المهندس م.ممدوح... عند سرعه 120 ريحه شياط
الباش مهندس محمد ممدوح والاصدقاء
بعد التحيه ه
انا معايا نوبيرا موديل 2002 اوتوماتيك اشتريتها من واحد كان راكنها لانه مسافر عامله 27000 كم
ولانها كانت مركونه فكنت واخدها واحده واحده يعني خلال 4 شهور ماذودتش السرعه عن 70
من اسبوع اخويا قالي يلا نسافر بيها العربيه سحبت كويس لحد سرعه 100 كم في الساعه
اخويا قرص كمان لحد الامبير وصل 110-120 كم 5 دقايق وشمينا ريحه شياط كان حاجه بتتحرق والريحه
ذادت وقفنا العربيه فورا وفتحت الكبوت مافيش حاجه خالص مافيش ريحه ولا حاجه مولعه كله طبيعي
شمينا العجل والكاوتش برضه مافيش حاجه بعد كده كملنا المشوار 90 الي 100 ماشمناش الريحه
دلوقتي عدا اسبوع العربيه عاديه مافيش مشكله ظهرت بس انا قلقان خالص ياتري ريحه الشياط لما السرعه
... وصلت 110 120 ايه سببها وايه اللي كان هايتحرق وربنا سترت
ملحوطه الكاوتش من 2002 ماتغيرش لانه جديد وقلت استعمله شويه لاني كل مشاويري جوه القاهره
بس انا شميت الاربع فرد مافيش ريحه شياط ط
المهندس ممدوح ارجو الرد في اقرب فرصه
ولك مني كل الاحترام والتقدير
د. كمال
