بتعمل ايه ؟
بتعمل ايه ؟
لو على العربية القديمة هسكت بس لو على العربية الجديدة ... برضه هسكت :(
اضعف الايمان...هرملهم كلمه تحرق دمهم زى ما حرقو دمى
السلام عليكم .. بعد اذنكو ..
وبس....حعمل اية حضربوهم بمضرب الذباب مثلا ! هية الناس فى بلدنا مخلوقة كده ... طبيعتهم كده . ( تناحة - برود - لا مبلاه ) .
[quote][السلام عليكم .. بعد اذنكو ..
وبس....حعمل اية حضربوهم بمضرب الذباب مثلا ! هية الناس فى بلدنا مخلوقة كده ... طبيعتهم كده . ( تناحة - برود - لا مبلاه ) ./quote]
+111111
والله الامر سوف يكون حسب الظروف احتمال انهم يبادرو بالاعتذار فأسكت ولا انطق وابتسم ابتسامة ضيق ! اما اذا كانوا سفلة فلابد من كلمتين فى العظم والامر لله !
انا عندي واحد سند على الباب طبقة
ومتعلم لحد دلوقتي
ولما بشوف حد ساند بس على العربية بقولوة اجيبلك شاي او قهوة
لكن لو قاعد ممكن امسكة اضربة بجد
صاج الكرولا ضعيف قوي
لأ انا بعمل حركه جامده بروح مشغل الانذار و اخليه يقعد يرن هو لوحده بيخاف و يقوم يمشى
اعتقد ان سبعاوي كان ليه اقتراح - فعال جدا - في الموضوع ده ..
:rolleyes::rolleyes::rolleyes:
و من نتائجه ان محدش حيقعد علي العربية .. و لا يفكر حتي ييجي ناحيتها ..
و الاقتراح كان - اختصارا - عبارة عن طريقة معينة يقوم بها صاحب السيارة بفرض سيطرته و تحديد منطقة نفوذه في مكان ركن سيارته بحيث ان محدش يقربلها
و اعتقد ان بعض الاعضاء فاكرين الموضوع ده ..
;) ;) ;)
لو رحت و لاقيته ساند خفيف (لو تعبان بيظهر عليه) باروح افتح العربية عادي..و أحتمال اجيبله شاي و اوصله:D:D:D:D:D
لكن لو واحد قاعد و اتأسف اول ما شافني ( بابصله بصة وححححححشششششششة و بعدين ابتسم ابتسامة اوحش:D:D:D:D)
لكن لو واحد قاعد و رخم وتنح بقوله كلام زي السم:D
__
http://i92.photobucket.com/albums/l3...y/RoadRage.jpg
اسواء عادة فى التاريخ ... واسواء اسلوب حياة ...واسواء نتائج ..واسواء حالة نفسية ... واسواء احساس .... واسواء موقف ....واسواء ... واسواء......
يارب ارحمنا منهم بقى
"ما زال التغافل من فعل الكرام" ... الحسن البصري
شكراً على المقولة دي
بروح أفتح الباب و لا كأن في أي حاجة ولا حد و لو اتأسف كتر خيرو و لو محسش اديني معبرتوش
لئن زي ما قلتم ممكن حد تعبان و ممكن لأ و ربنا يهدي الناس عامةً
الحقيقة فى أغلب الأحيان بأطنش ... المرة الوحيدة اللى دخلت فى واحد شمال اعتذر و لما بدأ يمشى فوجئت انه معاق بقيت فى نص هدومى الصراحة و فضلت مضايق طول اليوم ... مرة تانية لقيت واحد شبه قاعد على الكبوت و مريح و اكتشفت انه المنادى بتاع المنطقة فسبته يمسح العربية من أولها لآخرها و بعدين مشيت و سبته من غير ما أديله حاجة.
