بفضل الله ركبت dvd وشاشه سينفونى واليكم الصور

الحمد لله ركب امبارح شاشه دى فى دى عرض فى التابلوه
القصه بدأت من حوال شهرين كنت عايز شاشه عرض للعربيه واغير الكاسيت علشان كان عندى الكاسيت الاصلى الشرايط
نزلت شارع دمشق اشتريت شاشه مرايه وركبتها على التابلوه بحامل زجاج وركبت عليها كاميرا والدنيا كانت ماشيه
بعد استمعال للشاشه حسيت انها مش مديانى الى انا عايزه من صوت نفى وكمان لازم علشان اتفرج على فليم لازم اتفرح عليه من اوله مفيش ترجيع او تقديم
ده كان الموضوع بتاعها وفيه الصور
http://www.nilemotors.net/Nile/202745-a.html
فقولت مش مشكله وتوكلت على الله قررت اشترى جهاز دى فى دى بدون شاشه علشان اركبه على الشاشه الى ركبه عندى اصلا من الاول
نزلت ادريان مدينه نصر وحبت من عنده جهاز بايونير 4150 دى فى دى وركبه وجهاز تمام جدا الحمد لله وصوته جامد اوى وسعره كان 1325 جنيه بالتركيب
بعديها لفيت بعد تركيب الدى فى دى ان الشاشه الى انا مركبها ظالمه الدى فى دى يعنى مش بشتغل معاه لما يشتغل وكمان بتاخد وقت ووجوده الصوره مش الى هيها وكمان كان منظرها على التابلوه مش عاجبنى خالص وكنت حاسس انها معرضه للسرقه جامد
بالصدقه واحد صاحبى كان عايز يجيب الشاشه المرايه فقولت انا عايز ابيها للاسباب الى انا شرحتها قبل كده قالى انا شارى
المهم توجهت انا هوه لسبير كار فرع التجمع اول امبارح وسألنا على الشاشات لقيت شاشه بتفتح وتتقفل فى من زرار
بس المشكله ان انا معنديش مكان ليها فى العربيه فالراجل قالى العربيه نوعها ايه قولت لانسر قالى سوبر اكشن وعاديه قولته عاديه قالى احنا عندنا علبه بتاعت الانسر السبورت وسعرها 145 جنيه بس موجوده فى الفرع التانى المهم قولتوا يعنى الحسبه هتكون كان تقريبا بالعلبه قالى 690 شاشه و30 تركيب والعلبه بتاعت الكاسيت ب145 يعنى التوتال 865 جنيه
انا بصراحه لما اسغليت المبلغ بس لما فكرت لقيت نفسى قبل كده صرفت كتير وبرضو مش مبسوط فقولت لنفسى اعملها وخلاص علشان اخلص من القصه ده خالص
المهم قولته توكيل على الله قالى مش هينفع نشتغل انهارضه علشان العلبه لسه هتجى من الفرع التانى قوالى ممكن بكره
قولته طب ممكن نركب الشاشه المرايه فى عربيت صاحبى قالى ماشى وبالفعل ركبناها فى عربيته واشتغلت تمام
روحت تانى يوم حوالى الساعه اثنين نزلت العربيه الجراج عندهم استنيت فى الاستراحه وبداء الشغل فى العربيه
الاول فك العربيه الى تحت وحط العليه الجديده ونزل الكاست تحت والشاشه ركبها فوق انا كنت عايز اركب الكاسيت فوق والشاشه تحت بس قالى مش هينفع علشان الشاشه وهيه بتخرج هتخبط فى الفيس وكمان روئيتها هتكون مرهقه بالنسبه لك فوقلت ماشى
ركب وكله تمام وهوه بيركب الكاميرا الخلفيه عمل لى نظام انى اول ما اجيب ماشدير الشاشه هتفتح اوتوماتيك واو ما اخلص الشاشه تقفل اتوماتيك
تمام لحد كده
المهم سألى تحت نعمل وصله خلفيه من الشاشه لaux بتاع الكاسيت فوقلت ماشى وركبها بالفعل اصبح انى ممكن اشغل اغانى والصوت بتاع الفيدو بيخرج من سماعات العربيه
الهم صلى وسلم وبارك على سيدنا محمد
استعملت العربيه وجربت لقيت نفسى لو كنت ركبت الشاشه ده من الاول كنت ممكن مجتاجش اجيب كاسيت دى فى دى بس كل الى هحتاج انى اجيب كاسيت فى aux لان الشاشه بتشغل اغانى بجوده زى الكاسيت بالضبط بس اقل حاجه بسيطه جدا غير مؤثره بالنسبه لى كمان بتشغل dvd بس طبعا مش بتقدم وترجع الفيدو زى ما انت عايز يعنى فيها تقديم او ترجيع 4 % 8 % 20 %
الخلاصه لو حد عايز يركب الشاشه مش لازم يجيب كاسيت دى فى دى كل الى هيعمله لو سوصلها بكاسيت فى aux او يعدل الكاسيت aux او يركب شريط لو الكاسيت شرايط

