خليهم بس يفكرو يخرجو بره القاهره
خليهم بس يفكرو يخرجو بره القاهره
وادي المظاهرات عالسفاره الاسرائيليه
وطرد السفير
وتنكيس العلم
الراجل ده لو جراله حاجه اسرائيل مش حتسكت
ومش جبن ولا خوف
لا
بس احنا ولا عندنا استعداد ولا قدره اقتصاديه علي الدخول في حرب الان مع اسرائيل
وبعدين كمان ده حيكون بدايه مننا بالعدوان والايذاء
صابرين كل ده
ومش قادرين حتي تستنوا تقووا اقتصاد بلدنا وبعدين نبقي نحارب ونجاهد
ناس كتير عالفيس بوك بتهاجم اللي حصل امبارح واللي حصل في الزحف
ومش عارف مين ورا الكلام ده ولا الدعوات دي
واللي يقول لا
يتهموه بالخيانه
وخليك في اقتصاد بلدك
وانتا مش عاوز تجاهد
ودي الجنه ياخويا مش مصر
هوا احنا قلنا مش عاوزين نجاهد
بس كل شئ بالتخطيط والعقل
مش زي العبيط اخش ويضربوني بالنار وفي الاخر اموت واقول علي نفسي شهيد
للاسف....الناس اللي بتعمل مظاهرات عند السفارة او عند ماسبيرو ماشية علي مبدأ تم ترسيخه منذ 25 يناير و يعتمد عاي الاتي:
- مجموعة من الناس عندها مطلب او شكوي حتي لو غير منطقية (يعني هو سقوط النظام كان حاجة منطقية او متوقعة قبل 25 يناير؟!!)
- المجموعة دي تتظاهر و تعتصم و تجمع اكبر عدد من الناس ( كلمة مليونية اختراع مصري اصيل)
- اثناء التظاهر و الاعتصام يتم الخروج علي القانون بقطع الطريق و تكسير الممتلكات و الاعتداء علي رجال الأمن ( و ايه يعني ما الثوار قفلوا ميدان التحرير اسبوعين...حد يقدر ينتقد الثورة و الثوار؟؟!!!)
- يتم رفض جميع الحلول المعروضة من الحكومة و الاصرار علي تنفيذ المطالب ( مش هو ده الاسلوب اللي خلانا نسقط النظام؟ لو كنا تنازلنا عن اي مطلب كان زمان مبارك لسه في الحكم)
- يتم الرد علي اي اعتراض باقي الشعب المتضرر من عدم الاستقرار بكلمات مثل خونة...متخاذلين...فلول نظام...بتوع احنا اسفين
- الاستمرار في سياسة تنشيف الدماغ و الضغط مع التصعيد
- رضوخ الحكومة للمطالب
- الاحتفال بالانتصار (مش عارف انتصار علي مين) و الشماتة في كل من كان له رأي مخالف...علي اساس ان رضوخ الحكومة للمطالب دليل علي ان رأي المتظاهرين و المعتصمين كان صواب!!
للاسف في ناس ما اتعلمتش من ثورة 25 يناير غير الكلام اللي انا قلته و تم ترسيخ مبدأ فرض الرأي بالقوة و التظاهر...و للاسف الكلام ده غالبا هايستمر حتي بعد الانتخابات و سيسود مبدأ ( الشعب يريد...) حتي لو كان اللي بيقولوها 10 انفار
و الناس حا تقولك دة بيحصل دايما بعد اى ثورات و شوية شعارات رنانة و كلام ما بيأكلش عيش بس مش مهم المهم تاكل عيش و أنت حر و أرفع راسك لفوق و الكلام الباقى و النتيجة شوف أخرة الفوضى الى أحنا فيها
................. منقول .....................
أكد المجلس العسكرى اليوم أن الاحتياطى النقدى سينفد خلال 6 أشهر فى حال استمر الوضع الأمنى والوضع فى الشارع كما هو عليه الآن من حالات الاعتصامات والإضرابات فى مواقع الإنتاج.
كما أكد المجلس العسكرى أن ديون مصر داخليا وخارجيا وصلت الآن إلى ما نسبته 90% من إجمالى الناتج القومى للبلاد، مطالبين بضرورة العودة للعمل وزيادة الإنتاج والإيجابية فى التعامل مع المرحلة الحالية والمشاركة الفعالة التى تسهم فى النهوض بالاقتصاد المصرى.
جاء ذلك خلال حديث أعضاء المجلس العسكرى فى الندوة الحوارية التى تعقد الآن تحت عنوان "ثورة 25 يناير- آفاق النمو الاقتصادى"، بدار هيئة الشئون المالية، وحضرها عدد من الشخصيات العامة وأساتذة الاقتصاد ورؤساء البنوك ورجال الأعمال والمستثمرين.
وتعتبر هذه الندوة الثانية التى تعقدها القوات المسلحة، فى إطار إعادة صياغة سياسات الإصلاح الاقتصادى، لوقف خطر الانهيار الاقتصادى، وتم خلال الندوة مناقشة عدد من الموضوعات مثل إيجاد حلول للأزمة الاقتصادية التى تمر بها البلاد وزيادة معدل التضخم.
الناس قلعت هدومها من قلة الفلوس و أحنا و لا هنا عايشين فى كوكب أخر و لسة مش حاسين
...........ز منقول ...............
