كان يوم عالمي بس الحمدلله علي كل شيء؟

**Hisham_ElFeky** · 20-04-2008 11:05 PM

كنت يوم الاحد اللي فات ١٣ ابريل وكنت بقضي يومين في اسكندرية في المعمورة (بحب اشكر محمد باشا الطويل علي نصايحة الجامدة جدا للمطاعم والطرق)

المهم ونازل احط الشنط في العربية فوجئت ان اللوحات مسروقة ورا وادام روحت ابلغ في قسم المعمورة قالولي مفيش اختام

روح قسم تاني المنتزه روحت وعملت محضر بعد طبعا رشه خمسين جنيه تظبيط والا كنت استني يوم كمان ولسه لغاية دلوقتي مش عارف اجيب نمر طبعا بسبب ان مرور مدينة نصر مفهوش نمر خالص بس المهم وانا راجع قلت اثبت السرعة علي ١٠٠ علشان انا مش ناقص ومقطورتين بهرجوا مع بعض فا زودت سرعة ١١٦ والحمد لله اتلقطت وسحبت الرخصة والوصل هيخلص بكره ومش عارف اعمل ايه واسطة ولا ايه بالظبط وخصوصا ان رخصة القيادة تبع مرور شبرا الخيمة وهل بتيجي علي المرور بتاعها ولا مرور الدراسة ولو حد يعرف حد ربنا يجزيه عني خير احسن انا متسوح؟

**Hisham_ElFeky** · 20-04-2008 11:45 PM

يا رب حد يرد

**CryptonX** · 20-04-2008 11:50 PM

معلش يا ابو ساجد .

الرخص بترجع علي المرور الي هي طالعة منه غالبا .
مش محتاجة وسطة .. بس هي المشكلة انها توصل اصلا .. تروج هناك .. ترش رشة علي الموظف ( مش العسكري الي حيسمك .. بكرر الموظف )

حيديك الرخصة .. بالنسبة للنمر .. دي بقى لا فارقة فيها واسطة و لا نيلة .. انا قعدت شهرين " بواسطة " علشان اجيب نمر .. العملية حظ بحت :)

وربنا بصبرك .. معلش يومين حلويين قدامهم يومين وحشين .

**farahat** · 21-04-2008 12:16 AM

الرخص إلي بتتسحب رادار بتروح على الدراسة (دة إلي حصل معايا ، بعد ما رحت المرور بتاعنا قالولي روح الدراسة )، بتروح هناك و إنت و حظك لو وصلت هيدوهالك على طول ، لو ما وصلتش مش هينفع ولا واسطة ولا أي حاجة

**Hisham_ElFeky** · 21-04-2008 12:23 AM

أين يقع مرور الدراسة؟

**معاذ الشرباصى** · 21-04-2008 12:36 AM

قدر الله و ما شاء فعل يا ابو ساجد, الحمد لله على كل شىء

انا رخصتى على مرور المعادى, و لما اتسحبت رادار على الدائرى راحت مرور الدراسة

علشان تجيبها مش محتاجة واسطة, غير ان وكيل النيابة اللى هناك غلس شوية, بتاخد حوالى 10 ايام, بالكتير اسبوعين علشان توصل هناك

و المخالفة تقريبا 150 جتيه بالسرعة الى انت ماشى عليها دى

بالنسبة لمكان مرور الدراسة, هو فى اخر صلاح سالم لو انت جاى من مدينة نصر او مصر الجديدة قبل حديقة الازهر و مدخل نفق الازهر

عملت ايه فى موضوع النمر؟