فروحت دخلت العربيه و شغلتها و الاقي الراجل بيزعق عليا و يقولي مش تاخد بالك
مش تحاسب انت ايه مش شايفنا !!!!!!!!!!!
بــــــــــــــس هو دا كل اللي قاله
و عينكم ما تشوف الا النور بقي علي اللي عملته فيه:p:p
اديته من المنقي خيار و لميت عليه الشارع لانه راجل بجح بجد
الخلاصه بضايق لو لقيت حد قاعد
............

والكبوت بتاع الياريس واصل للارض يبقوا يقابلونى لو عرفوا يقعد وا عليه بيزحلق لوحده

طب ربنا يستر و ما تقوميش الصبح تلاقي 3 او اربع عيال عاملين الكابود بتاعك زحليقه
و واقفين علي السقف و بيتزحلقو علي البربيز و الكبود:D:D:D

**Akram** · 21-04-2008 08:41 PM

لو حد ساند مبتكلمش و هو بيبعد أول ما بفتح العربية ,
و لو حد قاعد على الكبوت يبقى يتوقف على شكله لو واحد عجوز مش هتكلم و لو شباب و اعتذرو مبتكلمش و بهز رأي و خلاص مع ابتسامة صفراء,
لكن لو شكلهم رخم يبقى لازم أرخم عليهم بكلمتين علشان محرقش دمي.

**SaLM!Na** · 22-04-2008 02:06 AM

المشاركة الأصلية كتبت بواسطة fiatmomo

السلام عليكم .. بعد اذنكو ..

وبس....حعمل اية حضربوهم بمضرب الذباب مثلا ! هية الناس فى بلدنا مخلوقة كده ... طبيعتهم كده . ( تناحة - برود - لا مبلاه ) .

فعلا و لو كان ليك حاجة عند ال......
هقولوا بعد اذنك يا سيدي

**gade2** · 10-10-2008 11:56 PM

لو ساند مفيش مشكله انما لو قاعد وكان حجم عائلى هاديله على اد وزنه

**mina_ramsis** · 11-10-2008 12:41 AM

حصلت معايا مرة و لقيت طقم كام شباب و شابات مع بعض و مهيصين على الاخر و قعديين على الشنطة و ساندين رجلهم على الاكصدام فاديتهم من المنقى خيار غسلتهم الصراحة كلهم

**M!NA** · 11-10-2008 12:57 AM

هما مبدئيا مينفعش يقعدوا عالشنطة عندي... عشان عربيتي هاتش باك...

أما لو قعدوا عالكبوت فبمنتهى الذوق بقولهم... بعد اذنكو يا رجالة الكنبة ماشية...

و أحيانا بنزل ألاقي آثار ناس كانت قاعدة... و عى فكرة بعرف عددهم و أحجامهم -و كمان أوزانهم- من الآثار ديه (أكيد عارفين ازاي)

**Nour_Peugeot** · 11-10-2008 01:41 AM

مبتفرقش معانا اوووي

بس كل البعمله بشغل الانذار و هما بيمشو علطول

**abouelmaggd** · 12-10-2008 01:18 AM

دى بقه كانت مشكلة 128 ، قاعدتها مريحة جدا على الشنطة و الكابوت ده حتى القطط كانت بتحبها :) مرة الصبح بسخن العربية و همشى الاقى صوت ( نونوة قطة ) ابطل العربية الاقى الصوت اختفى ادور تانى اسمع الصوت استعذت بالله من الشيطان الرجيم مفيش فايدة نزلت ابص تحت العربية كله تمام ، بفتح الكابوت لقيت قطة صغيرة نايمة فى الاستبن :) بس بصراحة الكابوت كان دفا اوى ف عز الشتا ، و مرة تانية كنت راكن فى الجيزة جنب فرن بلدى لقيت ست و معاها عيل صغير و فارشين العيش يبرد على شنطة العربية :) لقتنى هركب العربية بدأت تشيل العيش و هى مخنوقة اوى :) تقريبا مكنش برد لسه ، تانى يوم الصبح لقيت الشنطة كلها دواير بقع من سخونة العيش :)

**ahmedsrs** · 12-10-2008 01:37 AM

فكرتنى بموقف حصلى مرة بعد مشتريت الطلبات من المحل وطالع لقيت عيل تخين قاعد على الكبوت او كان نايم عليه فبقلة ينفع كده يابقلظ للقيت الواد راح نازل وششه احمر وقالى طب بتشتم ليه قلتله يبنى حقك عليه وخت بعضى ومشيت تقريبا الكبوت بيفكرة بالكنبة الى فى بيتهم