المهم خلت ودفعت مبلغ 690 ثمن الشاشه 30 جنيه تركيب 145 علبه كاسيت 5 وصله
اسيبكم بقى مع الصور
لو فى اى استفسار انا تحت امركم

http://www.gmrup.com/d1/up13052104651.jpg

http://www.gmrup.com/d1/up13052104652.jpg

http://www.gmrup.com/d1/up13052104663.jpg

http://www.gmrup.com/d1/up13052104674.jpg


http://www.gmrup.com/d1/up13052104675.jpg

الف مبروك شغل جمسل جدا
بس الكاسيت بتاعك مافيهمش aux من الاول؟

اقتباس:

---

المشاركة الأصلية كتبت بواسطة AFTAM

الف مبروك شغل جمسل جدا
بس الكاسيت بتاعك مافيهمش aux من الاول؟

---

الله يبارك فيك متشكر اوى
الكاسيت الاصلى بتاع العربيه مكنش فيه aux بس برضو كان ليه حل انى اركب شريط ووصله بالشاشه وكان هتيشتغل برضو كويس
الكاسيت الجديد فيه 2 aux واحد امامى فى الكاسيت والتانى خلفى خلف الكاسيت وده الى انا موصله بالشاشه
بالمناسبه كمان الشاشه فيها انك تطلعها وادام وترجعها للخلف بزارين حتى رؤئتك
وعليها ضمان سنه والتروس بتاعنها معدن

اولا الف مليون مبروك وربنا يبارك لك فيه

في استفسارات كده بقي

اولا ايه هيا ايه علبه الكاسيت اللي ب145 جنيه دي

ثانيا عاوز اعرف بقي لو الكاسيت تحت كده مش مكانه فوق زي عندك
الرؤيه حتبقي وحشه ولا حلوه
لاني عندي كاسيت mp3 عادي
وكنت عاوز اركب الشاشه دي
اعمل ايه بقي
عشان نشوف منها كويس

وهل لو ركبتها ومش عاوز اشغل افلام عاوز اشغل اغاني من الكاسيت الام بي ثري
حيتعارض ولا لا

ألف مبروك :)

شغلت التكييف والشاشه مفتوحه....مأثره على فتحات التكييف ؟؟!!

الف مبروك
انا كمان عندي استفسار :)
الشاشة الدخل بتاعها ايه ؟
و ينفع يدخلها يو اس بي ولا لا "يو اس بي دخل مش فلاشة"

اقتباس:

---

المشاركة الأصلية كتبت بواسطة funnymickey

اولا الف مليون مبروك وربنا يبارك لك فيه

في استفسارات كده بقي

اولا ايه هيا ايه علبه الكاسيت اللي ب145 جنيه دي

ثانيا عاوز اعرف بقي لو الكاسيت تحت كده مش مكانه فوق زي عندك
الرؤيه حتبقي وحشه ولا حلوه
لاني عندي كاسيت mp3 عادي
وكنت عاوز اركب الشاشه دي
اعمل ايه بقي
عشان نشوف منها كويس

وهل لو ركبتها ومش عاوز اشغل افلام عاوز اشغل اغاني من الكاسيت الام بي ثري
حيتعارض ولا لا

