مناقشة..السول الجنط 16 أسرع من الجنط ال18..السيراتو معانا بردو
السلام عليكم ورحمة الله وبركاته
أزيكم يا رجالة الكيا
فى عضو كريم شاركنا بموقع بيحسب قياسات الكوتش و مدى تأثيرها على قراءة عداد السرعة
من هنا
المهم أنا مكنتش فاهم المقاسات صح و الرجالة شرحولى و دخلت على الموقع و أعدت أجرب مقاسات كاوتش الكيا سول و لقيت الأتى
أنا كوتش الوكيل بتاعى 205/55/16 من حسابات الموقع هيبقى أرتفاع الكاوتش (القطر) بيساوى 631.9 مم
كاوتش الخليجى 225/45/18 المفروض القطر 659.7 مم
معنى الكلام ده أن مثلا علشان ال18 يجيب 100كم/ساعة هيحتاج قوة أكبر من الموتور و الأر بى ام هيبقى أعلى من اللى محتجها ال 16 أنا عندى الأر بى أم بيبقى على 3 و انا على 110 يا ترى رجالة الخليجى الوضع عندهم ازاى
السيراتو بقى العكس الجنط ال 215/45/17 قطره 625.3 مم
ال 205/55/16 قطره 631.9 مم معنى كده أن الجنط ال 17 أريح للموتور
كل الكلام ده على القطر نيجى بقى لعرض الكاوتش نظريا الكاوتش العريض تسارعه أحسن لأن احتكاكه بالأرض أكبر و بالتالى انا مش قادر أحدد الفروقات بنهم و مين أحسن للموتور و للتسارع
فى أنتظار مشاركتكم للمناقشة وفهم الموضوع بشكل صحيح
اللهم صل على محمد وعلى آله وصحبه أجمعين
