عرض للطباعة
خبر منقول بس الغريب هو الطيارين حا يبقو اة جيش طبعا مفيش ظابط شرطة طيار .
........... منقول .....................
أكد اللواء منصور العيسوي أن وزارة الداخلية استعانت بعدد 200 طائرة جديدة ستبدأ من السبت فى التحليق بأجواء المناطق المركزية فى المحافظات وستكون البداية من القاهرة والجيزة وحلوان وضواحيها.
و الله مش عارف الخبر دة بجد و لا تهريج .
........ منقول ............
وأضاف أن الطائرات ستوزع عبر دوريات مستمرة للضباط فى وزارة الداخلية لاستخدامها فى إقرار الأمن ومواجهة البلطجية فى الفترة المقبلة، مشيرا خلال مداخلة هاتفية لبرنامج "منتهي الصراحة"الذي يقدمه مصطفي بكري علي قناة الحياة إلى أن الفترة القادمة ستشهد نقلة نوعية لعمل ضباط الشرطة لمواجهة الانفلات الأمني.
المفروض ده صح عشان سرعة التعامل وممكن يبقو طيارين عاديين اصلها مش طيارات حربية يعني :]
طيارين عادين يبقو مدنين يعنى خريجين من معهد الطيران المدنى .
الطيارات الى حا تطير أكيد حا تبقى هليوكوبتر , ودى معظم الى بيطير بيها طيارين حربين يعنى خريجى الكلية الجوية .
يا أما حا يبقى تعاون ما بين الجيش و الشرطة
اتوقع هتبقي زي امريكا هليكوبتر استطلاع
ال هليكوبتر بيسوقها مدنيين عادي
كمان سواقتها مش صعبة ممكن يدربو الظباط عليها
بس على الله تجيب نتيجة
واللهِ أنا خايف ل يروح يجيب الخضار بيها
ولا يودي ميدو مدرسته الصبح
يا ريت مايجبهوش طيارين من ماك ولا كنتاكى
الخطوة اللى جاية بقى لو صح الخبر ده هى الاسعاف الطائر
وهى مهابط الطائرات متوفرة فى المناطق اللى فيها مشاكل وللا هتنزل على السطوح وللا هينزلوا باراشوت وللا هيطخوا من فوق؟
ههههههههههاقتباس:
المشاركة الأصلية كتبت بواسطة dr ahmed
هايطخو من فوق
طيب انا نازل الدور الجاىاقتباس:
المشاركة الأصلية كتبت بواسطة otefa
هو مش العدد مبالغ فيه شوية ولا ايه ؟
اقتباس:
المشاركة الأصلية كتبت بواسطة AngelicCore
تعليق جامد :)) :grin54:
الطيارات مش الغرض منها نقل القوات الغرض السيطره والتتبع ومعاونه القوات الارضيه بالذات فى الاماكن كثيفه السكان زى العشوائيات
ياريت
هو مش الهليكوبتر بيبقى ليها قدرة انها ممكن تبقى واقفة فى الجو مش محتاجة تهبط يعنى ممكن تقرب من اى سطح و العساكر تنزل بحبال او ينطوا علشان عنصر المفاجاة ههههههه
دى السماء كمان هتبقى زحمه قوى كفايه اللى احنا عاملينوا فى الارض كمان هنطلع السماء
والله انا خايف ان البلطجيه يجيبوا طيارات هما كمان وتبقى حرب فوق هههههههههه
واحنا نحدفهم بالمولوتوف ههههههههههههه
بس يقبى خبر تمام أذا أتحقق و رقم 200 خيالى شويه أخرهم واحده أتنين بالكتير فى كل محافظه .. و يا ريت يكون عليها رقابه عشان متشتغلش دليفيرى للظباط .
كل سلاح ذو حدين وربنا يستر
ممكن رابط الخبر
علشان لسة بقول لوالدي
بيقولي لا 200 عربية مش طيارة و الخبر نزل في الجرنال مش فاكر قالي النهاردة ولا امبارح
هو دة ممكن بالفعل و عادى جدا بس لو متدربين زى رجالة الجيش كدة ,مش الى ايديهم رخوية هههههههههههههه .دة اسمة أسقاط سريع الى بيعملة الصاعقة و المدربين على عمليات القوات الخاصة ألا لو نزل بواسطة ونش يعنى بيتربط بحاجة اسمها ((( هرنس )))) و فية زى ونش ينزلة بالسلامة لتحت بس الطبيعى بينزل على الحبل حاجة أسمها نزول حراقتباس:
المشاركة الأصلية كتبت بواسطة mohamedgamall
الروابطاقتباس:
المشاركة الأصلية كتبت بواسطة Mzeid
ظ…ط±ط§ط³ظ„ظˆظ† ظ…طµط±ط§ظˆظ‰ – ط§ظ„ط¹ظٹط³ظˆظٹ 200 ط·ط§ط¦ط±ط© ظ„ظ…ظˆط§ط¬ظ‡ط© ط§ظ„ط¨ظ„ط·ط¬ظٹط© ظˆط§ظ„ظپطھظ†ظ‡
و دة كمان
http://www.alwafd.org/index.php?opti...#axzz1M5fH7mQK
انا مرة من نفس الموقع ده جبت الخبر ده
http://www.nilemotors.net/Nile/218548-a.html
وطلع كذب
مع كامل احترامي للاستاذ هشام صاحب الموضوع
الخبر مكتوب فى الوفد الرابطاقتباس:
المشاركة الأصلية كتبت بواسطة mrwho1982
http://www.alwafd.org/index.php?opti...#axzz1M5fH7mQK
و ممكن بالبحث على جوجل حا تلاقى الكلام دة مكتوب فى كذا حتة مع انة كلام غريب جدا فعلا
العيسوى و 200 طائرة - بحث Google
ياعيسوي لو فيه مجلس شعب كان زمانه طيرك بره الوزاره...
الشرطة لازم يمسكها حد مدني او من الجيش
الاول يبقا فى شرطة وبعدين ندور على حد يمسكها!!!
انا شايف ان موقف العسوى صعب لاقصى درجة فى حوالى 7000 مجرم هرب ساعة الثورة + جهاز شرطة منهار و معظم قياداتة منتظر انها تيجى رجلها فى قضايا ضرب و قتل المتظاهرين + مئات المظاهرات الفئوية علشان المرتبات + الفتنة الطائفية اللى واخدة شكل غريب جدا
انا شايف ان لازم الشعب يشارك باى شكل و يتم تدريب و تنظيم فرق للامن من الشعب زى اللجان الشعبية لحد ما جهاز الشرطة يقدر يستعيد توازنة
انا عموما يوم 28 يناير لما عرفت ان فى 17000 سجين و مسجل خطر هربوا قلت لايمكن اقل من خمس سنين علشان الدولة تقدر تستعيد امنها
أكيد طيارين بفسبة مش هليكوبتر
"قوات الديلفيري السريع"