---

علبه الكاسيت ده العلبه الى تحت الى متركب فيها السى دى دى فى دى علشان عليه الانسر العاديه مش السبورت مينفعش تشيل كاسيت علشان صغيره
العلبه القديمه زى الى فى الصوره ده
http://www.gmrup.com/d1/up13052158481.jpg

زى ما انت شايف مينفعش تاخد السى دى او الشاشه

انا بالنسبه لى الكاسيت تحت التحكم بتاعه احسن علشان انا طول ما سايق ساند ايدى على الفتيس والرؤيه حلو برضو يمكن احسن كمان علشان فوق الكاسيت بيجى عليه شمس فتخلى الرؤيه ضعيفه
الكاسيت الم بى سرى اعتقد انه مش بيعرض
برضو ده بتختلف حسب الاوبشين بتاع الكاسيت بتاعك

اقتباس:

---

المشاركة الأصلية كتبت بواسطة aly_hosny

الف مبروك
انا كمان عندي استفسار :)
الشاشة الدخل بتاعها ايه ؟
و ينفع يدخلها يو اس بي ولا لا "يو اس بي دخل مش فلاشة"

---

الله يبارك فيك متشكر اوى
بس الشاشه لما بتقفل بتنى ادام وتتسحب جوه العلبه بتاعتها
هيه اصلا جاى معاها وصله يو اس بى بتركب عادى وبتوصلها بفلاشه او اى حاجه انت عايزها وفيها كمان ميمورى كارت

شكله حلو ما شاء الله

سؤال بسيط علشان انا مش فاهم اوى
هى فيها مكان فلاشة يعنى الواحد ممكن يركب عليها فلاشة ويشغل منها افلام صح ولا لا وطبعا اغانى وقران ويبقى مش محتاج الى تسجيل ولا dvd مظبوط الكلام ده ولا لا
وصوتها هيبقى كويس على سمعات الفبريكه ولا ايه والا الواحد يبقى يجبلها جى ام وخلاص اسف لو طولت عليك هى اسئله بس اعذرنى اخوك مش فاهم والصناعه ايه واسمها ايه

والف مبروك يا باشا وربنا يكفيك شرها وعيون الناس

الف مبروك ياباشا بس سؤال غلس شويه ممكن اعرف منين الجراب بتاع الدريكسيون وبكام لانى مش لاقى واحد كويس

اقتباس:

---

المشاركة الأصلية كتبت بواسطة sakr

الف مبروك ياباشا بس سؤال غلس شويه ممكن اعرف منين الجراب بتاع الدريكسيون وبكام لانى مش لاقى واحد كويس

---

يا باشا الله يبارك فيك

الجراب ده جايبه من مكتبه ابراهيم فى شارع دمشق ب40 جنيه
بس منصحكش بيه لانه بيبوظ بسرعه جدا
فى حاجات حلوه تانيه احسن حاجات تجيب جاجه جلد مفرغ

اقتباس:

---

المشاركة الأصلية كتبت بواسطة mohammedabdallh

سؤال بسيط علشان انا مش فاهم اوى
هى فيها مكان فلاشة يعنى الواحد ممكن يركب عليها فلاشة ويشغل منها افلام صح ولا لا وطبعا اغانى وقران ويبقى مش محتاج الى تسجيل ولا dvd مظبوط الكلام ده ولا لا

تمام مضبوط بس لازم علشان الصوت نفسه يطلع من سماعات العربيه لازم يكون فيه العربيه يكون فيها كاسيت فى aux وجودته حلوه علشان الصوت يطلع نقى
وصتها هيبقى كويس على سمعات الفبريكه ولا ايه والا الواحد يبقى يجبلها جى ام وخلاص اسف لو طولت عليك هى اسئله بس اعذرنى اخوك مش فاهم والصناعه ايه واسمها ايه
الشاشه صناعه مصرى واسمها سينفونى وكليها شركه كلايون ومعاها ضمان سنه

---

اعتبر الدى فى دى او السيى دى او الكاسيت مش موجودين خالص فى العربيه
الشاشه لواحدها ممكن تشغل منها افلام بصيغه دى فى دى واغانى وقرأن وليها شماعه فيها بس الصوت مش هيكون الى هوه فلازم تحوله على سمعات العربيه
والاسف الشاشه ده مفيهاش واير لس اف ام فبتوصلها بaux فى الكاسيت او السى دى بتاع العربيه علشان الصوت يطلع من سماعات العربيه وفى الحاله ده الصوت بيكون حلو بس الجوده فى الصوت طبعا بيفرق على حسب الكاسيت بتاعك الى راكب فى العربيه .

