محطات البنزين ب 6 أكتوبر

كنت عايز استشارة من جيراني في 6 أكتوبر - هل في حد بيتعامل مع بنزينة أو مكان معين في 6 أكتوبر لخدمات ضبط زوايا واتزان العجل - وترصيص العجل - خصوصا لو ترصيص الموتسكل الي نفسه أجربه

أكتوبر فيها بنزينات كتير - كالتكس (دار الفؤاد) و توتال والوطنية على طريق الواحات - وشل عند مجمع بدرالدين والي في الحصري مش متذكر اسمها - هل حد بيتعامل مع واحدة فيهم وشايف انها كويسة ..؟ مش معقولة لحد دلوقتي اصلي لما أحب أوزن العجل أنزل الهرم ولا أروح النزهة "بجوار شغلي" علشان أضبطهم

نقطة تانية - أقرب مكان لترصيص العجل من اكتوبر أو النزهة الجديدة بالموتسكل ...؟

ياريت أي حد يقدر يساعدني في السؤالين دول - وشاكر جدا

بتعامل كتير مع
1) موبيل قدام دريم نظيفة بس مفيهاش خدمات غير نفخ
2) وطنية اللي قدامها - نظيفة برده وبمون دايما منها وفيها شغل عجل
3) توتال على نفس الطريق بس أبعد شوية..فيها ظبط زوايا و خدمات كويسة رحتله كذا مرة عشان يربطلي العفشة و يظبط ويرصص و كده وكان زي الفل

بنزينة التعاون قدام النجده بيشكرو في ظبط الزوايا هناك

كالتكس اللى عند الحصرى فيها زوايا وترصيص موتوسيكل

اقتباس:

---

المشاركة الأصلية كتبت بواسطة mr_sameh

بنزينة التعاون قدام النجده بيشكرو في ظبط الزوايا هناك

---

عن تجربه واحد قريبى انهم شويه حراميه

انا شخصيا جربت مره فى العربيه الدايو واحد فى اكتوبر بس مش عارف هل هو فعلا كويس ولا نص نص والسبب انى بعد ما استلمت العربيه كان الدركسيون معووج ورحتله تانى ظبته والمفروض انى استلم العربيه من غير اى عيوب


المهم انت عارف محور الكفراوى ال هتدخله من عند البنزينه ال عند الحصرى بعد شويه هتلاقى سنتر منهاتن على المين وبعد شويه هتلاقى جيم كبير على اليمين برضوا بعد الجيم بحوالى 100 متر هتلاقى المحل على الشمال وهتلاقى بجواره محل تغيير ذيت وكدا بس المحل دا متخصص ظبط زوايا وعفشه فقط

اقتباس:

---

المشاركة الأصلية كتبت بواسطة احمد المصرى

انا شخصيا جربت مره فى العربيه الدايو واحد فى اكتوبر بس مش عارف هل هو فعلا كويس ولا نص نص والسبب انى بعد ما استلمت العربيه كان الدركسيون معووج ورحتله تانى ظبته والمفروض انى استلم العربيه من غير اى عيوب


المهم انت عارف محور الكفراوى ال هتدخله من عند البنزينه ال عند الحصرى بعد شويه هتلاقى سنتر منهاتن على المين وبعد شويه هتلاقى جيم كبير على اليمين برضوا بعد الجيم بحوالى 100 متر هتلاقى المحل على الشمال وهتلاقى بجواره محل تغيير ذيت وكدا بس المحل دا متخصص ظبط زوايا وعفشه فقط

---

اللي جنب معهد التكنولوجي(معهدي)

لو عايز ترصص روح بريدج ستون اللى جنب ""رنا مول"",,,او اسأل على مطعم باربكيو او لابوم,,,هو لازق فيهم...

اقتباس:

---

المشاركة الأصلية كتبت بواسطة 3ateef

لو عايز ترصص روح بريدج ستون اللى جنب ""رنا مول"",,,او اسأل على مطعم باربكيو او لابوم,,,هو لازق فيهم...

---

بس ده ترصيص حصان ولا موتسيكل

أنا جربت فعلا كالتكس الحصري - ضبط زوايا هناك - كويسين - يعيبهم بس انك اول ما تدخل عليهم تحس انهم هايقلبوك
عايز اضبط زوايا
طب الريداتير
يا عم باقولك زوايا
طب الكاوتش عامل معاك كام كيلو
يا عم باقولك زوايا
طب كهرباء الماتور أخبارها إيه عندنا ....
يا عم باقولك زوايا
عندنا غسيل وبودي ومش عارف إيه
لما فهم اني مش هاعمل حاجة غير ضبط الزوايا في الآخر عملها مظبوط وتمام

كان نفسي أرصص عندهم بالموتسكل بس كنت اتخنقت الصراحة فقولت أجربها مرة تانية