ايه السرعة اثناء تليين اللوجان
السلام عليكم و رحمة الله و بركاته ،
عندي استفسار لوحوش اللوجان .... انا بعد فناعة كاملة الفضل لله فيها ثم ليكم اشتريت لوجان و كان اختيار صائب تماما و الحمد لله ... استفساري عن التليين ، المهندس فالتوكيل لما سألته عن السرعة اللي المفروض امشي عليها قالي امشي بالعربية براحتك و ميهمكش حاجه ان شالله تقفل العداد. انا فعلا مشيت بالعربية 700 ك لغاية دلوقت و تقريبا معظم الوقت علي 110 ... بس واحد صاحبي خوفني جدا جدا و قالي ان ده غلط و اني المفروض معديش 80 اول الف و اني المفروض اغير زيت بعد اول الف لأن الزيت اللي فالعربية لزوجته عالية و بيخنق الموتور فالتليين....
ايه رأيكم فالكلام ده و لو كان فعلا غلط اني مشيت اسرع من 80 ك اعمل ايه دلوقت ؟؟؟ و موضوع الزيت ايه ؟؟؟؟
آسف للأطالة و شكرا جدا علي المعلومات الرائعة اللي بتفيدوا الكل بيها.