جميله جدا جدا مبروك عليك
استنى بقى بعد الصلاه ههريك اسئله

ماشاء الله مبروك يا كبير
انا بقي عملت حاجه جامده
ركبت شاشه دي في دي في الكريستاله مكان الكاسيت
شكلها وهمي و فيها اي يو اكس خرجه تحفه مع السي دي

يعنى الواحد يجبها ويريح نفسه ويجيب لها جى ام محترم والموضوع يخلص يبقى عنده كل حاجه فلاشه وصوت اغانى وقران ونفس الوقت شاشة للفيديو وجى ام علشان يظبط صوت كويس والموضوع ينهى اصل اخوك كان عمال يدو يجيب تسجيل بيونير وجى ام وبعد كدا اجيب شاشة كدا انت ريحت عليا اوى وكمان الميزة انها بتخش وتخرج مش سابته على الطبلوة دى احسن حاجه عجبانى او الموضوع ده
وشكرا ليك يا باشا على الرد الجميل والمعلومات المفيده دى ربنا يخليك لينا وللمنتدى

اقتباس:

---

المشاركة الأصلية كتبت بواسطة memo_lancer

ماشاء الله مبروك يا كبير
انا بقي عملت حاجه جامده
ركبت شاشه دي في دي في الكريستاله مكان الكاسيت
شكلها وهمي و فيها اي يو اكس خرجه تحفه مع السي دي

---

ما تفرجنا يا عم

ما هي العربيه في مصر
و انا سايبها نايمه في الجراج

اقتباس:

---

المشاركة الأصلية كتبت بواسطة limo

الله يبارك فيك متشكر اوى
بس الشاشه لما بتقفل بتنى ادام وتتسحب جوه العلبه بتاعتها
هيه اصلا جاى معاها وصله يو اس بى بتركب عادى وبتوصلها بفلاشه او اى حاجه انت عايزها وفيها كمان ميمورى كارت

---

شكرا لردك
بس انا كان قصدي ينفع اشغلها شاشة بس "يعني ينفع اوصلها بالكمبيوتر او الموبيل و تعرض بس" سواء usb او وصلة اوديو فيديو

صباح الخير

ياترى ممكن أوصلها على المحمول وأشغل خاصية gps عليه ولا فيها تحديد المواقع gps من غير موبيل

ماشاء الله لا قوة الا بالله شغل جميل قوى وعال ربنا يباركلك فيها طيب انا كان عندى سؤال انا عايز اركب دى فى دى بالشاشة بتاعته علشان انا بعت الكاسيت بتاعى علشان اجيب حاجة احسن تنصحنى بنوع ايه حتى لو كاسيت عادى واجيبه منين انا كان عاجبنى بايونير جرافيك بس مش عارف رقمه تحياتى

اقتباس:

---

المشاركة الأصلية كتبت بواسطة tamtam_313

جميله جدا جدا مبروك عليك
استنى بقى بعد الصلاه ههريك اسئله

---

الله يبارك فيك يا باشا انا اهو قاعد مستنى من يوم الجمعه

اقتباس:

---

المشاركة الأصلية كتبت بواسطة Memo_Lancer

ماشاء الله مبروك يا كبير
انا بقي عملت حاجه جامده
ركبت شاشه دي في دي في الكريستاله مكان الكاسيت
شكلها وهمي و فيها اي يو اكس خرجه تحفه مع السي دي

---

الله يبارك فيك
للاسف انا عندى فتحه الكاسيت فى البومه مش زى الكرستاله ..الكرستاله ممكن تشيل كاسيت دى فى دى شاشه وتاتش كمان لاكن الحوار ده فى اليومه مش ينفع

