الموضوع: كان يوم عالمي بس الحمدلله علي كل شيء؟

الحمدلله يا أحمد باشا اهو نصيب وقدر

ده كله علشان حذفت صورة ساجد وهو بيسوق العربيه

وقدر الله وماشاء فعل

حتى النمر يا جدعان ده الواحد يمشى بعد كده و هو مأمن على هدومه


بجد الله يكون فى عونك فى اللى حضرتك فيه ده الواحد اساسا ما بيصدق يخلص موضوع النمر ده تقوم تتسرق بس اهم حاجه ان حضرتك عمت محضر بسرقتها لأن يا عالم اللى خدها ده هيعمل بالنمر ايه و احتفظ بصورة المحضر لأن يا عالم ايه اللى هيحصل قدام

لا حول ولا قوة الا بالله ........... واضح ان اليومين الحلوين كانوا منظورين ولا حاجه سبحان الله ! عموما قدر الله وما شاء فعل وربنا يصبر حضرتك وتعدي على الخير ان شاء الله ........... انا ليا بس اضافه بسيطه في موضوع رخصة القياده بتاعت حضرتك هي بتكون على حسب حضرتك مطلع رخصتك منين وهل المرور اللي طلع منه الرخصه تبع القاهره ولا الجيزه لئن انا رخصتي كانت مرور العجوزه واتسحبت رادار فا راحت على مرور بين السرايات اللي في الجيزه على اساس ان ده المرور الرئيسي لمحافظة الجيزه ........ رخصة والدي اتسحبت رادار برضه بس المره دي راحت مرور الدراسه وقالوا ان ده عشان الرخصه من مدينة نصر فا تبع القاهره ....... والله اعلم

بالنسبه لنمر العربيه فا مش عارف والله اللي بيسرق نمر عربيه ده نقول عليه ايه بس حسبي الله ونعمل الوكيل الواحد بعد كده هايطلع العربيه معاه البيت والله :( ربنا يصبرك ان شاء الله وتعدي على خير ...

المشاركة الأصلية كتبت بواسطة معاذ الشرباصى

قدر الله و ما شاء فعل يا ابو ساجد, الحمد لله على كل شىء

انا رخصتى على مرور المعادى, و لما اتسحبت رادار على الدائرى راحت مرور الدراسة

علشان تجيبها مش محتاجة واسطة, غير ان وكيل النيابة اللى هناك غلس شوية, بتاخد حوالى 10 ايام, بالكتير اسبوعين علشان توصل هناك

و المخالفة تقريبا 150 جتيه بالسرعة الى انت ماشى عليها دى

بالنسبة لمكان مرور الدراسة, هو فى اخر صلاح سالم لو انت جاى من مدينة نصر او مصر الجديدة قبل حديقة الازهر و مدخل نفق الازهر

عملت ايه فى موضوع النمر؟

يا باشا انا رخصتى اتسحبت رادار و اختفت
بعد اكتر من شهرين طلعت بدل فاقد

ارخص من الخالفه:) تحيا مصر