m11 اكتر عربية مثيره للجدل !!!!

**aftr** · 14-05-2011 06:07 PM

مش هقول غير حسبي الله ونعم الوكيل فيك ياابو الفتوح ياترى العربيه عدم انتشارها لصالح مين وياترى بعد 3او4 سنين هتعمل كام انا اعتقد 40-45---انما لوكانت منتشره ومفهاش مشاكل 55---60 بس هنقول ايه هو ده المنتج الصينى ابشنز بالاونطه زى التليفون ابو 10شرايح وكاميرا 30ميجا باكسيل وطاتش اسكرين وحاجات مش موجوده فى الشركات العملاقه ----------هو ده ياجماعه المنتج الصينى

**khaled_Saga** · 14-05-2011 09:22 PM

والله ياجماعة امبارح اتيحت ليا الفرصة اعمل مشوار برة البلد 20كم رايح جاى على الطريق السريع والمرادى ركزت مع اداء العربية بأمانة وبدون تحيز العربية كأداء ممتازة موتورها قوى صوته مش عالى وثابتة انما بعض المشكلات اللى ظاهرة عندى اعتقد بنسبة كبيرة هى راجعة لسوء التقفيل المصرى فى حد ذاته بس مش عيب فى العربية نفسها يعنى لما تسمع دربكة فى العفشة يبقى محتاجة تربيط لانها مش متربطة كويس ولما الاطار الكاوتش بتاع الازاز نصه يسيب بعد اسبوع من الاستلام وعاوز يتلزق يبقى ده عيب تقفيل وهكذا

عموما انا لسه بردو مقتنع بان مقدرش احكم على العربية بصفة عامة دلوقتى خالص انا مستنى اعمل صيانة الالف واشوء المشكلات اللى عندى هتختفى ولا لأ وبعدها امشى شوية كمان واحكم يعنى متهيألى ادامى لحد 10000 كم لما احكم حكم نهائى

**aftr** · 14-05-2011 09:37 PM

ربنا يديك خرها وتفضل معاك ان شاء الله من غير مشاكل

**khaled_Saga** · 14-05-2011 09:59 PM

المشاركة الأصلية كتبت بواسطة aftr

ربنا يديك خرها وتفضل معاك ان شاء الله من غير مشاكل

الله يخليك ربنا يسمع منك اللهم امين

**ahmedchina** · 15-05-2011 12:17 PM

يا جماعة العربية دى فى الصين شيرى بتفخر إنها من أفضل العربيات التى انتجاتها الفترة الاخيرة , خصوصاً نظام التعليق الخاص بها
و بصراحة انا شوفتها فى كذا معرض أعتقد المشاكل دى كلها مشاكل تقفيل مصرى . لان شوفت العربية دى فى الصين بردو حاجة جامدة
مستوى العربية اعلى من مستوى مهارة عمال مصنع ابو الفتوح على ما يبدو
يعنى بنجمع العربية و مش عرفين حتى نجمعها عدل

**memo13** · 15-05-2011 01:50 PM

المشاركة الأصلية كتبت بواسطة ahmedchina

يا جماعة العربية دى فى الصين شيرى بتفخر إنها من أفضل العربيات التى انتجاتها الفترة الاخيرة , خصوصاً نظام التعليق الخاص بها
و بصراحة انا شوفتها فى كذا معرض أعتقد المشاكل دى كلها مشاكل تقفيل مصرى . لان شوفت العربية دى فى الصين بردو حاجة جامدة
مستوى العربية اعلى من مستوى مهارة عمال مصنع ابو الفتوح على ما يبدو
يعنى بنجمع العربية و مش عرفين حتى نجمعها عدل

فى حاجة كمان من تقريبا ابو الفتوح بيشيل منها حاجات على حساب الجوده عشان يرخص سعرها والدليل ان العربيات فى مصر بتغلى مش بترخص اشمعنا هى رخصت عن ساعت ما نزلت

**bassem.naguib** · 15-05-2011 02:33 PM

المشاركة الأصلية كتبت بواسطة memo13

والله كلام محترم وايجابى جدا المشكلة ان العربية عجبانى جدا وفعلا عاوز اشتريها لان ببساطة كل العربيات اللى فى الرينج ده بصراحة مش حلوه ومافيهاش امكانيات m11 يعنى مثلا الفيرنا عربية فقيره جدا واللوجان خشونة الموتور بتاعها ماتحسسكش انك راكب عربية جديده او بمعنى اصح ماتفرقش عن الادا كتير وللاسف مافيش موديلات تانية بالنسبة للسيدان ممكن الواحد يختار منها ربنا يوفقنا جمعيا للخير ان شاء الله .......... تحياتى للجميع

حضرتك مفكرتش في byd عربية جديرة بالاحترام برضه .. بس المشكلة في توكيلها برضه .. ولو أنه بيسعى لتحسين نفسه .

**khaled_Saga** · 15-05-2011 09:53 PM

المشاركة الأصلية كتبت بواسطة ziabassem

حضرتك مفكرتش في byd عربية جديرة بالاحترام برضه .. بس المشكلة في توكيلها برضه .. ولو أنه بيسعى لتحسين نفسه .

عربية جميلا فعلا وانا فكرت فيها ولكن اذا حطينا العربيتين فى مقارنة واحدة ومادام صينى بصينى فالام 11 تكسب فى الشكل الرياضى والاوبشنز وبقت مغرقة شوارع القاهرة تاكسى اكيد ده ميقللش من جودتها بالعكس ده معناه انها وقطع غيارها انتشرت لكن بردو انت عارف عقدة المصريين يقولك هشترى عربية بقت تاكسى!!

**ashouhdy** · 15-05-2011 10:16 PM

والله انا شايف ان فيرنا اوتوماتيك اختيار افضل سعرا و جودة وكماليات معقولة تكييف باور اوتوماتيك 4 ازاز سنتر انذار اريال كهربا مرايات كهربا كاسيت mp3 aux usb cd كاوتش عريض 14 موتور محترم ... ومتجربة و معروفة يبقى لية الواحد يجرب فى عربية جديدة ؟؟؟؟ عشان الشكل بس ؟؟؟