اقتباس:

---

المشاركة الأصلية كتبت بواسطة mohammedabdallh

يعنى الواحد يجبها ويريح نفسه ويجيب لها جى ام محترم والموضوع يخلص يبقى عنده كل حاجه فلاشه وصوت اغانى وقران ونفس الوقت شاشة للفيديو وجى ام علشان يظبط صوت كويس والموضوع ينهى اصل اخوك كان عمال يدو يجيب تسجيل بيونير وجى ام وبعد كدا اجيب شاشة كدا انت ريحت عليا اوى وكمان الميزة انها بتخش وتخرج مش سابته على الطبلوة دى احسن حاجه عجبانى او الموضوع ده

---

اقتباس:

---

المشاركة الأصلية كتبت بواسطة mohammedabdallh

وشكرا ليك يا باشا على الرد الجميل والمعلومات المفيده دى ربنا يخليك لينا وللمنتدى

---

الشكر لله اما تحت امرك فى اى حاجه

اقتباس:

---

المشاركة الأصلية كتبت بواسطة aly_hosny

شكرا لردك

---

اقتباس:

---

المشاركة الأصلية كتبت بواسطة aly_hosny

بس انا كان قصدي ينفع اشغلها شاشة بس "يعني ينفع اوصلها بالكمبيوتر او الموبيل و تعرض بس" سواء usb او وصلة اوديو فيديو

---

هوه انا مجربتش الصراحه بس اعتقد انها لو اتوصلت بكبيوتر او موبايل هتشتغل برضو وبرضو ما انزل ان شاء الله هاخد معايا وصله الموبيل واجرب واقولك


QUOTE=ahmedsmg;3873494201]صباح الخير

ياترى ممكن أوصلها على المحمول وأشغل خاصية gps عليه ولا فيها تحديد المواقع gps من غير موبيل[/QUOTE]

الجهاز مفهوش للاسف جى بى اس

اقتباس:

---

المشاركة الأصلية كتبت بواسطة prisoner

ماشاء الله لا قوة الا بالله شغل جميل قوى وعال ربنا يباركلك فيها طيب انا كان عندى سؤال انا عايز اركب دى فى دى بالشاشة بتاعته علشان انا بعت الكاسيت بتاعى علشان اجيب حاجة احسن تنصحنى بنوع ايه حتى لو كاسيت عادى واجيبه منين انا كان عاجبنى بايونير جرافيك بس مش عارف رقمه تحياتى

---

الله يبارك فيك
هو فى بس انت لو عندك فتحه الكاسيت بتاعك فى العربيه دابل ممكن تجيب حاجه بايونير بالتاتش بتاعها وتشد معاك فى الفتحه
لو زى حلاتى الفتحه بتاعك مش دابل فى جهاز بايونير تقريبا سعره 2800 جنيه بيشغل دى فى دى والشاشه بتاعته بتدخل وتطلع زى الى عندى بالضبط وتاتش على ما اعتقد
نصيحه لو معاك فلوس هات الجهاز ده وسيبك من الى انا عامله
احسن حاجه بجد فى الاجهزه البايونير بدون مبالغه كصوت وامكانيات
ربنا يوفقك لى فيه الخير

الف مبروك على فكرة الشاشة دي ماشاء الله جامدة ربنا يحميهالك بس سؤال هو ممكن الشاشة تتوصل على سماعات العربية على طول ولا لازم كاسيت فيه aux وسؤال تاني ممكن تشتغل عادي مع dvd اللى عندك يعني تشغل مثلا افلام على dvd وهي تعرض ولا لازم تعرض من خلالها والف مبروك مرة تانية وان شاء الله هجيب زيها .

