Rio 1600 A/T or Persona 1600 A/T

حد يساعدنى مش عارف احدد
مع انى عملت مقارنه بس مش عارف اخد قرار

1- السعر داخل مصر
كيا ريو 1600 اوتوماتيك 2011....................89000
بروتون برسونا اليجانس1600 اوتوماتيك2011...............95000

2- السعر خارج مصر
ريو : حوالى 15000 دولار لمحرك 1.6 ...يعنى تقريبا 90000 بس فيها ABS---2Airbags--- Multifunction steering wheel
برسونا : حوالى 56000 رينجت ماليزى يعنى تقريبا 110000

3- اسعار الصيانة الدوريه بالتوكيل
ريو ( 300 جنيه كل عشرالاف , فحص مجانا كل خمسة الاف, 500 جنيه عند 20 الف و 40 الف, 1200 جنيه عند 60 الف )---------حوالى 3100 مع نهاية ال 60 الف كم
برسونا ( 350 جنيه كل خمسه الاف , 700 جنيه عند 20 الف ,1300 جنيه عند 40 الف , 1800 جنيه عند 60 الف)---------حوالى 7000 مع نهاية ال 60 الف كم

4- سعر اعادة البيع
بفرض الاستعمال الجيد وبلا حوادث واستقرار سعر الدولار .. الاثنان بيع على هادى
ريو بعد خمس سنوات تقل حوالى 20 الف
برسونا بعد خمس سنوات تقل حوالى 25 الف

5- الضمان
ريو 5 سنوات او 100 الف
برسونا 3 سنوات او 60 الف

6- الالوان
ريو (8 الوان غالبا تلاقى 5 بس ) ابيض , اسود ,فضى,فيرانى ,بيج مدهب,احمر , ازرق ,برتقالى
برسونا ( 2 لون.. مع ان بره 5 الوان) فضى , اسود

7-الشكل الجديد
ريو ...شكل جديد 2012
برسونا ... 2011 هو الشكل الجديد

8- الكماليات
برسونا تزيد فى عوامل الترفيه والامان
ABS---EBD---2Airbags---immobilizer & Alarm System—Reverse Park Sensor
Multifunction steering wheel- Auto cruise control—front arm rest

9- التوكيل
ريو : توكيل EIT نصير .. الاغلبية الكبيرة بتشكر ... نادرا ما اشتكى حد
برسونا : توكيل عز العرب ..مالكى جين 2 كان ذل منذ بدايه 2006 , هناك تحسن ملحوظ فى السنتين اللى فاتوا

10- التانك و استهلاك البنزين
ريو : 45 لتر .. 11.5 km /Litre …....يعنى الصفيحة تعمل 230 كم
برسونا : 50 لتر .. 11.2 km /Litre يعنى الصفيحة تعمل 224 كم

11- التسارع واقصى سرعه
ريو : 12.4 ثانيه ..........185 كم/ساعه ( الارقام ل 1600 نفس موتور الاكسنت)
برسونا : 13.9 ثانيه ..........185 كم/ساعه


12 - اسعار قطع الغيار
محتار و مش قادر اعرف اسعار الريو بس هتبقى ارخص , حاجات ممكن تتظبط من الاكسنت
البرسونا متوسطه .. ارخص من زمان عشان انتشار الجين

13- الوزن - الابعاد - قاعدة العجلات- - - overhang
Kia Rio 1090 Kg … (L4250-- W1695-- H1470)… WB 2500
Persona 1220 Kg (L4477 -- W1725-- H1438) …FO 857+WB 2600 + RO 1010

14- مساحة الشنطه - وسع الصالون
Kia Rio … 337 liter Trunk Cargo …...
1006/960 headroom Front/Rear …
1087/872 legroom front /rear
1359/1349 Shoulder room front/rear
1290/1270 Hip room front/rear

Persona...430 Liter Trunk Cargo …...
956/910 headroom Front/Rear …
1055 legroom front
15- ملاحظات اخرى
Seems No seat belt indicator in both cars
Persona Spare Tire not normal, but of type 80 /80
Rio Ground clearance 155 , unknown for Persona but will be less

الجراوند كليرانس فى البيرسونا 155 أيضا
الريو فى البيع والشراء تقيله قوى , لكن البيرسونا طالعه والدليل أن اتبناعت كل السيارات ومستنيين دفعه أخرى على حسب كلام الناس فى القسم هنا
البيرسونا أوسع فى الشنطه لكن أضيق فى الصالون فأيهما تحتاج أكتر؟
صاج البيرسونا جامد ومتين وده باين فى وزن السياره , انت يهمك الموضوع ده؟ والا بتمشى فى شوارع سيدنى؟
ثبات البيرسونا والجين ممتاز بشهادة أصحابها ولا اعتقد ان ثبات الكيا أعلى لأنها أخف , بتسافر كتير عل السريع والا؟
البيرسونا أختيار مفضل لى شخصيا عن الكيا ولو ان الفروقات مش كبيره قوى واللى ترتاح ليها نفسيا هاتها

Proton

البرسونا اجمل واوسع وربنا يقدر لك الخير

بصراحة متزعلش مني بس لا دي ولا دي بصراحة .

