السؤال التقليدي في مدخل الصيف, اجيب تكييف ايه ؟؟

**yahiahelaly** · 26-05-2011 04:27 PM

ياجماعه انا في تكييف وايت ويل 2,25 حصان ب3500 ارخص الف جنية من كارير وشارب القديم واررخص 1800 من شارب الجديد حد اتعمال معاه قبل كدة يا ريت تفيدوني

**AshTurbo** · 26-05-2011 04:33 PM

على فكرة شارب ال3 حصان القديم مش البريميوم سعره غلى 300 جنيه عن السعر القديم اللي كان بيتباع بيه يعني وصل 5000 جنيه ولسة بيتباع لحد دلوقتي بس معرفش هل نفس الشكل وغيره في مكوناته ولا هو نفس القديم عموماً سألت الموزع قالي هو نفس القديم بمكوناته مش عارف الكلام صح ولا غلط .

**Mahmode** · 26-05-2011 05:02 PM

التكييف يعني شارب

**MohssenRashed** · 26-05-2011 05:07 PM

المشاركة الأصلية كتبت بواسطة amrelsaqqa

ع البركة ان شاء الله
مستنى رأيك فيه بعد ما تركبه
وجبته بكام ؟

جبته بارد ساخن بلازما ب 3000 بالتركيب.

**نور القمر** · 26-05-2011 05:26 PM

المشاركة الأصلية كتبت بواسطة ashturbo

خدوا الأسعار الجديدة لإل جي وشارب والمعلومات بين الأقواس على عهدة الموزع :

إل جي 1.5 حصان بلازما بارد 3100 جنيه - بارد ساخن 3250 جنيه ( كوري بالكامل )

إل جي 1.5 حصان عادي بارد 2900 جنيه - بارد ساخن 3050 جنيه ( كوري تجميع سعودي )

إل جي 1.25 حصان بارد 2250 جنيه ( مصري )

=====================================

شارب 1.5 حصان عادي بارد 2900 جنيه - بارد ساخن 3150 جنيه

شارب 1.5 حصان بلازما بارد 3150 جنيه - بارد ساخن 3400 جنيه

لسه جايبة شارب 1.5 حصان بلازما بارد دلوقت ولسه مركبش ب 3200

**نور القمر** · 27-05-2011 02:04 AM

تكييف يونيون اير شباك للبيع
1.5 حصان بارد فقط
سبب البيع اشتريت اسبليت وكنت هنقل الشباك لحجرة تانية منفعش لان شبابيكها صغيرة على مناور
التكييف ممتاز في التبريد
ومحتاجه ابيعه عشان اكمل على تمنه واشتري اسبليت
السعر 1000 جنيه

**caysersosaih** · 27-05-2011 02:18 AM

الترين جامد جدا تبريد قوي وما لوش صوت والكومبريسور امريكي وانا جايبه من سنتين بعد مطالعه المقارنة اللي عاملها جهاز حماية المستهلك علي النت

**Dr_Smart** · 27-05-2011 02:41 AM

انا رأيي ان كلام البياعين ده كله تجاره ولمصلحتهم

كله بيطلع اشاعات على الشارب عشان يخلص من ال جي اللي عنده

من تجربتي شارب وكاريير احسن تكييفات في مصر

وكرفت كويس بس صوته اعلى نسبيا يعني مش حلو لغرفة نوم

وابعد عن ال جي

**Mohd_Adel_Amin** · 27-05-2011 03:42 AM

انا بفضل الله جبت شارب 2,25 ب 4600 بارد بس , بس لسه مجربتهوش هجربه في اجازة الصيف لما اتجوز ان شاء الله , دعواتكم , وحسب ما فهمت ان موضوع سمعة الشارب بسبب ان التجار عايزين يشتغلوا اكثر في ال lg , بس الله اعلم مين اللي بيقول الحق , عموما انا لما اجربه هقدر احكم انا عندي كده lg و شارب هقدر اقارن ما بينهم ..

**amrelsaqqa** · 27-05-2011 03:48 AM

المشاركة الأصلية كتبت بواسطة mohd_adel_amin

انا بفضل الله جبت شارب 2,25 ب 4600 بارد بس , بس لسه مجربتهوش هجربه في اجازة الصيف لما اتجوز ان شاء الله , دعواتكم , وحسب ما فهمت ان موضوع سمعة الشارب بسبب ان التجار عايزين يشتغلوا اكثر في ال lg , بس الله اعلم مين اللي بيقول الحق , عموما انا لما اجربه هقدر احكم انا عندي كده lg و شارب هقدر اقارن ما بينهم ..

طيب معلش قبل ما تركب الشارب عشان انا هجيب تكييف الاسبوع ده ومش عارف اختار لسه ومحتار بين الال جى و الشارب

انت بتقول ال جى عندك
هسألك بقى
التبريد عامل ايه ؟ والصيانة عاملة ايه ؟ وهو عندك من قد ايه ؟ وكورى مستورد ولا تجميع سعودي ؟ وهل درجة تحمله عاليه ؟ وهل فطع غياره متوافرة ؟ وخدمة ما بعد البيع كويسة ؟
وايه الامكانيات اللى فيه ؟ ورقم الموديل ؟
من الاخر عايزك تقوللى كل حاجة عنه من وجهة نظرك
وربنا يتمملك على خير :)

الموضوع: السؤال التقليدي في مدخل الصيف, اجيب تكييف ايه ؟؟

LinkBack

أدوات الموضوع

عرض

-

-

-

-

-

المواضيع المتشابهه

صلحت تكييف اللانوس قبل الصيف

كيف تحمي تكييف سيارتك من شدة حرارة الصيف؟

كيف تحمي تكييف سيارتك من شدة حرارة الصيف؟

الصيف جى ... يا ترى تكييف اللينيا عامل إيه؟

هتركب تكييف ايه الصيف ده فبيتك ومنين وبكام ؟

الكلمات الدلالية لهذا الموضوع

المفضلات

المفضلات

ضوابط المشاركة