السلام عليكم ورحمة الله وبركاته
باختصار شديد
انا شاري العربية من سنه بتوكيل مكتوب فيه بيع للنفس وللغير
الرخصه حاليا مكتوب
انتهاء الترخيص:6\2011
تاريخ الفحص:2012
والرخصه تبع مرور مدينة نصر
انا بطاقتي تبع مرور الاميرية
عايز اعرف ايه الخطوات اللي هعملها بالتفصيل عشان انقل العربية باسمي وتبقى تبع مرور الاميريه بدلا من مدينة نصر ولو امكن حد يقولي تكلفه تقريبيه للموضوع على بعضه
العربية سوزوكي ماروتي موديل 2007
تحياتي
اول حاجه تروح الشهر العقاري وتبيع لنفسك هناك وبعد كدا تطلع شهادة مخالفات من وحدة المرور اللي تابعه ليها العربيه وبعد كدا تروح وحدة المرور بتاعتك ومعاك عقد البيع وشهادة المخالفات وكل مايخص ورق العربيه وتدخل فحص وبعد كدا الرخصه هاتطلع باسمك عادي وتبع وحدة المرور بتااعتك
شكرا عزيزي على الرداقتباس:
المشاركة الأصلية كتبت بواسطة modo88
بس كنت عايز اعرف ايه حكاية اني اروح اشوف النمر القديمة في الدراسه عليها مخالفات ولا لا
وياترى اي شهر عقاري ولا لازم اللي التوكيل اتعمل فيه
وفين اقرب شهر عقاري للنزهة الجديده؟؟؟
محتاج شوية تفاصيل لاني عمري ما رخصت قبل كده
تحياتي
طبعا لازم تطلع براءة الذمة من مرور الدراسه بالمخالفات اللي علي النمر اللي معاك
وبالنسبه للشهر العقاري اي شهر عقاري عادي شوف اقرب حاجه ليك
بعد كدا تطلع علي المرور وباقي التفاصيل زي الرد السابق
جزاك الله خيرا ياعزيزي وربنا ييسر الاحوالاقتباس:
المشاركة الأصلية كتبت بواسطة modo88
هاول اعمل الموضوع كله في اليومين الجايين ان شاء الله
تحياتي