السلام عليكم
أنا بفكر أشترى Punto 2002-2004
ممكن حد يفيدنى؟
عايز أعرف مميزاتها و عيوبها و الأسعار و ايه الحاجات اللى أخد بالى منها
عرض للطباعة
السلام عليكم
أنا بفكر أشترى Punto 2002-2004
ممكن حد يفيدنى؟
عايز أعرف مميزاتها و عيوبها و الأسعار و ايه الحاجات اللى أخد بالى منها
بص يا باشا أنا معايا Punto 2002 1.2 8V والعربية معايا حلوة الحمدلله
مميزاتها :
حجمها صغير و علي و دة مناسب لطرق مصر أوي
الشكل طبعاً حلو خصوصاً الكشافات الأمامية
إستهلاك البنزين حلو جداً
موتورها بيجري خصوصاً على السرعات القليلة )الاول والتاني(
ثابتة على الطاريق - أنا بجيب بيها 120 و 140 كمان و بتكون ثابتة )أقصى سرعة جبتها كنت 145 :D :D(
المساحة جوا تعتبر كبيرة بالنسبة لحجم العربية الخارجي و كمان فيها أماكن قطر فالتابلوه ممكن تستخدمها
قطاع الغيار مش غالية بس تجبها من أماكنها - تيل فرامل 70 - كابلن 400 - مساعدين خلفي 500 - فلتر زيت 14 :D :D ........ د الحاجات إلي أنا سألت عليها و جبتها لحد دلوقتي
العيوب:
الكشاف الامامى غالباً هتلاقي اداة وحشة و ضعيفة و ممكن تلاقى الرجلاج بتاعهم بايظ
في ناس قالت إن الباور بيبوظ بسرعة عشان كهربا بس هو معايا كويس
والله أنا مش لأي عيوب تانية دلوقتي :D :D بس لو لايت حاجة تانية هقولك أكيد
أنا جيبها مستعملة من 6 شهور و هتلاقي ناس هنا معاهم برده العربية د و يقدرو يفيدونا
أسف مقلتلكش الأسعار :$
2002 كانت ماشية 200000 كيلو والموتور خفيف يعني عايز نص عامرة بتكلف حوالي 1000 جنيه و مش رشه و فبركة نزلتها من 40000 ل-38500
يعني 2002 هتعمل من 38000 ل-40000 أو 41000 على حسب حالتها
الحاجات إلي لزم تاخد بالك منها:
جرب الباور كويس هو وال-city power - ده زرار بيزود قوة الباور عشان وانت بتركن
طبعاً معاك مكانيكي شاطر (اديله 100 جنيها) يشوف الموتور والعفشة و جرب معاه العربية
شفها بتسخن أوي ولا لأ
أعتقد كدة تمام و ربنا يوفقك إن شاء الله :D :D
والله يا باشا أنا لما جبتها كنت عايزه مساعدين ورا عشان كانت بترزع أوي فالمطبات و غيرتهم ب-500 الاتنين
دلوقتي عندى صوت طأطأة قدام لما ألف الدركسيون قوي، ده بيكون كبالن و هي عند الكلاني فى التوفيقية ب-400 الاتنين
لو عملت الابواب او سألت عليهم يتعملو بكام قوللى لانى عاملهم بس الصنيعى مش نظيف للاسف فا مش حلويين قوى :(
هما مشبرين فعلاً و نضفتهم عند واحد في مرة و مفرقوش حاجة أوي يعني
عايز أغير الوش بتاعهم بس مش عرف هلاقيهم او ممكن اعملهم عند مين
المشكلة التانية والأساسية إن أنا عند الرجلاج بتاعهم بايظ - عندى ناحيه باصه لتحت أوي و ناحيه ضاربه فوق شوية و ده بيخليني مش شايف أي حاجة إلا حاجات خفيفة و بالنور العالي و روحت لكذا واحد يعدلهولى معرفوش :untitled 1:
لو تعرف الكشافين الجداد بكام يا باشا أو ممكن أعملهم عند مين (وش و تظبيط الرجلاج) قولي بليــــــز
العربية كويسة أنا لسة جايبة واحدة موديل 2001 من 3 أيام بس المشكلة ان فعلا قطع غيارها غالية شوية بس العربية عموما كويسة وأنا عاجبنى التكييف بتاعها و السيتى باور بردو مريح جدا
بص هو أنا علشان ماواجهنيش الموضوع ده فـمعرفش بس حتت وشوش أو تعمله ممكن تلقي ناس فـال وكالة أو العزبة أو ممكن تشتريه جديد من الكلاني ومش هيبقى غالي أنا كنت سألت من سنة ونص كده
عدد 2 فانوس امامى اصلى استيراد 500 جنيه
عدد 2 فانوس جديد تايوانى 270 جنيه
يعني دلوقتي هتلقي ارخص اعتقد
ودي اسعار كان كتبها عضو هنا مع العربية
سير كاتينة 80 جنيه
سير مجموعة 70 جنيه
بلية كاتينة 90 جنيه
فلتر هواء 30 جنيه
فلتر زيت 35 جنيه
طقم بوجيهات يابانى (عدد 4 بوجيهات) 50 جنيه
طقم مساعدين المانى (عدد 2 مساعد) 550 جنيه
رفرف امامى يمين استيراد 200 جنيه
باب امامى يمين استيراد 500 جنيه(باب فاضى بدون حشو)
تابلوه كامل استيراد 800 جنيه
اكصدام امامى جديد (ايطالى) 480 جنيه
اكصدام امامى سبورت 380 جنيه(مش متأكد ان كان ايطالى او لا)
كبوت: 600 جنيه
سربنتينة تكييف: 1250
ريدياتير: 1000
طقم مراوح: 580
اكصدام امامى تايوانى 280 جنيه