للبيع كلب انثه جيرمن شيبرد من كليه الشرطه

**mazgangy** · 20-04-2008 11:21 PM

العمر شهرين وممتازه جدااااا كنت جايبها من كليه الشرطه من 15 يوم كان عمرها 45 يوم ومواصفات عاليه جداااا وجيبلكم شويه صور ليها وسبب البيع الشقه اللى كنت سيبها فيها فى نفس البيت بابا حياجر الشقه دى ورافض اخليها تعيش معانا فى نفس الشقه هو مش غاوى كلاب بس انا بموووووووت فيهم ووالله العظيم وبكل امانه صعبان عاليا بيعها او البعد عنها لحظه دى فيه عشق متبادل بينا بس يالا ربنا يبارك فى اللى ليه نصيب فيها

الصور

**mazgangy** · 20-04-2008 11:28 PM

نسيت اكتب رقمى 0114580700

انا المزجانجى لما تتصل قول المزجانجى معايا ديه كلمه السر هههههههه

**Xpert** · 20-04-2008 11:28 PM

السعر المطلوب ؟ :d

**mazgangy** · 20-04-2008 11:48 PM

عارف يا اكسبرت باشا لو ليك انت انا اجيبهالك لحد عندك ومن غير اى حاجه خالص واى خدمه وانا تحت امرك ده انت من الشخصيات اللى بحبها بجد فى المنتدى

**Xpert** · 20-04-2008 11:50 PM

يا باشا الله يخليك .. انا بافكر اجيب كلب الصراحه .. بس انا طالبه معايا اجيب 2 بوكسر من بره ;)

**mazgangy** · 20-04-2008 11:53 PM

يا باشا انا تحت امرك ولو عايز مساعده او تجيب بوكسر او اى حاجه انا تحت امرك فى اى حاجه انت بترد عاليا فى اى سوال فى السيارات واتمنى اردلك اى خدمه من خدماتك ليا ولكل اعضاء المنتدى بس هو انت اول مره تربى كلاب؟؟

**Xpert** · 20-04-2008 11:54 PM

يس سير نو اكبيرينس خالص .. بس اشمعني ؟ :d انا بافكر اجيب 2 .. ذكر و انثي .. و اربي الخلفه علي الفوول و العيش الحاف و ارميهم في العزبه حراسه :d

**mazgangy** · 21-04-2008 12:02 AM

هههههههه لا يا باشا انت فاكر الموضوع سهل بص بقى اول مره تربى وتجيب بوكسر ديه صعبه شويه وحتت فول وعيش بس مش ينفع الكلاب لازم كل المكملات الغذائيه و4 واجبات فى اليوم لسن 6 شهور وبعد كده وجبتين وبعد سنه يبقى وجبه واحجه تكفى ولازم عيش فى شوربه وبيض ولبن وفول ولحمه وفراخ وحاجات كتير بالنسبه للبوكسر وانت اول مره تربى نصيحه منى بلاش خليك فى ذكر وانثى جيرمن شيبرد وحيدولك المطلوب برضوا فى الحراسه بس مش بيحرسوا كده منهم لنفسهم ده بيدربوا ولو انت مش عندك خبره يبقى حتحتاج مدرب يدرب طاعه وشراسه وحراسه وكده تبقى انت نام ومطمن على العذبه بكلب واحد حتى مش اتنين اهم حاجه اللى يدرب يكون محترف وفاهم ونام مطمن يا معلم وانصحك بالجيرمن فى الحراسه اللى هو الكلب البوليسى يعنى بس يدرب صح بيبقى وهم وعيش الحياه اول تدريب طاعه ثانيا شراسه وبعد كده شراسه وجدع حد يقرب يا باشا

**Xpert** · 21-04-2008 12:09 AM

انا عاوز كلب .. اقوله "anger " الاقيه اكل اللي قدامي ...
يعني ماينفعش فوول و عيش حاف بعد سنه :D:D
يا باشا انا واخد بالي طبعاُ انه لازم ياكل الاكل الغذائي و رجلين الفراخ و نقليله الهامبرجر اللي احنا مابناكلوش ده .. بس انا قصدي يعني انه هاياكل اقل شويه من اللي المفروض ياكله .. النظام الغذائي مش هايبقي متابع قوي يعني متقلب شويه و كده ..مش بانتظام قوي .. ما علينا .. المهم بس نقفش كلبين الاول و بعد كده ربنا يسهل ..
ماقلتش برضه ..السعر كام ؟ :D

**mazgangy** · 21-04-2008 12:35 AM

500 ليك انت انا كنت جايبها على السعر ده وكلفتنى اكل كتييييير

فراخ وهامبرجر وهوت دوج وحاجات كده ولو عايز تحت امرك وبنفس السعر اللى جايبها بيه وبخصوص تقول كلمه تاكل اللى قدامك يبقى عليك وعلى تدريبات كليه الشرطه فى العباسيه القاهره تخليها كده واحسن تقول اهجم تهجم اسكتى تسكت واخر دلع وتسلم وتعمل مايته وكل حاجه