إيه هو أحسن و افخم مطعم في القاهره؟؟

السلام عليكم و رحمة الله و بركاته،،

في ناس مهمين جدا معزومين تعب الشغل ... بدون خوض في الكثير من التفاصيل

عايزين نعزمهم علي وجبة غداء في افخم و احسن مكان في القاهره

الأماكن المقترحه
Planet Aftica
Abou Elsid
Cortigiano
Revolving restaurant @ Grand Hyatt Hotel
Revolving restaurant @ Cairo Tower
او أحد المطاعم الموجوده في الفور سيزونز او فيرمونت

مش شرط يكون الاكل مصري \ إيطالي \ فرنساوي ... المهم المكان يكون وهم.


فياريت لو حد يعرف حاجه زي كده يقولي الاسم ، و لو في اي معلومات عن التكلفه او الحجز

شكراً جزيلاً :)

أنا بحب اوي كورتيجيانو

بس لو بتتكلم علفخامة والقعدة الجامدة...يبقي جراند حياة بلا منافس

Revolving restaurant @ Grand Hyatt Hotel

http://travelegypt.us/hotelsinfo/ima...ant-Lounge.jpg

http://www.cairo360.com/resource.ser...272814739.jpeg

أنا إتعزمت فى الفورسيزون بتاع الجيزة بصراحة كان وهم ف كل حاجة

شكراً لردودكم و منتظر المزيد من الردود

اقتباس:

---

المشاركة الأصلية كتبت بواسطة ahmed_lol2007

أنا إتعزمت فى الفورسيزون بتاع الجيزة بصراحة كان وهم ف كل حاجة

---

طب هو جوه الفورسيزونز نفسه في كذا مطعم ... حضرتك تفتكر ده كان انهي مطعم؟

Planet Africa فاكس جدا جدا جدا

خليك في جراند هيات

بلاش بلانت افريكا جربتة وكان تعبان على الاخر

لو بتدور على الفخامة يبقى تروح مطعم فى فندق 5 نجوم واسمع جراند حياة ممتاز.

بردة فكر فى نايل ماكسيم لو اجانب هيحبوا الجو دة جدا

جراند حياة او الأنتركونتيننتال سيتى ستارز
ممكن تظبط مع المترودوتيل هناك وهو هيظبط الكلام على الاخر سواء فى الاستقبال او فى الاكل

هيا كانت قاعة بالحجز لان العدد كان حوالى 50 فرد
لكن بالنسبة لك لو العدد أقل كان فى حد هناك قايل لى إن فى مطعم على حمام السباحة هناك وجامد جدا
لكن بصراحة مش روحتو بس الفندق دة 7 نجوم مش 5 نجوم

جراند حياة لانة مكان أوسع و أفخم
كورتجيانو ممتاز جدا الاكل بتاعة جميل جدا بس نسبيا المكان ضيق لو العدد كبير لكن كنوعية أكل ممتاز و تعدد و لو العدد صغير يبقى كورتجيانو او لاكازتا . القعدة ملمومة شوية فية

4 سيزونز / جراند حيات

فى فندق مينا هاوس فى الهرم طبعا تحففففففففه
ومش عارف المطعم اللى فى برج القاهرة يعجبك ولا لاء بس انا جربتو كان تحفه اووووووووووى وبيلف بيك وبتشوف كل حاجه حوليك وانت بتاكل حتى كان هانى سلامة هناك فى اليوم اللى روحت فيه

Sequoia Restaurant
ده في الزمالك ... انا باحبه عن نفسي

http://www.sequoiaplacerville.com/se...d=15&Itemid=21

اسف هو الرابط مش مظبوط .... ده رابط لمطعم برة بنفس الاسم .... عذرا مالحقتش اعدل المشاركة واحذف الرابط

وعليكم السلام ورحمة الله وبركاته

زى ما الاعضاء الافاضل وضحوا وبحكم شغلى فى السياحة هرشحلك :

مطعم جراند حياة بس غالى -للحجز هتكلم الفندق وتقوله على العدد والميعاد وتروح تدفع deposit وتختار الترابيزة اللى تعجبك.

مركب ماكسيم : المرسى اودام الماريوت فى الزمالك.وسعر الفرد تقريبا من 260 ل 270.

مينا هاوس وارشحلك مطعم خان الخليلى او المغول.

خد بالك من حاجة لو اجانب مبيهتموش اوى بشكل المطعم او ال View اد ما بيهتموا بالجو العام للمكان ووتعليقى ده لانك ذكرت ابو السيد وهو مطعم جميل بيقدم اكل مصرى.

