أرغب في شراء ميجان... وأرجو النصيحة

السلام عليكم
أرغب في شراء ميجان... وأرجو النصيحة
للعلم أنا معجب بالميجان جدا لكن عايز نصيحه منكم بأهم مزايا السيارة واهم عيوبها
مع العلم انا هشتريها مستعمله
وايه أفضبل موديل ممكن أشتريه ( يعني لغاية سنة كام ممكن أشتريها )
وشكرا

انت مقلتش ميجان 1 ولا تو

عمتن لو تقصد ميجان 2

انصحك بشراء من موديل 2006 وانت طالع

والاهم تكون الحالة ممتازة لان الرينو عمتن لو متهانا عمرك مهتستمتع بيه وهتكره حياتك زيها زى الاوبل بالظبط

لما ترسي على عربية معينة ضحى ب 250 جم تقريبا واكشف عليها ف التوكيللللللللللللللللللل لللللللللللللللل ضرورى وصدقنى متخدش بالمظاهر بالزات ف الرينو لازم كشف عليها كويس

بلاش العربية دي انا ليا 4 اعرفهم اشتروها منهم 3 اشتروها زيرو و واحد اشتراها مستعمل و بلا فخر الاربعة باعوها بعد ما عملت فيهم كل حاجة كلللللللللللل حاجة اخر واحد صرف علي العربية 8 تلاف جنيه في المعمورة بدون سابق انذار

ده رأيي مع احترامي لكل مالك للميجان اللي من وجهة نظري من عربية دي توك توك

ينهااااااااااااااااار اسود دة انت مرمط العربية

انا بفتخر بجد انى من مالكى التوك توك ده :grin54:

لو غاوى رينو عندى صديق ليا معاه سيمبول 2010 مفيهاش الهوا وصيانة وكيل وفابريكا المصنع بدون خدش واحد

وهوا شغال ف التوكيل عاملة 45000 كم - كاملة اوتو ماتيك

طالب 70000 جم هى تمنها جديدة دلوقتى حوالى 95000

لو ليك شوق تشوف العربية او شىء من هذا القبيل قولى ابعتلك رقمه تقابله

اقتباس:

---

انا بفتخر بجد انى من مالكى التوك توك ده :grin54:

---

ههههههههههههههههههههههههه ه

الفتايييين بيكرهوا التكااااااتك ..... واحنا معااااااااااااااااااااااا ااااااهم

الميجان فخمة وشيك وفيها كل الكماليات اللي في جميع العربييات الأخرى وزيادة مجتمعة مع بعض - في اعلى فئة - ووسائل الأمان ,
وتكاليف الصيانة الدورية في الوكيل زي أي عربية .

ولكن تكلفة اصلاح الحوادث فيها عالية .

اللهم احفظنا من كل سوء

اقتباس:

---

المشاركة الأصلية كتبت بواسطة byada10

انا بفتخر بجد انى من مالكى التوك توك ده :grin54:

---

انا حعيط و نفسى اركب التوك توك ده بس يكون موديل 2009 او 2010


نفسى الناس تفهم بقا

السلام عليكم،
من واقع اقتنائي للعربية لفترة فهناك بضعة نقاط هامة،
أولا: الميجان من السيارات الرائعة بكل المقاييس وليها طابع خاص بيها.

ثانيا: لابد من ادراك أن الراحة والرفاهية لهما ثمنهما، وده بينعكس عامة على مصاريف السيارة، خاصة بقى لو ضحيت واضطريت تروح التوكيل، وفكرة السيارة المثالية عامة غير صحيحة..

ثالثا: مشكلة سمعة الميجان من وجهة نظري هي مشكلة متعلقة بالمستعمل منها، وقليل جدا ما سمعت عن حد اشتكى من ميجان زيرو.
ولو وضعنا بالإعتبار ارتفاع تكاليف صيانة هذه الفئة من السيارات عموما فشراء المستعمل منه يحتاج الى خبرة جيده جدا وحبذا لو كانت من شخص موثوق لأن اللي بيحصل بعد كده ويخلي الناس تزعل من العربية مش بيكون حاجه جديدة وانما في الغالب جدا حاجات قصر في اصلاحها المالك السابق وعايز يبيع العربية ويخلص!

أخيرا، نصيحة أخوية، الكشف في التوكيل يطمنك فقط بنسبة 50 % ولازم حد يكون بيفهم جدا ومجرب العربية وأمين هو اللي يكشفلك عليها.

وبالتوفيق ان شاء الله.