انا لسه جايب نوبيرا 2 وفيها حبه مشاكل مجنناني

**smalltoto10** · 13-05-2011 04:46 PM

يجماعة طيب سيبكوا من كل ده

اهم حاجه عندي البنزين دلوقتي

هي استهلاكها معدله اد ايه ف الصفحة جوا البلد و ع السريع

مفيش عندي ولا دخنه سودا و الحساس بتاع البنزين نظيف ومش بتغيب ف الدوارة والبوجيهات نظيفة

يعني غالبا كله تمام عندي

عاوز بس اعرف الاستهلاك والتكييف بيفرق ف البنزين اوي ولا حاجات بسيطة

**ahmedsrs** · 13-05-2011 05:00 PM

الف مبروك على العربية متضايقش من العربية لانها عربية محترمة جدا
اولا:-
عشان تقيس استهلاك البزين الصحيح لازم يبقى طريق طوالى ومش زحمة جرب تسافر بيها سفرية وشوف الاخبار ولمعلومك استهلاك النوبيرا فى البنزين اعلى شوية من العادى بس مش مضلع
ثانيا:-
بالنسبة للرجة فى الدركسيون الميكانيكى قلك اخرط الطنبورة طيب اذى هى مش بتاعت العربية اكيد فى حاجة غلط
ثالثا:-
اللوحة مع الفرامل ممكن يكون مشكلة مستر العجل فى واحد تعبان فواحد بيمسك والتانى لا
واسباب تانية
رابعا:-
خد لفة فى المنتدى هتلاقى اغلب عيوب النوبيرا موجودة

**amado318** · 13-05-2011 06:13 PM

ممكن يكون صاحيها كان بيعك فيها ومركب حاجات مش بتاعتها وعلشان كدة ما فيش حاجه مظبوطه معلش لما تغير طنابير يبقه لازم تغير معاها التيل مينفعش التيل القديم يركب حتى لو كان بقاله يومين ثانيا استهلاك النوبيرا جوة البلد فى الزحمه وتكييف عالى على الطريق او ما فيش زحمه عادى جدا زى اى عربيه 1600 سى سى

**amado318** · 13-05-2011 06:14 PM

نسيت اقلك فيه ناس ما شيه بالنوبيرا ببنزين 80

**smalltoto10** · 13-05-2011 08:46 PM

شكرا ليكوا كلكوا ع السماعده

- دلوقتي الحمد لله المايه مظبوطه ومش بتنقص (طلعت مشكلة غطا)
- البنزين 150 كيلو ف الصفيحة ( نص المشاور بتبقا الدنيا زحمه والنص التاني ماشية) وانا لسه مش واخد ع سواقة العربية اوي (كنت بسوق 131) فالعربية ممكن تطلع مني بفركة او ممكن اتقل ع غيار بس عموما انا مش بحاول اخلي الـ rpm يعلى عن 3000
- بالنسبة للفرامل .. انا الحمد لله ركبت الطنبورتن الجداد الكوري وجربت ع سرعه الدركسيون بقا فيه هزه بسيطة لا تذكر بس الدواسة تحت رجلي بتتهز .. الميكانيكي كان مطلع التيل كويس جدا قلي متغيروش الطنبوره الجديده هتطبع عليه بس عاوزه يومين تلاته هل كدا كلامه صح ولا ؟

-فى ايه تاني ف العربية ممكن اعمله اول ما اجبها .. الراجل صاحبها ( ع فكرة الراجل ده صاحبي وانا بركب معاه ف عربيته علاطول وراجل نظيف و مهتم بالعربية) .. المهم انه كان مغير تيل فرامل و سيور و زيت وفلتر بنزين

انا بقا غيرت فلتر هوا ونظفت بوابة الهوا (حساس البنزين) بالاسبراي وغيرت البوجيهات و الميكانيكي بيحلفلي ان الماتور زي الفل و العربية مش محتاجه حاجه .. بيقولي انت بتدلع هههههههههه

---- حاجه اخيره مهمه .. العربية الصبح اما باجي ادورها لو حطيت المفتاح علاطول ودورت مش بسمع صوت المارش بيلف اصلا

لازم استنى صوت الـ تن تن يخلص واستنى ثانيتين تلاته كدا كمان ادور اسمع صوت المارش وتدور علاطول

ده مشكلة ولا ده من الكمبيوتر و عادي ؟

**aliyosef** · 25-05-2011 06:44 PM

اولا مبروك العربيه ياباشا
البنزين / اى عربيه جوه البلد بيكون استهلاك البنزين فيها عالى لان زحمه المدن زحمه تعل والكلام ده على تجربه وكمان بعض الاعضاء اكدو ليا الكلام ده وفى السفر استهلاكها معقول جدا يعنى اللتر بنزين 92بيعمل 14 كيلو وانا مجرب الرقم ده بنفسى
النوبيرا عربيه فى منتهى الجمال ومتصدقش غير اللى مالكها فقط لان الكلام عندنا مفيش اكتر منه اصل انا سمعت اصل انا فى مره شوفت وحده واحده كله هايطظبت واختار صنيعيه كويسين ومبروك تانى مره وتقبل مرورى

**kagawa** · 25-05-2011 07:22 PM

ياعم بتقول 20 لتر بنزين 29 يعملوا 150 كيلوا وزعلان
عربيتك بنت حلال مصفي اوعي تفرط فيها
انا عندي نوبيرا اوتوماتيك بتعمل 100 كيلو في 20 لتر في الزحمه جوه البلد
وده معدل النوبيرا الاوتو
روح التوكيل اللي في العباسيه وهما يخلوهالك فل
واوعي تفرط فيها