nissan sunny 2007 ارجو الأفاده

**engaass** · 13-05-2011 06:10 PM

سيات سليمة احسن من مرسيدس معيوبة

**maged george** · 14-05-2011 12:17 PM

انا رايي الشخصي بناء على شغلي في التوكيلات في مجال الصيانة بس مش صيانة عربيات لأ صيانة ماكينات تصوير ان العامل اللي في التوكيل ذيه ذي الصنايعي اللي بره معندوش دقة في الشغل بس الفرق انه عليه رقابة من المهندس لكن برده المهندس مش هو اللي هيشتغل بايده عشان كده مش مضمونة قوي العربية اللي غيرت نص امامي حتى ولو اتعملت في التوكيل لان ممكن يكون في فروقات بسيطة في لحام الشاسيه متبانش في المشي لكن تاكل في الكاوتش وتبوظ الكبالن وتاخر في الفرملة وتعمل صداع كتير انت في غنى عنه وعلى فكرة كمان مفيش حاجة مهما اتصلحت كويس بترجع ذي الاول فريح بالك وامن نفسك انت وعيلتك واشتري حاجة جديدة متلعبش فيها وده رايي الشخصي وارجو اني اكون افدتك.

**Mohamed Fathy** · 14-05-2011 05:23 PM

جزاك الله خيرا على الأفاده وربنا يبارك فيك على الرد انا عملت استخاره وان شاء الله ربنا ييسر اللى فيه الخير

**Bishoy.Girgis** · 15-05-2011 02:06 PM

بص يا باشا انا عندي مبدأ و لن اتنازل عنه
العربية لما تحصلها حادثة من قدام غير لما تتخبط من ورا
العربية لو غيرتلها حتي نص قدام ممكن بعد كده تلاقي نفسك بتغير كبالن كل سنة و الكاوتش عمره الافتراضي يقل زي ما حصل معايا في الكورولا .. عملت بيها حادثة من قدام و روحت صلحتها في التوكيل بـ 10000 جنيه و بعدين لاقيت ان بعد سنة و نص من الحادثة بغير كبالن رغم اني غيرتها قبل الحادثة بكبلن كااااامل
انا مش محبز لحضرتك شراء عربية عاملة الحادثة الرهيبة دي من الامام

**M.ABDOU** · 16-05-2011 01:54 PM

السلام عليكم

انا ممكن افكر اشتريها لو حضرتك صرفت نظر عنها انا مسافر بره مصر وفى الاجازات بحتاج دايما عربيه اكيد والايجار ليه سلبياات كتير جداااا وممكن ابعت زميل ليا ثقه يبص عليها ويكشف عليها طبعا وان شاء الله لو اتفقنا يدفعله الفلوس واشترى العربيه باذن الله