انا بكهرب العربية او جايز هي الي بتكهربني ؟؟؟؟

**Bishoy.Girgis** · 14-05-2011 03:58 AM

انا بتحصل معايا كتير اوي لما بركب تاكسيات عشان كده بقفل باب التاكس من الزجاج الخارجي او لما بحاسب التاكسي بقفل الباب بالمحفظة لأن الموضوع بزيادة اوي
انما في عربيتي بتحصل الكهرباء ديه بس بتكون خفيفة مش زي بتاعة التاكسيات
مش عارف السبب لغاية دلوقتي بس هنعمل ايه مالهاش حل تاني

**mahmoud5777** · 14-05-2011 11:32 AM

الموضوع ده يا جماعة بيعتمد على اكتر من حاجة زى نوع فرش العربية ونوع الهدوم ومدى جفاف الهواء يعنى نسبة الرطوبة واللى بيحصل انك بتحتك بالفرش بتاع العربية وانت نازل لغاية ماتيجى لحظة انك تبقى خارج العربية تماما فى اللحظة دى بتبقى انت بقيت قطب والعربية قطب تانى وهب تروح حاطط ايدك او مسلم على حد وطاخ هاهاها جميلة جدا انا باعملها فى اصحابى هاهاها
الحل تحط ايدك على الباب يعنى تبقى لامس المعدن وانت نازل او تمسك المفتاح بتاع العربية من الجزء المعدن وتلمس بطرفة جزء من المعدن بتاع العربية هتلاقى شرارة وخلاص وبمجرد ما تتغير نسب الرطوبة او نوعية الملابس هتلاقيها بطلت لوحدها

**mohamedbook** · 14-05-2011 11:46 AM

المشاركة الأصلية كتبت بواسطة heshamzaky

دى كهرباء أستاتيكية و دة بسبب نوع الملابس الى أنت لابسها لو لابس بنطلون كتان أو جبردين مثلا مش حا يحصل كدة لو لابس بنطلون قماش و البنطلون دة فية الياف بوليستر حا تتكهرب شوية . الافضل ضع على المقعد بتاع السيارة الفرش الخوص دة حا يقلل الموضوع شوية و اغلب الظن عندك فرش العربية قطيفة او بوليستر شوية من الاحتكاك بالجسم و انت جالس بيولد شحنات شوية تيجى تقفل الباب تتكهرب . أنا فى الشتاء بسبب لبس الصوف بتكهرب باستمرار علشان كدة حطيت الفرش الخوص ((( العراقات الخوص ))) علشان تقلل الموضوع دة شوية و على فكرة الجلوس أمام الكمبيوتر فترات بيعمل شحنات كدة شوية تيجى تفتح حنفية المية تتكهرب برضو بس دة فى الشتاء أكتر خصوصا مع لبس أى حاجة صوف أو داخل فى تصنيعها بوليستر

يعني لو عملت فرش جلد مش هيحصل مشكلة ولا الفرش الجلد طبعا هيكون صناعي مش طبيعي هيكون فية نفس المشكلة

**bassem.naguib** · 14-05-2011 12:06 PM

لا لا لا لا .. سيبك خالص من حوار أنك تسوق عريان .. لأنه مرفوض تماماً .. مش علشان منظرك قدام الناس والكلام الفاضي ده المشكلة الحقيقية في الشتا والجو برد حتعمل أيه ساعتها .

الحل العملي والنهائي روح لواحد كهربائي يركبلك سلكة أرضي

نتكلم بجد بقى .. أكيد فرش العربية ونوعية الملابس هو اللي بيعمل المشكلة دي .. بالإضافة لو أنت بتقعد قدام الكمبيوتر فترات طويلة .

أرجو أن تتقبل الهزار يا فندم .

**ahmedsamir5edr** · 14-05-2011 03:07 PM

هههههههههههههههههههه
ردود جميله

طب محدش جرب الحل اتاني اللي كتبته في اول الموضوع ؟؟

**mohamedbook** · 14-05-2011 03:15 PM

المشاركة الأصلية كتبت بواسطة ahmedsamir5edr

هههههههههههههههههههه
ردود جميله

طب محدش جرب الحل اتاني اللي كتبته في اول الموضوع ؟؟

انا مجربتش الحل التاني عشان اعتقد ان الشحنه الي هيكون الواحد مشحون بيها هتفضي في اي حاجة سواء بقي من برة ولا من جوه يعني هكهرب العربية هكهربها معنديش تنازل عن الموضوع ده ابدا
والله لعلمها الادب

**fouaa** · 14-05-2011 03:18 PM

انا كنت بكهرب الناس وبتكهرب معاهم وكتير اوى الموضع زاد معايا جدا لحد مروحت لدكتور وقالى فعلا ان فى شحنات استاتيكيه بتتجمع على الجسم وبتخرج مع اول لمسه لحاجه ممكن تتفرغ فيها سواء حاجه معدن او شخص وقالى على حاجه انا جربتها وبجد ملهاش حل خالص اسوره كده اسمها صابونه بتتباع فصيدليات العزبى او سيف او اى صيدليه كبيره الاسوره دى نحاس وفى منها الوان نحاسى او فضى ودى بتظبط الشحنات الاستاتيكيه تماما وهتمنع موضوع انك تكهرب او تكهرب حد

**mohamedbook** · 14-05-2011 03:32 PM

المشاركة الأصلية كتبت بواسطة fouaa

انا كنت بكهرب الناس وبتكهرب معاهم وكتير اوى الموضع زاد معايا جدا لحد مروحت لدكتور وقالى فعلا ان فى شحنات استاتيكيه بتتجمع على الجسم وبتخرج مع اول لمسه لحاجه ممكن تتفرغ فيها سواء حاجه معدن او شخص وقالى على حاجه انا جربتها وبجد ملهاش حل خالص اسوره كده اسمها صابونه بتتباع فصيدليات العزبى او سيف او اى صيدليه كبيره الاسوره دى نحاس وفى منها الوان نحاسى او فضى ودى بتظبط الشحنات الاستاتيكيه تماما وهتمنع موضوع انك تكهرب او تكهرب حد

تمام
وهي سعرها كام من فضلك

**HeMa_LanCeR** · 15-05-2011 11:35 AM

انا باردو علي طول بتكهرب
بس توصلت لحل
هو صحيح بتكهرب منه بس مش قوي زي الأول
اني قبل ما انزل افتح الباب وبعدها مسك العربيه بأيدي الاتنين وبعدين المس الأرض
كده مش بتكهرب
يعني تمسك العربيه قبل ما تنزل للأرض
علي فكره انا شغال في شركة اللي بتعمل الأرضي للكهربا :)

الموضوع: انا بكهرب العربية او جايز هي الي بتكهربني ؟؟؟؟

LinkBack

أدوات الموضوع

عرض

-

-

-

-

-

المواضيع المتشابهه

هستخدام دينمو العربية فى توليد كهرباء من الرياح ؟ وفى كام سؤال عن دينامو العربية؟؟

دفغت كام للسمسار و انت بتشترى او تبيع العربية و العربية كانت بكام ..؟

لما بدور العربية وهيه بردة بلاقى العربية بترج فترة

لما اغطى العربية بغطاء مشمع و مبطن من الداخل بعد ما اركن العربية ده صح ؟

الكلمات الدلالية لهذا الموضوع

المفضلات

المفضلات

ضوابط المشاركة