-
مشكله في الانسر 2007
انا عندي لانسر 2007 خليجي جبتها من 8شهور وكملت 10000 ك
المهم عندي صوت غريب في مصفة الشكمان وكمان عندي صوت تكتكه بيطلع اول مأمشي باعربيه بعدين بيختفي مديقني جدا
المهم انا خايف اوديها لاي ميكانيكي لحسن يلعبلي فيها لأن الميكانيكيه بيفتو وخلاص
وكمان مش عايز اروح توكيل جسر السويس لاني جربتهم وبصراحه معملتهم متريحش
روحتلهم عشان صوت الشكمان فضلو موقفني ساعه مستني موظف الاستقبال وفي الاخر
لما جه قلي تعالى اخر الشهر . المفرض على الاقل كانو يقولو من الاول مش يسبوني كده ولا حد معبرني
ومش عارف اعمل ايه لحد دلوقتي
-
أستاذ hamode89 أهلا بيك معانا في منتدى ميتسوبيشي
الحقيقة هو فرع جسر السويس زحمة جدا والحجز فيه لشهر فعلا قدام لكن حضرتك شرفنا في المركز الرئيسي في قليوب في الطريق الزراعي (هو ابعد شوية انما الضغط اقل من جسر السويس) لكن يفضل بدري وباذن الله يتم تحديد المشكلة والحل
احنا شغالين من 8 ص الى 4 م والعنوان بالتفصيل في الموضوع ده
http://www.nilemotors.net/Nile/showthread.php?t=9838
-
شكرا مهندس طارق زويل
انا انا ان شاء الله هعدي التلات الجي (بعد بكره) 8 صباحا
وحقيقي متشكر جدا لاني والله مكنتش عارف اعمل ايه
وكنت احب أسأل حضرتك لو ممكن كمان اعمل الصيانه ولا لازم احجز
-
في انتظارك بكره 8 ص باذن الله - وانا هاكلمهم على الحجز
-
ياريت نبقى نعرف النتيجة لان موضوع صوت الشكمان ده حصل معايا برضه بعد 5000 كم بس واتصلح فى الضمان وكنت عايز اعرف اسباب المشكلة وهل هو عيب معروف ومتكرر فى اللانسر وللا ايه
-
معلش يا بشمهندس طارق اني معرفتش اجي النهارده لان كان في ظروف حصلت
ان شاء الله اجي بكره 8 صباحا
شكرا
Content Relevant URLs by
vBSEO 3.6.0 PL2