انا ماعرفتش قيمة المقولة دي غير امبارح "مازال التغافل من فعل الكرام" مع انها فى التوقيع بتاعي من زمن
لو كنت عملت زي ما تقريبا الكل اجمع و فتحت الباب و ركبت مع تعليق كدا سخيف او نظرة مش ولابد ماكنتش فضلت محروق دمي طول الطريق
باختصار عملت خناقة و الناس حاشوا مابيننا - و باختصار مانصحش بكدا ابدا
و شكرا
بقوله بعد اذنك و بركب عادي و الصراحة لغاية دلوقتي ملقيتش حد مش بيعتذر لما بكلمه بذوق
هي مرة واحدة بس لقيت المنادي برضو قاعد على الشنطة و المشكلة اني لما كلمته قاللي يا باشا مش هيحصلها حاجة :mad: من ساعتها بركن و بقوله ميقربش ناحية العربية و مش بديلو مليم
لو أنا بعيد عن العربية بشغل الإنذار أهو يصدعهم شوية و يبعدوا و لو رايح أركب العربية بقول له لوسمحت بطريقة باردة وغالبا بيتأسف و يمشى
لو صادف ولقيت حد ساند على باب العربيه بقوله بعد اذنك عاوزه اطلع وكانها عربيته هو وانا بستاذنه ما علينا المهم كلمه بذوق واحترام الشخص بيعتذر او بيتحرج وخلاص بمشى
بالنسبه للشنطه عربيتى فيها سبويلر مينفعش حد يقعد ودى رحمه من ربنا بس هما بيرحوا بعربياتهم على الاكصدام بمنتهى سهوله
والكبوت بتاع الياريس واصل للارض يبقوا يقابلونى لو عرفوا يقعد وا عليه بيزحلق لوحده
بس يا جماعه بجد بلاش العصبيه والخناق مع الناس مش معنى ان احنا ربنا كرمنا بعربيه نقوم نتخانق مع خلق الله على حاجات بسيطه يمكن الشخص مريض او فيه حاجه
وحتى لو كان شخص رخم قوله عن اذنك واتسامح عشان ربنا يكفينا شر الطريق
والله اختى دموع ثلج انا مرة شفت واحد قعد على عربية فيها سبويلر و كسرة و قام ماشى
والله ابدا - مش كدا خالص - انا ماتخانقتش معاه غير لما فهمني ان " طالما راكن في الشارع يبقى اقعد بمزاجي" !!!!!
بس هي الخلاصة اللي انا وصلتلها - انه سواء عيان - رخم - منادي - عفريت ازرق ....... مالوش لازمة الخناق
الحالة الوحيدة بجد اللي مش عارف ساعتها حاعمل فيها ايه - هي لو كان اللي قاعد دا طبقللي العربية - و دا شوفتوا بعيني للأسف
لو شباب صغيرين بديلهم كلمتين رخمين بالذوق :)
لو واحد كبير ما بتكلمش و بخش اشغل العربيه و احسسه اني ماشي يقوم ياخد بعضه و يمشي.
مره لقيت واحد كبير و واحده واقفين و ساندين علي الكبود فروحت دخلت العربيه و شغلتها و الاقي الراجل بيزعق عليا و يقولي مش تاخد بالك
مش تحاسب انت ايه مش شايفنا :eek:!!!!!!!!!!!
بــــــــــــــس هو دا كل اللي قاله
و عينكم ما تشوف الا النور بقي علي اللي عملته فيه:p:p
اديته من المنقي خيار و لميت عليه الشارع لانه راجل بجح بجد
الخلاصه بضايق لو لقيت حد قاعد
............
طب ربنا يستر و ما تقوميش الصبح تلاقي 3 او اربع عيال عاملين الكابود بتاعك زحليقهاقتباس:
والكبوت بتاع الياريس واصل للارض يبقوا يقابلونى لو عرفوا يقعد وا عليه بيزحلق لوحده
و واقفين علي السقف و بيتزحلقو علي البربيز و الكبود:D:D:D
لو حد ساند مبتكلمش و هو بيبعد أول ما بفتح العربية ,
و لو حد قاعد على الكبوت يبقى يتوقف على شكله لو واحد عجوز مش هتكلم و لو شباب و اعتذرو مبتكلمش و بهز رأي و خلاص مع ابتسامة صفراء,
لكن لو شكلهم رخم يبقى لازم أرخم عليهم بكلمتين علشان محرقش دمي.
