الموضوع: مينا....: صلي القبلة كده.....!!!!!

موضوع جميل قريته على موقع جريدة الوفد :
قلت لازم انقله لحضراتكم ....

وربنا يصلح احوال المصريين وميتخدعوش باللي بيعملو الفتنه بيننا وبين اخواتنا المسيحيين...

اعداء المصريين اللي هدفهم الحقيقي اشعال الفتنه عشان صعبان عليهم يشوفو المصريين مرتاحين شويه ..

الخبر بالرابط:

كتب: خالد مختار

في أحد الأماكن المصرية المشهورة، كنت وبعض أصدقائي، وكان وقت صلاة العشاء قد فات، فسألت الشاب اللي شغال هناك على مكان أصلي فيه فى المحل ، فاعتذر ليه بأدب وقال لي المكان عندنا مفيهوش مكان للصلاة، وفيه جوامع برة لو حضرتك عايز تصلي.. قلتله شكراً والموضوع انتهى على كده.بعد ربع ساعة، جالي نفس الشاب اللي أنا معرفش اسمه حتى، و ندهلي بأدب، ودخلني غرفة خلع الملابس بتاعت العاملين بالمحل، ولقيت سجادة مفروشة ناحية القبلة.. وقالي هي القبلة كده صلى زي ما أنت.. وسابني وخرج..
بعد ما خلصت صلاة ، خرجت أدور على الشاب عشان أشكره..سألته اسمك إيه ، قالي اسمي.. "مينا"

قررت أتصور معاه، وأخلى الصورة لإن أكيد هحتاج أحكي الحكاية دي فى يوم من الأيام.. يمكن الناس تفهم منها حاجة..

هو ده "شعب" مصر.


Uploaded with ImageShack.us

اقرأ المقال الأصلي علي بوابة الوفد الاليكترونية مينا: صلي القبلة كده!

علي فكرة الأمثلة بين الاحترام المتبادل والبر بين المسلمين والأقباط كثيرة وحصل معايا انا شخصيا الكثيرمنها رغم اني مسلم سني ملتحي سلفي (يعني اللي الاعلام شغال تشويه في صورته حاليا)
ولكني أعاملهم دائما بماعلمنا به رسول الله وبما أوصانا به
وربنا يهدينا جميعا لما يحبه ويرضاه ويحفظ مصر من الفتن ما ظهر منها وما بطن