عندى مشكلة فى إريال الريجلتا هوا موجود فى سقف العربية و القاعدة ثابتة بس هوا بايظ و بيلقط 3 محطات بس و بتقطع جامد كمان
حد عنده فكرة عن كيفية تغيير إريال السقف و أقصد الإريال بالقاعدة بتاعته بالسلك الواصل بالكاسيت ؟؟
عرض للطباعة
عندى مشكلة فى إريال الريجلتا هوا موجود فى سقف العربية و القاعدة ثابتة بس هوا بايظ و بيلقط 3 محطات بس و بتقطع جامد كمان
حد عنده فكرة عن كيفية تغيير إريال السقف و أقصد الإريال بالقاعدة بتاعته بالسلك الواصل بالكاسيت ؟؟
انا غيرت اريال الرفرف بتاع فيرنتي بنفسي الحمد لله
اعتقد بتاع السقف مش هيفرق كتير عنه
اهم حاجة تجيب الاريال ومن ثم تبدأ تفكه وزي ما تفك زي ما تركب بس كدة
هات اريال اليكترونى الى بيتلزق على الزجاج وريح دماغك ب15 جنية
بص ياباشا عندى فى الشهين فكيت اريال السقف قبل كده
فكيت الفانوس بتاع الصالون اللى فوق المرايه
وبعد كده فى صاموله 8 باين او 10 بتفكا وتسحب الاريال القديم بسلكه كامل بس خلى بالك وانت بتسحب سلكه اربط فيه اى حبل تانى علشان تعرف تسحب سلك الاريال الجديد فى السقف والقايم بتاع العربيه
انا بعد ما استلمت العربية بيوم نزلت ركبت كاسيت و سماعات و شوية كماليات كده .... وبعديها بــ 7 شهور جاه على بالي اني أشغل الراديو كنت مع واحد صاحبي فالسكه وحب يجرب حاجة كده انه يشغل حاجات من موبايله نوكيا N97 على الراديو من خلال خاصية الـــ FM Transmitter وإكتشفت صدفة يومها اني ما عنديش إيريال للراديو
كنت هأركب واحد ابو موتور ... او واحد عادي بيركب على عامود الي نازل من السقف على البودي قدام شمال .... و في نوع بيركب ورا بيتطلع يدوي برضه .....
ماكانتش عاوز أخرم و أعمل شغل تخريم فالعربية وهيه جديدة و الراجل بتاع الكماليات إقترح عليا تركيب إيريال داخلي
خليته يوريني الشكل من الداخل و الخارج .... لقيته معقول جدا جدا .... و ركبته بالفعل و كلف 12 جنيه ...
مش عارف ايييييه الرابط بينه و بين التاكسيات .... ما حدش بيقول ركب 10 مرايات صغيرة و لزق كاوتشات و كروم عالفاضي و المليان ... دا مجرد ايريال ...
وأهوه برضه تنسى ان ييجي عيل صغير بيلعب يقوم مبوظهولك او فالسكة حد يكسرهولك ..... و النقاء كويس جدا جدا .
هـــــاته و ريح دماغك