اقتباس المشاركة الأصلية كتبت بواسطة madaxman مشاهدة المشاركة
الجهل والظلم والنهب والفساد والكبت بتاع ال 30 سنه ال فاتت خرج مره واحده
انا عندي كلام كتير واسمحولي اقوله
الجرايم والسرقات ال بتحصل انا حاسسها زي ما هيا يعني قبل الثوره كان كل يوم في جرايم وكل يوم في سرقات بس هيا زادت نسبيا بعد الثوره ودا سببه انا الشرطه مبقاش ليها هيبه خلاص والمجرم والبلطجي مش بيخافوا منهم دلوقتي يعني الحرامي بيسرق دلوقتي وعارفه ان مفيش امين شرطه ماشي بليل وانا حاسس ان الشرطه بتعاقب الشعب بأنها تتكاسل عن اداء عملها عشان ياخدوا ع دماغهم وعشان يقولوا الشرطه دي اسيادنا وياريت يرجعوا زي الاول وعشان يعرفوا الشعب ان الثوره دي كانت ضده وكل دا عشان (بعض) ظباط الشرطه يرجعوا لهيبتهم تاني وطبعا ميبقوش متساويين مع المواطن العادي بحكم انهم اسيادنا مثال حصل عندنا في سوهاج هنا كان في خناقه بين عائلتين المهم اثناء الجلسه طلع واحد من العلتين لقاعه المحمه وضرب بفرد خرطوش ايه ال حصل؟؟؟؟
الظباط طلعوا يجروا ال هما المفروض حما البلد واللي مسكو الراجل دا هما الساده المستشارين والقضاه


موضوع الشرطه دا احنا قتلنه بحث وفي كل مره احنا بنوصل لاتفاق علي انه هناك الكثير من فئات الشعب من من يريدون ان تظل الفوضي ويرتعون فيها واسمحلي في النقطه دي اقتبس كلام احمد شوهدي لما سواق التاكس قاله ثورتنا نمشي عاكسي وندي ولاد ال ........بالجزمه
يبقي هيه مش مشكله شرطه دي مشكله شعب يا راجل دا لما الشرطه حاولت تمنع الناس من اقتحام سفاره اسرائيل طالع ناس تقولك الشرطه تعود لقمع الشعب

بس احسبها كدا الحرامي سرق منك 10.000 جنيه فرضا يعني 10.000 دول هتلاقي نفسك احيانا كنت بتدفعها رشاوي - غرامات من غير سبب - اكراميات - عشان تطلع رخصه بتدفع يجي 500-600 ودول يا أما مدرسه المرور او رشوه مع انها متتكلفش اكتر من 250 جنيه تقريبا
علي فكره قبل الثوره وبعد الثوره لو انت بتعرف تسوق هتعدي الامتحان بكل سهوله وتاخد الرخصه من غير لا رشوه ولا غيره بس احنا كنا بنروح ناخدها واحنا ما بنعرفش نسوق
ونتحجج بكل الحجج اصل انا لمست العمود بس اصلي خبطته خبطه خفيفه
طيب انا والدي سقط في الرخصه في الامارات علشان ما شديش الهاند قبل ما ينزل

لكل ثوره مكاسب وخساير بردو والخساير دي هيا البلطجه والفتنه الطائفيه والسرقات وتقاعس مؤسسه الشرطه عن اداء عملها بالكامل حاول ع أد ما تقدر تحمي اي حاجه تمتلكها خلال الايام دي لحد ما حال البلد ينصلح (أن الفارج الله) وربنا يعوضك في العربيه بتاعتك وأي حد بيخاف علي اخواته يوم ما ينزلوا ينزل معاهم ميتأخروش عن البيت ميروحش حته بعيده او يمشوا في شوارع مفهاش ناس ومحدش يقول هخنق عليهم يعني ؟؟؟ عشان ميجيش ويقول يارتني بعد كدا
لو حد معاه عربيه قديمه شويه يركب لها سنتر وانذار 300 جنيه مش خساره ف عربيه ويعلي حساس السرينه ان شاءالله تقعد تصوت طول الليل كل ما تعدي قطه مش مشكله وربنا يحفظنا كلنا
اسف للأطاله تحياتي
للاسف حضرتك سيبت كل اللي احنا بنتكلم فيه وركزت في الناحيه الامنيه لا اقولك بقي علي اللي جايبلي احباط
مطالب فئويه وخراب من كل اتجاه وفي النهايه مطالب مشروعه
اقتصاد بينهار ورايح في داهيه وفي النهايه بكره احلي باماره ايه
فتنه طائفيه ابطالها ابناء الشعب اللي مستنين بس حد يسخنهم وننزل نعمل جمعه الوحده الوطنيه علي اساس اننا حلنا خلاص كل المشاكل
واخيرا عايزين نحرر فلسطين يله ايه المشكله هيه اساسا اللي ناقصها دلواقتي الاحتلال الامريكي