العربيه مش بتدور من أول لقطه وبتقطع فى المشى

**gabry832003** · 14-05-2011 08:57 AM

السلام عليكم ورحمة الله وبركاته...
انا يا اخوانى حصل معايا موقف غريب ..رجعت من الشغل عادى جداً العربيه زى الفل ركنتها حوالى 5 ساعات نزلت أدور ولا الهوا مش عاوزه تنطق ..المرش بيلف والعربيه مش بتدور المهم اتصلت بميكانيكى يعنى بيفهم شويه فى الاوبل و هو اقرب واحد ليا فى حلوان قالى يا باشا حساس الكرنك روح.مع العلم انى لسه مغيره مفيش 6 شهور...المهم قولتلوا انا معايا الحساس القديم (لأنى فى الغالب مش بارمى أى حاجه تتغير فى العربيه وخصوصاً القطع الأصليه) وركبنا الحساس القديم.
ومن ساعتها :
1-العربيه مش بتدور من أول لقطه
2-كتمه مع المشى
3-ساعات بتبطل على السلانسيه
4-برجله فى الموتور
مع العلم انى غيرت الحساس القديم بسبب النقطه رقم 1 فقط بمعنى 2و3و4 ماكنوش موجودين و مافيش أى لمبات اعطال بتنور.
السؤال :
هل العربيه محتاجه حساس كرنك جديد ؟ وهل باقى الاعراض اللى أولتها ممكن الحساس ده يكون سبب فيها؟
وأعمل ايه علشان أتأكد ان هو فعلاً؟
اسف للاطاله ومستنى من حضراتكم الردود....ومعلش انا هانزل الشغل دلوقتى ولما اوصل هاتابع معام تانى ان شاء الله

**waoola_78** · 14-05-2011 01:08 PM

متابع

**gabry832003** · 14-05-2011 01:45 PM

ايه يا جماعه فيين ردود وحوش الاوبل

**فادى محمد** · 14-05-2011 05:07 PM

هو ممكن حساس الكرنك يعمل اللخبطه دي وممكن تكون المشكله من الفيشه بتاعته فكها ونظفها بدبليو دي 40 لو عاوز تتاكد منه لازم تكشف عليه بالجهاز علشان ماتصرفش فلوس كتير ع الفاضي وممكن برده رداخ البنزين والموبينه يسببوا نفس الاعراض بالضبط ,اكشف احسن