انا جبت 93 سيفيك 1500 كاربيراتير اي ال من اسبوع
العربية من جوة نظيفة جدا
الماكينة و الغرفة بحالة المصنع
غيرت بوجيهات ان جي كي ياباني 2 شمعة وزيت شيل hx 5
علي فكرة العربية عاملة 127 الف
والتابلوة بحالتة والكاسيت الاصلي كمان
لكككككككككككككككككككككن
مش حاسس بالأساطير اللي بتتقال علي الهوندا لاني كان معايا لانسر 92 ماتور 1300 وكانت طلقة بمعني الكلمةوالله وصلت 100 كم في اقل من 8 ثواني
طيب ازاي لانسر 1300 اداء اقوي من هوندا 1500:untitled 1:
المهم انا من دمياط
اروح لمين يظبط العربية
بصراحة الميكانيكي اللي في دمياط بالرغم من انه ممتاز لكن حسيت انه بيتعلم هوندا
مفيش الا بورسعيد او المنصورة
بس انا معرفش حد هناك
بالله عليكم انا عاجبني شكل العربية ومش عاوز اكرهها
عاوز عفشجي و ميكانيكي كويس:B4_611:
وعبد المنعم بتاع شربين قاللي ماليش في الهوندا