الريو قديمة اوي اوي ! و حتتغير تماما ! تمــــــــامـــــــا بالريو 2012 الي حتنزل اخر السنة دي , و الريو الجديدة زي الاكسنت الجديدة مبنية على شاسيه معدل من ال I30 و دي حاجة حلوة جدا طبعا !

البرسونا - جين 2 العربيات دي جميلة وكل حاجة بس لو حنقارن بقديم وجديد ... العربية قدمت جدا ! يعني من 2004 طرحت الجين و البرسونا ماهيا الى جين 2 بشنطة .. و بروتون بتسعد لاطلاق البديلة ! Persona R
وشوهدت تحت الاختبار خلاص في ماليزيا يعني ممكن السنة الي جاية تلاقي عربية جديدة كليا .

http://image1.paultan.org/image/prot...-1-500x255.jpg
http://image2.paultan.org/image/prot...-spyshot-2.jpghttp://image1.paultan.org/photo/cach..._0720b_770.jpg

خلاص يستنى السنة الى جايه هههههههههههههههه

خلاص نستنى سنه الى ان تنزل السيارات دى!!!!! ونقضيها تاكسات وميكروباصات
أقولك نستنى 5 سنين لحد سيارات الكهربا ماتنتشر أرخص وأوفر
لأ أحسن نستنى 15 سنه ال أن تظهر السيارات الطائره. ونطير ونعيش بقى
أو بقى نصبر شويه ونجيب طياره خصوصى - هيبقوا أرخص سنة 2040
بس شاعتها هكون عندى شبعين شنه ومش هقدر اشوق ويمكن اكون مت

proton for sure

بيرسونا ثباتها وكمالياتها .....متعه
سبحانك اللهم وبحمدك ، أشهد أن لا إله إلا أنت أستغفرك وأتوب إليك

الريو مش منتشرة و صعب تلاقى قطع غيارها منتشرة زى السيراتو

الريو شكلها لا يقارن بالبرسونا اليجانش و الشكل الجديد بتاع الريو نزل بره خلاص

بالنسبة لتغيير شكل البرسونا صعب ان الشكل الجديد ينزل مصر بسرعة لان طاقة انتاج بروتون محدودة و عدد العربيات الى بينزل مصر محود بدليل ان الساجا الفيس ليفت لسه منزلتش مصر

شكل البرسونا الجديد لو نزل اكيد العربية هتخش فى فئة سعرية تانية زى الاكسنت ر بى و الالنترا 2011

و بعدين الدولار بيغلى و الانتظار مش فى الصالح

عن تجربة الريو ثابتة حتى 150 كيلو

Proton .
الوسائد الهوائية و نظام مانع إنزلاق الفرامل ونظام توزيع قوة الفرامل دول بالذات مينفعش حد يعتبرها كماليات غير ضرورية فى الوقت الحاضر ،
الثبات وقوة الصاج لصالح البروتون ،
بالمناسبة الضمان خمس سنوات على الماتور والفتيس فى البروتون :) .

البرسونا معايا بقالها سنه تقريباً .. و عربيه ممتازة جداً جداً فى كل شىء .. مشاكلها قليله و لله الحمد .. و مشكلة قطع الغيار .. من رأيي مش هتواجهها مع أى عربيه جديده .. كله كلام فاضى و فيه قطع غيار كثير ليها بدائل كثيرة و معروفه .. ما تستاهلش توقف قرار شراء على أسعار قطع غيار .. من الأخر فى عربيه جديده مش هيتعدى فلاتر و تيل فرامل فقط !!!!!!!!
و بعدين بقى فيه مراكز صيانه معتمده كثيرة .. و مفيش مشكله فى العربيه مالهاش حل
أنصححححححححح بيها بشده

ربنا يوفقك للخير

و بمناسية الثبات .. أنا جبت 195 ببرسونا مانوال 2009 و العربيه كانت ثابته جداً و الحمد لله .. و كان ممكن تجيب أكثر بس ضميرى صحى و رجعت لصوابى .. العربيه بتجيب 160 مستريح جداً .. كأنك سايق على 120 بدون أى مشكله