شكرا ليكم يا جماعه

@emo_ayman جراند حياة ريفلفنج ريستورانت متعرفش كام متوسط التكلفه للفرد؟؟
و المينا هاوس بردو؟؟

و لو ينفع بس تديني فكره اكتر عن مركب ماكسيم ... لاني في مره دخلت مركب بردو و كان فيه بوفيه مفتوح و كده ، اول اما البوفيه فتح الناس هجمت عالأكل بشكل مش لطيف ... انت فاهم طبعا ... و انا مش عايز الناس يشوفوا الحاجات دي

شكرااا

تعديل: سؤال تاني ، هو بين "أبو السيد" اللي في الزمالك و سيتي استارز ، اي واحد احسن؟؟

اقتباس:

---

المشاركة الأصلية كتبت بواسطة othmanelshaikh

شكرا ليكم يا جماعه

@emo_ayman جراند حياة ريفلفنج ريستورانت متعرفش كام متوسط التكلفه للفرد؟؟
و المينا هاوس بردو؟؟

بالنسبة للغداء مش هيقل عن 200-250 جنيه للفرد وانت طالع.لانك هتبدا بstarter وبعديهMain course وبعديه الحلو.

و لو ينفع بس تديني فكره اكتر عن مركب ماكسيم ... لاني في مره دخلت مركب بردو و كان فيه بوفيه مفتوح و كده ، اول اما البوفيه فتح الناس هجمت عالأكل بشكل مش لطيف ... انت فاهم طبعا ... و انا مش عايز الناس يشوفوا الحاجات دي

بسيطة لما تحجز الماكسيم اطلب منه سعر ال Set Menu والنوع اللى انت عاوزه فى الاكل اطلب منه الترابيزة بعيدة عن البوفيه.وعموما الماكسيم مش هتلاقى فيها التدافع واجرى واهبش خالص.ههههه.ستاف الماكسيم مدرب كويس جدا انه يتصرف فى المواقف ديه.:)

شكرااا

العفو

تعديل: سؤال تاني ، هو بين "أبو السيد" اللي في الزمالك و سيتي استارز ، اي واحد احسن؟؟

---

الزمالك.قعدته وجوه احسن.

مطعم كافايرو فى المهندسين
مطعم شيك جدا...وصوره على الموقع ده cavaiero.com

خليك في جراند هيات صدقني احسن ......

مكسيم ...المركب ....تعمل حسابك اقل حاجه لفردين 700 جنيه ..بصراحه الاكل مش حلو ...بي المركب كويسه الاكل سيت منيو مش اوبن بوفيه وفيها باند شرقي وغربي...بتلف في النيل ساعتين تقريبا
.............
كورتجيانو ...اكل ايطالي ...وكويس بس القعده مش ظريفه بالنسبه انك عايز تبهر ضيوفك
بلانت افريكا اخره تاخد العيال فيه مش ضيوف
..................
طبعا لو عايز ابهار عن حق ...مطعم الجراند حياه ..وتكلفته تقريبا الفردين من 700- 800 جنيه
.............
وفيه مطعم برج القاهره بس انا معرفش اكله ايه
.............
لازم تحدد البادجت بتاعتك في حدود ايه لان طالب مطاعم عاديه مع مطاعم 7 ستارز

بص يا باشا م الاخر
الريفولفينج تحفه
قاعده ممتازة جدا و جو حلو و منظر رائع بس اكل عادي جدا او اقل لكن كجو تحفه جدا

ابو السيد ملووووووووش حل قعده كلاسيك
مطعم شيك
خدمه فوق الممتازة
اكل مصري شرقي رائع
جو هادي و جميل اوي
ملحوظه كلامي على ابو السيد سيتي ستارز مجربتش الفرع التاني

فيه فكرة ظريفه اوي انت ممكن تختصر الموضوع عشان انت اكتر واحد عارف انت عايز ايه بالظبط من اليوم و تخطف رجلك على الريفولفينج و ابو السيد تشوف القعده في انهي واحد فيهم بالنسبه لأحتياجاتك اكتر و ممكن تخش و تسأل كأنك هتحجز و كدة و بتعرف الاسعار و بعد ما تظبط كل حاجة تقولهم طيب هشوف و اخد الاوكى من الشركه و ارجع و تفاضل بين الاتنين و تروحله تدفع فورا لأنك هتكون شبه اتفقت على كل حاجة طبعا
ملحوظه مهمه لما تختار بين المكانين لو هتروحهم تأكد ان الاكل في ابو السيد طعمه افضل

اقتباس:

---

المشاركة الأصلية كتبت بواسطة elrasy

بردة فكر فى نايل ماكسيم لو اجانب هيحبوا الجو دة جدا

---

نايل ماكسيم ديه تحفه جدا جدا جدا كاقل و كفيو بجد روعه انا تابعتهم من اول ما فتحوا فرع مصر
للاسف دورت ع رقمهم و مش لاقيه ع الوبايل بس فعلا جامد
انت ممكن تاخد جوله و تقارن و المكان اللي تلاقيه انسب تقرره

خليك في جراند حياه او فو سيزون