لو ساند مفيش مشكله انما لو قاعد وكان حجم عائلى هاديله على اد وزنه
حصلت معايا مرة و لقيت طقم كام شباب و شابات مع بعض و مهيصين على الاخر و قعديين على الشنطة و ساندين رجلهم على الاكصدام فاديتهم من المنقى خيار غسلتهم الصراحة كلهم
هما مبدئيا مينفعش يقعدوا عالشنطة عندي... عشان عربيتي هاتش باك...
أما لو قعدوا عالكبوت فبمنتهى الذوق بقولهم... بعد اذنكو يا رجالة الكنبة ماشية...
و أحيانا بنزل ألاقي آثار ناس كانت قاعدة... و عى فكرة بعرف عددهم و أحجامهم -و كمان أوزانهم- من الآثار ديه (أكيد عارفين ازاي)
عادي يعني هما قاعدين على الجوهرة المكنونة ؟!!!!
انا وانا صغير كنت باقعد على العربيات و بركن عليها و ما كانش بيحصلها حاجة
و عربيتي برضه ما بيحصلهاش حاجة ..يبقى ليه أضايق الشباب و هو بيبقى مزاجه ساعتها عنب العنب :)
يعني بالاقي واحد و صاحبته راكنين و بيتكلموا في موضوع مهم بابقى عايز أركب من غير ما يحسوا بيا و الله
يادوب باقول للشاب بعد اذنك يقوم هو يعتذر بمنتهى الذوق و نتبادل الابتسامات و انتهينا ...
انما اقعد بقى أبصله من تحت لفوق و لا أدورله على كلمتين ولا الكلام ده بصراحة يعنى مش فكرة كويسة
احنا هاندور على النكد بإبرة ؟؟!! خلوها على الله يا اخواننا
مبتفرقش معانا اوووي
بس كل البعمله بشغل الانذار و هما بيمشو علطول
دى بقه كانت مشكلة 128 ، قاعدتها مريحة جدا على الشنطة و الكابوت ده حتى القطط كانت بتحبها :) مرة الصبح بسخن العربية و همشى الاقى صوت ( نونوة قطة ) ابطل العربية الاقى الصوت اختفى ادور تانى اسمع الصوت استعذت بالله من الشيطان الرجيم مفيش فايدة نزلت ابص تحت العربية كله تمام ، بفتح الكابوت لقيت قطة صغيرة نايمة فى الاستبن :) بس بصراحة الكابوت كان دفا اوى ف عز الشتا ، و مرة تانية كنت راكن فى الجيزة جنب فرن بلدى لقيت ست و معاها عيل صغير و فارشين العيش يبرد على شنطة العربية :) لقتنى هركب العربية بدأت تشيل العيش و هى مخنوقة اوى :) تقريبا مكنش برد لسه ، تانى يوم الصبح لقيت الشنطة كلها دواير بقع من سخونة العيش :)
فكرتنى بموقف حصلى مرة بعد مشتريت الطلبات من المحل وطالع لقيت عيل تخين قاعد على الكبوت او كان نايم عليه فبقلة ينفع كده يابقلظ للقيت الواد راح نازل وششه احمر وقالى طب بتشتم ليه قلتله يبنى حقك عليه وخت بعضى ومشيت تقريبا الكبوت بيفكرة بالكنبة الى فى بيتهم
حبه شباب امامير دى جمع امور قعدوا على السقف و من حظهم ان ابويا هو اللى شافهم انا لو كنت شفتهم كان
انا بقى مره نزلت لاقيت واحد نايم على الشنطه اقسم بالله مش بهزر
حاطط ايده تحت دماغه ونايم على جمبه عامل الشنطه مرتبه يعني بس
بصراحه صعب عليا قولت اخضه بس :evil1: دخلت جوه العربيه و دورت
والاخ بارضو مش حاسس ادوس بنزين واعلى صوت العربيه بارضو
مافيش فايده قولت بقي ما بدهاش رحت طالع بالعربيه لاقيته عمل زي
انبوبه البتوجاز لما الناس بيدحرجوها :burnout: ونزل على الارض :D:D صحى
بيبوصلي ومستغرب اوووى اني وقعته فابصتله وقولتله معلش صحيتك
علشان محتاج العربيه رايح مشوار وهابقي اجيبهالك تاني تكمل نوم :D:D:D