هو التوكيل مش بيغسل الموتور في الصيانه؟؟

انا عملت صيانة العشرتالاف والموتور لقيته متغسلش بس نضفو دواسات العربيه حاجه مستفزه جدا
منصور كان دايما بيغسلي الموتور وبيسيب الدواسات

غسيل الموتور اخطر حاجة علي كهربة السيارة و يفضل بلاش

أنا فى صيانة الألف التوكيل غسل الموتور ..بطريفة معينة ( يعنى هوا وبعدين صابون وبعدين ماء وبعدين دبليو فورتى وبعدين هوا ) وطبع قبل كده حط كيس بلاستيك على أجزاء الكهربا المهمة . أما فى حالة ال 10000 مش عارف أيه النظام بس أنت لازم تقراء الري سيت الى أنت دفعت بيه الفلوس لو كان مكتوب فيه غسيل موتور لازم تاخد حقك طبعا

غسيل الماتور بالطلب لانه على حسابك بحوالى 40 جنيه

غسيل الماتور بيكون بناءً على طلبك وبيكون حوالي 30 جنيه

شكرا....دى قلة ادب امال لزمتهم ايه

باشا اغسله في اي بنزينه و فكك :) عل فكرة بجد حوار كهرباء ده فاكس :) يعني محدش قال يغسل جسم الموتور ذات نفسه بطن ميه .. لا بيظبط الاداء حوليه و كدة و بعدين هوا و الدنيا تبقى فل! بس سيبه يبرد مش و هوا سخن يعني ,,, باشا العربيات كلها بيتغسل موتورها من اول بي ام للعجله :)

و حريشة شخصية و انا متحملش انوا لو عامل حمار بوظلك الدنيا :) يعني لازم تكون فاهم كويس هوا بيعمل ايه و واقف جنبه مش تسيب العربية و تقعد تشرب شاي :)