قام ثلاثة أشخاص اليوم، الاثنين، بخلع ملابسهم خلال تظاهرهم أمام مجلس الوزراء لمطالبة الحكومة بالتدخل بصورة فورية من أجل إنقاذهم وإنهاء معاناتهم التى قالوا إنها وصلت إلى حد غير مسبوق خلال الفترة الماضية.
وكانت المظاهرة قد بدأت بوائل عبد الحميد الذى قام بخلع ملابسه تماما عدا "شورت قصير" للسخرية من سرقة التاكسى الأبيض الخاص به قبل أن ينضم إليه محمد إبراهيم، والذى تم سرقة سيارته الملاكى يوم 28 يناير الماضى، وممدوح عبد الفتاح الذى يدعو الحكومة لمساعدته فى تسديد ديونه أو توفير فرصة عمله له.
وائل عبد الحميد "28 عاما" ليسانس آداب قال لـ"اليوم السابع" إن سيارته الأجرة سرقت منه يوم 5 مارس بعدما طلب منه عدد من البلطجية توصيلهم لمكان ما، وبعد ذلك اعتدوا عليه وأصابوه، وتقدم ببلاغ بذلك لقسم شرطة الخليفة، ثم تقدم بشكوى لوزارة الداخلية، حيث فوجئ بمسئول يقول له "خد اتنين من أصحابك واسرق تاكسى زيه".
وأضاف أنه لم يجد أمامه لم يفعله سوى التظاهر بهذه الطريقة من أجل لفت نظر المسئولين إلى الظلم الكبير الذى تعرض له عقب سرقة السيارة التى تمثل مصدر الدخل الأساسى لأسرته.
فيما قال ممدوح عبد الفتاح فى الثلاثينات من عمره إنه يعمل "أرزقى" كل يوم بوظيفة، وترك عمله قبل الثورة، وعليه ديون لجيرانه بقيمة 6 آلاف جنيه، كما أنه لم يدفع فواتير الكهرباء والمياه منذ عام، مطالبا بضرورة توفير فرصة عمل له وسداد ديونه.
يعني هو انا مش هاعرف ارد علي الكلام ده
خد عندك شوية ردود من اللي قلبك يحبها
- ايه العلاقة بين اني اطالب بحقي و بين الاحتياطي النقدي؟؟؟؟
حتي لو المطالبة بحقي وصلت ل ( قطع السكة الحديد في قنا....قطع كورنيش ماسبيرو... المشاركة في اشعال فتنة طائفية تطفش السياحة...محاولة اقتحام سفارة دولة اجنبية لسنا في حالة حرب معها)
مش فاهم ايه العلاقة بين الكلام ده كله و الاحتياطي النقدي؟!!!
- لو رجعنا المليارات المنهوبة هانعوض الاحتياطي و هانسدد ديون مصر و هنبقي قوة اقتصادية عظمي
- المجلس العسكري ( ابن اللئيمة) بيخوفنا عشان نبطل نطالب بحقنا
- كل ثورة لها خسائر ...ما تقلقوش يا جماعة..دي مرحلة انتقالية و هاتعدي....( يا خوفي نسمع الكلام ده سنة 2015)
ماهى المرحلة الانتقالية دى لازم يكون ليها تخطيط عشان تعدى مش هيلا بيلا فى الزيطة وخلاص
هههههههه طب شوفت القصة دى
......... منقول ............
تشهد محافظة الغربية لليوم الخامس على التوالى أزمة حادة فى السولار، حيث انتشرت السيارات أمام محطات التموين منذ الصباح الباكر وحتى أوقات متأخرة ليلاً للحصول على السولار ونظراً لقلة الحصة الواردة للمحافظة مع زيادة الطلب استغل بعض أصحاب تلك المحطات الأزمة وقاموا برفع سعر الجركن سعة 20 لتراً إلى نحو 35 جنيها .
وشهدت محطات التموين بمدينة المحلة الكبرى مشادات ومشاحنات بين السائقين واصحاب المحطات مما ادى الى قيام رجال الجيش بإيداع مدرعة بكل محطة تمويل، كما حدث بمحطة تمويل التعاون الكائنة بميدان الشون قيام مشادات بين السائقين وبعض رجال الجيش وقيام احد السائقين بمحاولة التعدى على عسكرى جيش بمطواة، مما جعل رجال الجيش تقوم باطلاق عدد 3طلقات نارية فى الهواء بهدف السيطرة على الموقف والقبض على عدد 3بلطجية حاولوا تصعيد الموقف .
واكد محمد ابراهيم سائق أن أزمة السولار تسببت فى توقف حركة السيارات بل توقف حركة الحياة بأكملها.
وأوضح مصدر بمديرية التموين أن سبب الأزمة يرجع إلى زيادة وشدة الطلب على السولار فى موسم حصاد محصول القمح ورى الزراعات المتعاقدة وكذا زيادة أعداد السيارات والتريلات ووسائل النقل المختلفة .
ههههههههههههههههههههههههه هههههههههههههههههههه
كشفتم انفسكم يا لجنة الكترونية يا فلول النظام يا بتوع مصطفي محمود واحنا اسفين يا ريس
كدة احسن حاجة عشان نعرفكم كلكم مع بعض ومحدش منكم يهرب
يا رب يبقي اخره 2015 بس ومنوصلش ل2020 بنفس الكلام
ده اذا وصلنا ل2015 بخير واحنا مستمرين بنفس الطريقة الحالية