1000 مبروك يا صاحبى
واتمنى انك تجرب الموبايل عليها وياريت يكون نوكيا 5800 :) وتقولنا نفع ولا لأ

لانه لو نفع هيبقى جامد اخر حاجة
وهنزل اشترى واحدة فى ساعتها

الحمد لله لقيت زي الشاشة دي بالظبط واشتريتها بس اقل شوية جبتها ب620 جم بس انا لسة مركبتهاش وخايف ليكون الخرج بتاع الصوت بتعاها مش اوي وكنت عاوز اسالك ياباشا اخبار الصوت ايه لان هعمل زيك كده بالظبط ووصلها على cd sony بس aux بتاعة خارجي فقط

محدش يعرف الاقيها فين في اسكندرية ؟

اقتباس:

---

المشاركة الأصلية كتبت بواسطة amooooor_s

الحمد لله لقيت زي الشاشة دي بالظبط واشتريتها بس اقل شوية جبتها ب620 جم بس انا لسة مركبتهاش وخايف ليكون الخرج بتاع الصوت بتعاها مش اوي وكنت عاوز اسالك ياباشا اخبار الصوت ايه لان هعمل زيك كده بالظبط ووصلها على cd sony بس aux بتاعة خارجي فقط

---

ممكن تقولنا جبتها منين
؟؟؟؟؟؟؟؟؟؟؟؟

انا جيبتها من التوفيقة في توكيل سيمفوني هناك والشاشة شغاله ماشاء الله كويسة جدا

اقتباس:

---

المشاركة الأصلية كتبت بواسطة amooooor_s

الحمد لله لقيت زي الشاشة دي بالظبط واشتريتها بس اقل شوية جبتها ب620 جم بس انا لسة مركبتهاش وخايف ليكون الخرج بتاع الصوت بتعاها مش اوي وكنت عاوز اسالك ياباشا اخبار الصوت ايه لان هعمل زيك كده بالظبط ووصلها على cd sony بس aux بتاعة خارجي فقط

---

الف مبروك يا باشا
انا كده جايبها ب 70 جنيه زياده بس يلا مش مهم
الصوت بتعاها حلو اوى لانه مش خارج من وايرلس اف ام لا ده وصله aux بتالى الصوت بيتعتد فى الاول والاخر على صورت اللكاسيت بتاعك اذا كان حلو ولا
انا عندى الصوت حلو اوى اوى انظف مليون مره من الشاشه المرايه

اقتباس:

---

المشاركة الأصلية كتبت بواسطة amooooor_s

انا جيبتها من التوفيقة في توكيل سيمفوني هناك والشاشة شغاله ماشاء الله كويسة جدا

---

ممكن اعرف التوكيل ده فين بالظبط
؟؟؟؟؟؟؟؟؟

اولا الف الف مبروك علي الشاشة الجميلة ديه

سؤال بقي علي الماشي .. ايه هي الامتدادات اللي بتشغلها الشاشة .. يعني حوالي كام امتداد و اساميهم ؟

اقتباس:

---

المشاركة الأصلية كتبت بواسطة Peaceman

اولا الف الف مبروك علي الشاشة الجميلة ديه

سؤال بقي علي الماشي .. ايه هي الامتدادات اللي بتشغلها الشاشة .. يعني حوالي كام امتداد و اساميهم ؟

---

هوه انا مش عارف بالضبط ايه الامتدادات الى بتشغلها بس الامتداد الى جربته هوه الىdvd واشتغلت عليه تمام
اول ما انزل ان شاء الله هبص على العلبه واعرف بالضبط هيه بتشغل ايه بالضبط

اقتباس:

---

المشاركة الأصلية كتبت بواسطة momo44

ممكن اعرف التوكيل ده فين بالظبط
؟؟؟؟؟؟؟؟؟

---

متابـــــــــــــــــــــ ــــــــــع

الف الف مبروك يا باشا و ربنا يحفظك انت و عربيتك ان شاء الله

ممكن اركب دي في التيريوس

اقتباس:

---

المشاركة الأصلية كتبت بواسطة Peaceman

اولا الف الف مبروك علي الشاشة الجميلة ديه

سؤال بقي علي الماشي .. ايه هي الامتدادات اللي بتشغلها الشاشة .. يعني حوالي كام امتداد و اساميهم ؟

---

+1111
مبروك اولا وفي انتظار ردك للامتداد زي mpeg1-mpeg2-rmvb
وشكرا

جميييلة اوى ربنا يباركلك فيهم