احساس بضعف بسيط فى سحب العربية
السلام عليكم
انا عامل دلوقتى بالعربية 670 كم ومن يومين تلاتة حطيت بنزين ودى كانت تانى مرة احط بنزين بعد اول مرة اول ما استلمت العربية فولت من بنزينة فى مدينة نصر جمب المعرض اللى اشتريت منه وكانت العربية سحبها ممتاز ماشاء الله بالنسبة لانها لسه جديدة لكن بعد ما فولت من هنا من بنها وللعلم ان بنزينات بنها هنا معفنة وبسمع انهم بيغشوا البنزين بعدها بيوم حسيت بتقل بسيط فى سحب العربية فمش عارف هل ياترى ده سببه بنزين ولا سببه ايه بالظبط ولكن مفيش اى لمبة تحذير منورة ولله الحمد
ياريت حد يقولى لو عنده فكرة وعموما انا سجلت الملاحظة دى هقولها ليهم ضمن ملاحظاتى فى صيانة الالف وانا رايح بعد اسبوع ان شاء الله
تقبلوا تحياتى