nissan sunny 2007 ارجو الأفاده

**Mohamed Fathy** · 13-05-2011 09:20 AM

انا قدامى ان شاء الله عربيه نيسان صنى 2007 مغير نصف امامى نتيجه حادث هو صاحبى انا بس عايز اعرف هى لما يغير نصف ده حاجه وحشه ومش هتبقى زى الأول حتى بعد ما صلحها؟ هوا عملها فى التوكيل واستخدامه فوق الراقى هوا عايز يبيعها على 40الف انا هكلمه على 30-35 ايه رايكو فى العربيه ارجو النصيحه وربنا يبارك فيكم ولو فى اسعار كده لقطع الغيار ارجو الرد رجاء من سيادتكم ولو بدعاء :) والسعر كده حلو ولا كلام تانى والعربيه automatic full option

**medododo** · 13-05-2011 09:29 AM

هؤلك حاجة مدام عملها في التوكيل وانت عارف ملابسات الموضوع ماشي وخصوصا لو هتخدها بالسعر ده
وعايز أقولك حاجة كمان لو حاولت تبيعها هتتعب جدا في بيعها بس لو نويت تحتفظ بيها توكل علي الله
وياريت قبل ما تشتيريها تجربها علي طريق سريع كده تشوفها بتحدف جامد ولا حاجة عزل الصوت عامل ايه
وبما انه صاحبك أسأله برضه بيبيع ليه وحاجة أخيرة شوف فرد الكواتش وخصوصا اللي قدام معدل تأكلها ماشي ازاي ولو في واحدة بتتاكل اكتر من التانية كده يعني
وربنا يوفق

**Mohamed Fathy** · 13-05-2011 09:40 AM

هوا عملها فى التوكيل وانا ان شاء الله هحتفظ بيها بس انت كده خوفتنى من الحدف والكلام ده هو صلحها وسايبها فى التوكيل سنه وكل صيانتها هناك وهو هيبيع عشان عنده عربيتين بسم الله ماشاء الله ربنا يحفظو بس ارجوك فهمنى كده حتى التوكيل مش كفايه اللى عمله؟ ومفيش ليها حل؟ ولو ان شاء الله جبتها همشى بيها زى الناس عادى ولا برده ليها حدود معلش تعبك معايا بس ارجوك افدنى كمان لأنى خايف جدا واللحام ممكن يفك مع المطبات؟ ولو هسافر وهحملها فى مشاكل برده؟؟ :(((((((

**medododo** · 13-05-2011 09:56 AM

بص عشان نكون واضحين عمر ما العربية اللي مغيره نص هتكون في تحملها ذي العربية اللي مفيش في لحمات
بس مدام معمول في التوكيل أكيد هيكون أحسن من اللي بيلحم عند سمكري برة
وانت لو خدتها منه ب 30 انت الكسبان ولو مريحتش معاك مش هتخسر فيها ويمكن تبعها ذي ما خدتها أواكتر شوية بسيطة

**Mohamed Fathy** · 13-05-2011 10:10 AM

يعنى ايه مش هتحمل يعنى مش هتشيل يعنى 5-6 افراد وشنط سفر؟ والحدود ايه فيها يعنى فهمنى كده الجرى والكلام ده مفيش؟ وضحلى بعد اذنك وربنا يبارك فيك

**medododo** · 13-05-2011 11:05 AM

طب معلش ممكن أسألك السؤال بشكل تاني ايه اللي جابرك على كده وعربية لاقدر الله لو اتزنقت في فلوس وعايزتبيعها هدوخ بيها وشعورك الشخصي بعدم الامان وانت راكبها ممكن 35 ألف تركب حاجة تانية ومعلش برضه احنا مش لائيين الفلوس في الشارع برضه 35 ألف مبلغ
طبعا مينفعش تركب فيها 6 افرد وشنط سفر كمان صعب وعلي العموم حاول تسأل سمكري سيارات كمان أكيد هيكون ليه رأي تاني علي الاقل دي مهنته

**Mohamed Fathy** · 13-05-2011 11:14 AM

والله كلام مظبوط فعلن انا مش هدفع فلوس وكمان حاجه مش مضمونه انا بس كنت فاكر ان التوكيل يعنى خلاص ولا حاجه وهى اوتو واوبشن ده بس اللى فكرت فيه بس طالما مش هتشيل يبقى بلاش منها ارجو من الأعضاء المشاركه لو امكن من ملاك السياره وجزاك الله خيرا

**medododo** · 13-05-2011 12:27 PM

وجزاك الله ألف خير
ربنا يكرمك بحاجة كويسة وييسر لك الخير

**omar-saad** · 13-05-2011 12:51 PM

فى مثل بيقول
الباب اللى يجيلك منه الريح سده واستريح
العربية لو اتغير فيها حاجة كبيرة زى دى
عمرها ماهترجع زى الاول حتى لو كانت معمولة فى التوكيل
لان اللحامات اللى فى الشاسيه او الاستعدالات او تركيب قطع الغيار بتاعة العربية معرضه للخطا
د غير القلق اللى انتا هاتبقى عايش فيه منها لو حصل اى مشكلة
انتا تجيب حاجة حالتها نضيفة وتكون مضمونه علشان والله راحة البال لاتقدر بتمن
دا غير انك مش هاتعرف تبيعها ولو بعتها هاتخسر فيها جامد
فا ياريت لو تشوف حاجة احسن منها وتكون نضيفة علشان تريحك
وربنا يوفقك للخير