-
بس لو انت محتاج للبيع الان خد بالك عشان السوق الان في النازل + ان المازدا الجديدة مش منتشرة و الريسال بتاعها وحش فلو ضروري اعتقد مش هتلاقي اكثر من 110 انا بس حبيت اديك فكرة لانك من القليلين اللي بيبيعوا الشكل الجديد مستعمل في ظل ظروف البلد ديه
موفق و انا معاك في اي سؤال و طمنا لو بيعت ان شاء الله
-
والله أنا مش محتاج أوي أني أبيعها
بس سعر 110 ده حرام بصراحة و صعب قوي
عموما ممكن أنتظر مفيش مشاكل
-
جزاكم الله خيرا جميعا
و شكرا جزيلا لمروركم الكريم
-
طيب ما تعمل اعلان فى الوسيط
-
هوا طبعا حرام تتباع ب110 وهيا ماشيه 8آلاف كيلو. بس برضو 145ألف كتير. المازدا ال هاي لاين اللي فيها كل حاجة 2010 غبور كان منزلها ب 152. يعني أظن حدود 135 ممكن تلاقي إقبال. وبالتوفيق
-
عموما ربنا ييسر ممكن أخري أوصلها لــ 140
والحمد لله مش مزنوق في بيعها حالياً
و ألف شكر لإهتمامكم
-
انا رايي لو عايز تخلص منها بيعها فى الامارات احسن اه هتخسر مش اقل من 20 الف درهم بس حتى لو نزلتها مصر وحبيت تبيعها ممكن تخسر اكتر من المبلغ دة ...انا عارف برده انا اعادة بيع المازدا فى الامارات صعب برده لان الاقبال على تويوتا ونيسان بس حتى دول بيخسروا فى اعادة البيع بس ميزتهم انهم بيتباعو بسهولة
-
في الأمارات بتخسر كتير
و البيع هناك أخر أستهبال مش عاوز أقولك
لو أشتريت عربية ب 10 قروش و خرجت بيها ممكن تبيعها ب 5 قروش
-
ايه رأيك في 120,000 لو موافق رد عليا
Content Relevant URLs by
vBSEO 3.6.0 PL2