زقردة (سبارك) و صيانة ال 10000 كم
اليكم تقرير مفصل بالصيانة
زقردة (السبارك) كات عملت حوالي 9200 كم...بس كان بقالها حوالي 5 شهور ..و ده اللي خلاني قولت اروح بقي مش لازم اما اكمل ال 10000 كم........لأن المفروض 5000 كم او 4 شهور ايهما اقرب
حجزت الصيانة في الفرع المعتاد (فرع التجمع الخامس ) يوم الاربعاء 11/5 الساعة 10:30 ......وصلت هناك في الميعاد الحمد لله.....و كان في ساعتها حوالي 3 عربيات ..بس انا دخلت علي طول لأني حاجز و كنت رقم 2
قابلت البشمهندس محمود....الراجل المحترم جدا.....ربنا يكرمه
و سألني اذا كان في عيوب ظهرت او اي مشكلة واجهتني ....انا مكنش في حاجة مضيقاني تماما غير ان نور العربية كان عالي شوية
و تم الاتي في الصيانة :
1- تم رفع العربية و فك العجلتين الاماميين فقط
http://img21.imageshack.us/img21/2563/img0013as.jpg
2- تم تفريغ الزيت و فك فلتر الزيت
3- التأكد من ربط مسامير العفشة
http://img707.imageshack.us/img707/1931/img0014at.jpg
4- فك فلتر البنزين و تنضيفه
5- تركيب فلتر البنزين و فلتر الزيت الجديد
6- ربط العجلتين و انزال العربية
7- ملأ الزيت (شل 5000)
8- فك فلتر الهواء و تنضيفه
9- تعديل نور العربية
و كده انتهت الصيانة ....خلصت كل حاجة و دفعت الفلوس في خلال نصف ساعة...يعني كنت ماشي حوالي 11:00
التكلفة كالأتي :
فلتر زيت ...........17.27 جنيه
زيت شل اكسترا 5000.......116 جنيه
المصنعيات......171 جنيه
ضريبة ........18.83 جنيه
الاجمالي ......323.10 جنيه
http://img62.imageshack.us/img62/5149/img0016apm.jpg
تقييمي للمركز.......جيد جدا و مميزاته انه سريع و بتبقي شايف عربيتك و قاعد جنبها
تقييمي للصيانة......حاسس انها مكانش ليها لازمة غير تغيير الزيت و الفلتر الزيت......غير كدة متلاقيش...و مصناعيتها غالية جدا...يعني فك العجلتين و تمم علي العفشة (العفشة مكنش فيها مسمار عايز يتربط) و نضف الفلتر و غير الزيت......ب 171 جنيه.....لو حد بره و عملك الكلام حتديله 50 جنيه ...حيبوس ايدك
بس المشكلة ان الواحد بيشتري الضمان مش اكتر
تم تثبيت الموضوع فى اهم مواضيع سبارك لاهميتة
مشرف 20 ب