الجمعه اللى فاتت قررت بعد شراء لوجو المنتدى من الاستاذ / كريم منير انى اركب فرش وارضيه جلد للوجان من جينز كار واستغل التخفيض بتاع المنتدى بالفعل رحت بعد صلاه الجمعه الى جينز كار فى مدينه نصر ورا مؤمن وقابلت الاستاذ احمد راجل قمه فى الذوق والاخلاق وبشوش ومبتسم , المهم فرجنى على عينه لشغلهم فى اللوجان وتم الاختيار وتم الاتفاق على السعر بعد تخفيض ممتاز وتم الاتفاق على التركيب يوم الخميس 12 ظهرا وبالفعل رحت ليهم النهارده ووديت العربيه ورجعت على خمسه ونص كانوا بيشطبوا العربيه , وتم التركيب للفرش والارضيه الجلد شغل ممتاز جدا وناس فاهمه بتعمل ايه واكتر من كده بقى الاخلاق والاحترام

التكلفه الاجمالبه بعد الخصم 1450 جنيه شامله الارضيه الجلد وطبعا الاستاذ احمد عمل معايا واجب جامد جدا ووادانى الصور بتاعه العربيه بعد ما خلصت وهى دى اللى متحمله اسيبكم بقى مع الشغل الجميل وكفايه رغى