الحمدلله رب العالمين انقلبت بالعربيه

**amr_elmasry** · 13-05-2011 01:53 AM

الف سلامة عليك وربنا يعوض عليك
انا حاسس بيك والله لانى حصلى
حادثة ممثلة زى دى بس كنت فى المنصورة
على كوبرى منية سندوب وكنت على سرعة
80 بردوا بس انا بقى اتقلبت من فوق الكوبرى
ولولا ستر ربنا اولا مكنتش طلعت منها سليم
ولاكن بفضل الله كنت لابس
حـــــــــــــزام الامـــــــــــــان
ومحصلش حتى خربوش من فضل الله ورحمة

قدر الله وماشاء فعل

**VANTROY** · 13-05-2011 02:09 AM

الف سلامة عليك ... والحمد لله على كل حال

ورأيى ان حضرتك تصلحها الاول وبعدين تبيعها - لو حبيبت - غير كده مش هايشتريها منك غير تجار ... وما ادراك ما التجار

لو فكرت فى تصليحها يبقى عليك وعلى سمكرية المنصورة بلا منازع

**modo88** · 13-05-2011 04:28 AM

صح والله كلام الاخوه الاعضاء عليك وعلي المنصوره ولو تحب اقولك توديها لمين هناك بالظبط اقولك ولو تحب ياسيدي اجي معاك مفيش اي مشاكل تحت امرك
لان حضرتك صنايعيه المنصوره تمام التمام وبيجيلهم من محافظات كتير اووي وبالذات السمكره فيه كام واحد فنان كدا ممكن اقولكم عليهم
والف حمد الله علي سلامتك

**modo88** · 13-05-2011 04:32 AM

وياريت بعد ازن حضرتك الصور علشان نقدر الخساير والاخوه تفيدك اكتر لان لينك الصور مش شغال

**speed3001** · 13-05-2011 05:10 AM

الحمدلله رب العالمين

انا من سعتين جه واحد شفها وقلي ممكن اخدها على 28 الف بس انا موش عارف هى تباع كدا على كام قلتله طيب افكر بس اشوف تصليحها يكلف كام وكدا

المهم دا لينك للصور ويا رب يشتغل
ImageShack Album - 8 images

اخر حاجه انا شايف اني ابعها على حالتها كدا موش مشكله الخساره لاني كدا خلاص خسرت بس الحمدلله رب العالمين فرق اني ابعها على حالتها كدا واني اصلح وابيع موش كبير على ما اعتقد بس مستني رايكم وربنا يلطف ويحفظ الجميع

**mustafavet** · 13-05-2011 10:48 AM

الحمد لله ان حضرتك بخير
انا اعرف ان الباب كصاج بس بيعمله 330 في الحدود دي
الرفرف امامي شمال انا كنت جايبه ب 160 بس السمكري استعدلي القديم وبتاع الاستيراد رفض ياخده مني تاني
انا من بنها لو حضرتك عاوزه خده انا مش محتاجه

**mustafavet** · 13-05-2011 10:54 AM

بص انا شوفت الصور
متشتريش اي حاجه دلوقتي
فعلا في سمكريه علي طريق كفر شكر ميت غمر ( جزء من طريق المنصوره القاهره)
خصوصا واحد اسمه جمال
دا صنايعي بجد ومش عنده شغل كتير وهيستعدلك فيها كل حاجه حتي الحاجه اللي ضايعه خالص بيعملها وشغله عشره عليانا بقولك لاني انا كنت عامل حادثه والناس قالولي بيعها والكلام دا وانا كانت نفسيتي محطمه بس بجد الراجل دا شغله عالي ورخيص جدااااااااااااااااااااااا ااااا

**modo88** · 13-05-2011 11:52 AM

المشاركة الأصلية كتبت بواسطة speed3001

الحمدلله رب العالمين

انا من سعتين جه واحد شفها وقلي ممكن اخدها على 28 الف بس انا موش عارف هى تباع كدا على كام قلتله طيب افكر بس اشوف تصليحها يكلف كام وكدا

المهم دا لينك للصور ويا رب يشتغل
imageshack album - 8 images

اخر حاجه انا شايف اني ابعها على حالتها كدا موش مشكله الخساره لاني كدا خلاص خسرت بس الحمدلله رب العالمين فرق اني ابعها على حالتها كدا واني اصلح وابيع موش كبير على ما اعتقد بس مستني رايكم وربنا يلطف ويحفظ الجميع

طيب ياباشا واللي يعملهالك ولا يبان فيها الهوا؟؟
بس هاتصرف شوية بس هتلاقي اللي صرفته
اعرف سمكري ياباشا بشواات المنصوره اللي بتتعامل معاه مش بيوقف اي عربيه عنده موديلات عاليه كلها باسات وجيتا وبي ام وسيراتو والكلام دا
بصراحه ماليش تعامل معاه بس واحد صاحبي بيشتغل معاه وشوفت بعيني عربيه اوكتفيا فنتازيا داخله معدومه بمعني معدومه عربيتك بالنسبالها مفيش فيها حاجه واقسملك بالله العربيه طالعه ولا اكن حصلها حاجه ومتغيرش فيها مسمار وعربيه سيراتو كوبيه نفس الوضع دول قدام عيني وباقي المركات وانا ببقا معدي بالصدفه بشوفها واقف قدامه وللعلم كان شغال في توكيل كيا قبل كدا ومش بيستعدل الصاح دقدقه وكدا لا بيستعدل بمكينات بحيث الصاج يطلع معدول مش مكرمش من الدق المهم ياباشا لو حابب اي مساعده انا انا تحت امرك واسالك ولو تحب ابقي معاك عنيا الاتنين ليك او اجيبلك رقمه وتكلمه

**m0hsen** · 13-05-2011 11:52 AM

قدر الله وما شاء فعل
الف حمدالله على سلامتك
المهم ان انت بخير ورجعت لكل اللى بيحبوك واهو اللى خلاك تجيب عربية باذن الله تجيب غيرها وغيرها كتير باذن الله
وبعدين ثق ان اللى حصلك ده لولا لطف ربنا بيك كان حصلك اكتر بس ربنا شال عنك ثق فى الكلام ده والله
بالنسبة لموضوع البيع وللا التصليح فماتفكرش فى حكاية البيع على الحالة دى خالص لانك كده هاتخسر كتير اوى
انت روح للسمكرية اللى بيقولولك عليهم دول قبل ماتعمل اى حاجة وشوف التكاليف المبدئية كام وشوف ايه اللى ممكن يستعدلوهولك وايه اللى لازم تجيبه من برا سواء جديد او استيراد وقبل كده خش على قطع غيار النوبيرا فى اهم موضوعات القسم وخد جولة
وربنا معاك ويستر طريقك وطريقنا

-

الموضوع: الحمدلله رب العالمين انقلبت بالعربيه

LinkBack

أدوات الموضوع

عرض

-

-

-

-

-

المواضيع المتشابهه

توابع الحادث بعد مرور 4 شهور الحمدلله رب العالمين

عملت حادثه بالعربيه علي الصحراوي الحمدلله

صور سيارتي بعدما انقلبت على 160 كم/ساعة

الحمدلله رب العالمين استلمت امبارح الماتريكس

الكلمات الدلالية لهذا الموضوع

المفضلات

المفضلات

ضوابط المشاركة