عايز اغير حساس الأيدل

**abo_lamar** · 13-05-2011 09:41 AM

السلام عليكم يا شباب

انا نويت ان شاء الله ان اغير حساس الشكمان وحساس اليدل لان العربية بقالها فترة مبرجلة على الاخر وعداد الrpm طالع نازل والعربية بتبطل على السلانسية ومشاكل تانية كتير , المهم حطيت العربية على الاسكنر لقيت حساس الشكمان في الضياع واشتريته فعلا اللي و ليه سلكه بنفسجي , دلوقتي انا لما كنت جاي اشتري حساس الايدل مالقتوش زي اللي موجود معايا في العربية , اللي موجود في العربية ليه سوسته تحت الراس بتاع الحساس , انما اللي بيتباع السوسوته دي متقفله لحاجة زي الصاجة ده غير ان طوله اقصر من اللي متركب عندي في العربية , والراجل البياع بيقولي لا ده عادي .... أعمل ايه ؟

وشكراً

**MMamdouh** · 13-05-2011 03:58 PM

ركبة و لو منفعش رجعة... بس طبعا تكون متفق مع البائع على الكلام دة

MMamdouh

**mirra** · 14-05-2011 02:18 AM

خلى بالك الحساسات ما بترجعش

**mera11** · 14-05-2011 08:08 AM

الحساسات بترجع تانى بس نظف بتاعك ب wd40 الأول وجربه قبل ماتشترى هو زى حساس الأوبل

**swimmer25** · 14-05-2011 09:48 AM

أعتقد الطول مش فارق لان ممكن يكون الحساس اللي انت شاريه جديد مقفول او مفتوح لانه لسه مش مظبوط علي العربية فبالتالي يمكن انا بقول يمكن يكون مش مقياس

موضوع انه مقفول كله...انا شفته كده في الشيفروليه لانوس لما كنت بنضف حساسها وبيكون تحت الصاجة دي السوستة بتاعته غير عندنا هي مجرد راس صغيرة فقط والسوستة باينة ...متقلقش مش هياكلوا عليك سوستة
اتاكد بس من اكتر من محل انه نفس الحساس اللي بيتباع في كل مكان واكيد لو لاقيتهم بيطلعوه نفسه يبقي تمام
خلي بالك اوعي تشغل الكونتاكت وهو مش راكب في العربية لان السوستة ممكن تطير بالراس من الحساس