الموضوع: تليين الماتريكس بعد كام كيلو

المشاركة الأصلية كتبت بواسطة ranger

فترة التليين
محركات هيونداي تم تليينها بالفعل ولكن الاحتياطات التالية نحو عمر أطول للمحرك ليس الا
يتم اتباع هذه التعليمات لأول ألفين كم في القيادة:-
1- عدم تعجيل الموتور بسرعة يعني متجريش بالعربية ومتسابقش حد في اول الفين كم
2-لا تزيد السرعة عن 97 كم بأي حال من الأحوال
3- متحطش احمال كبيرة في العربية
4-متمشيش بالعربية على سرعات منخفضة فترة طويلة ومتسبش الموتور شغال في وشع الانتظار فترة طويلة
5-ادي غياراتك حقها يعني متتعجلش في النقل ومتحرقش كتير على الغيار
6-اياك انك تفكر مجرد التفكير انك تسحب اي عربية تانية او اي شيء ذو وزن كبير على العربية
7-يفضل عدم تشغيل المكيف في اول الف كم -الا انه لم يأت تحذير صريح بهذا الأمر في كتيب التعليمات- بس دا منطقي عشان مترفعش عدد دورات المحرك بصورة كبيرة
8- بعد ما تخلص أول ألف كم اتبع الاجراءات التالية عشان لو فيه اي مشاكل تقدر تقولها ليهم في سيانة الألف كم
*تعمد تعجيل السيارة بصورة سريعة يعني شد بالعربية واقرص عليها وشوف سحب الموتور اخباره ايه يعني دوس بنزين ومتخافش دوس واوصل لسرعات عالية لا تقل عن 140 للاطمئنان على سحب المحرك
*قم بتشغيل المكيف للتأكد من كفاءة تشغيله
9-ما يتم في الخطوة 8 يتم لمرة واحدة فقط للتأكد من كفاءة الموتور وفكاءة المكيف ومن ثم اتبع التعليمات السابقة حتى تكمل الألف الثانية مع امكانية تشغيل المكيف طبعا دون اي مشاكل
10- بعد ان تتم أول ألفين كم قم التطبيع فائق الجودة -اعتقد يسمى كدة- وهات اخر كل غيار وبكدة تضمن ان عربيتك اصبحت ملينة بصورة كاملة وان معاك موتور وقت ما تحب تجري هتلاقيه معاك ووقت ما تحبه يكون أليف وهادي مش هتسمع ليه صوت
وربنا يباركلك فيها يارب
وبرده انتظر آراء الأعضاء أكيد هيفيدوك بخبراتهم
الخطوات السابقة دي الخطوات اللي انا اتبعتها شخصيا في تليين عربيتي الفيرنا والحمد لله انا سعيد جدا اني لينتها بالطريقة دي
مبروك العربية يا صديقي

على فكره انا بحييك على النموذج المثالي ده لتليين العربيه..بجد شرح ووصف هايل ...بس مش عارف ليه بعض الناس هنا في المنتدى قلقوني من التوكيل بس انا مضطر لأني خلاص داخل على صيانة الألف وخلاص حجزت بالفعل لاني دلوقتي عملت حوالي 920كم..هل ليك اي نصايح وهل فعلا المفروض أروح كل 5000 ولا كل 10000 ؟؟؟

المشاركة الأصلية كتبت بواسطة hossam99

و الله العظيم توكيل هيونداي مفيش أفضل منه في مصر و لا أسعار و لا متابعة الخدمه و سرعه الأستجابه للشكاوي و الفنيين مسواهم عالي و الضمان ضمان شامل بجد مش يجي بعد كده يقول لأ الكبالن عليك أو علبة الدركسيون عليك و لا الكلام ده خالص

و تجربتي الشخصيه طول الضمان و علي مدار 4 سنوات عمري ما خرجت من التوكيل بشكوي أو رجعت بنفس الشكوي
و غيرولي حاجات في التوكيل لمجرد الدلع مش أكتر

و فيه مراكز معتمده من غبور كتير و فروعه كتير

أنا أحترمت التوكيل ده بعد أما عملت جولات و صولات في المنتدي و شوفت أوماترا بيعمل أيه و كيا و رينو و غيرهم
من كلام الأعضاء لاقيت غبور أفضل توكيل في مصر من حيث كل شئ

و أي أستفسار في العربيه أحنا كلنا تحت أمرك و أنا معايا 2 ماتريكس 2008 منهم واحده عامله 8000 كيلو و التانيه 62000 كيلو و إلنترا 2008 كمان

و بالتوفيق إن شاء الله

هههههههههههههههه هو ميعملش كده خالص

هو ينزلك العربيه بطنابير تعبانه تغيرها على الضمان يلبسك تيل جديد على حسابك

ينزلك طقم دبرياج تعبان تغيره على الضمان تلبس الاسطوانه على حسابك

باشا مفيش توكيل في مصر محترم الا ممكن يبقى توكيل رينو

المشاركة الأصلية كتبت بواسطة hossam99

و الله العظيم توكيل هيونداي مفيش أفضل منه في مصر و لا أسعار و لا متابعة الخدمه و سرعه الأستجابه للشكاوي و الفنيين مسواهم عالي و الضمان ضمان شامل بجد مش يجي بعد كده يقول لأ الكبالن عليك أو علبة الدركسيون عليك و لا الكلام ده خالص

و تجربتي الشخصيه طول الضمان و علي مدار 4 سنوات عمري ما خرجت من التوكيل بشكوي أو رجعت بنفس الشكوي
و غيرولي حاجات في التوكيل لمجرد الدلع مش أكتر

و فيه مراكز معتمده من غبور كتير و فروعه كتير

أنا أحترمت التوكيل ده بعد أما عملت جولات و صولات في المنتدي و شوفت أوماترا بيعمل أيه و كيا و رينو و غيرهم
من كلام الأعضاء لاقيت غبور أفضل توكيل في مصر من حيث كل شئ

و أي أستفسار في العربيه أحنا كلنا تحت أمرك و أنا معايا 2 ماتريكس 2008 منهم واحده عامله 8000 كيلو و التانيه 62000 كيلو و إلنترا 2008 كمان

و بالتوفيق إن شاء الله

الأول أنا بشكرك على أهتمامك والرد...
أنا رحت النهارده عملت صيانة 1000 ..خدت حوالي ساعتين وغيرلي زيت 10000 شل الترا مع اني كنت عاوز اغير زيت 5000 بس قالي انه خلص لكن قاللي ممكن تشتري الزيت واحنا نغيرهولك أو أغير ال10000..فبصراحه استسهلت وغيرت 10000..
انا بس بعيب عليهم في حاجه ان الناس اللي جوه في الصيانه بيتعملوا مع العربيه بشكل مش نضيف شويه او بدون أهتمام.طبيعي الواحد بيكون حريص على عربيته وعلى نضافتها لكن هي دخلت كويسه وخرجت بشكل مكنتش مبصوت منه خالص..بفكر المره الجايه أروح مكان تاني غير ابو رواش جايز يكون أفضل بالنسبه لي لأني من المهتمين جدا بمسألة الفينيش..انا من سكان زايد لو في فكره عن أي فرع تاني يكون قريب مني يا ريت جايز الفكره تكون أفضل من كده....
تحياتي وشكرا للأهتمام