الموضوع: شهادة جودة ونجاح لسيارتنا byd

المشاركة الأصلية كتبت بواسطة ziabassem

الشهادة لما بتكون من واحد متخصص بتكون أوقع .. لأنه مش بيبص على الشكليات فقط .. وإنما بيتعمق في الإمكانيات الفنية .

ويا ريت يا دكتور توالينا باستمرار عن انطباعه ورأيه عنها كل فترة .. بعد ما يستعملها فترة طويلة شوية .

طبعا ده اكيد هو قبل كده كان اشترى سيارة افيو تخيل انه عمل بيها 150 الف كيلو فى سنة واحدة وبعدين باعها وبالتالى اظن انه هيعمل بال byd تقريبا مسافة محترمة فى فترة وجيزة وده يعتبر اختبار قاسى هيكشف امكانياتها ومدى جودتها وساوافيكم بالتطورات اولا باول بحيادية كاملة
تقبلوا تحياتى

المشاركة الأصلية كتبت بواسطة lonedoctor

طبعا ده اكيد هو قبل كده كان اشترى سيارة افيو تخيل انه عمل بيها 150 الف كيلو فى سنة واحدة وبعدين باعها وبالتالى اظن انه هيعمل بال byd تقريبا مسافة محترمة فى فترة وجيزة وده يعتبر اختبار قاسى هيكشف امكانياتها ومدى جودتها وساوافيكم بالتطورات اولا باول بحيادية كاملة
تقبلوا تحياتى

ماشاء الله ده شديد جدا وأنا اللي كنت فاكر نفسي بامشي كتير ومحدش بيمشي زيي

أنا في سنتين إلا شهرين مشيت 50000 كم منهم أكتر من 5000 كم للصيانة بفرع الإسكندرية

كده حضرتك شوقتنا أكتر نعرف نتيجة الإختبار الصعب ده

اليوم استلمت رسالة تحتوى على الفاظ قذرة وخارجة عن الادب من احد اعضاء المنتدى بسبب كلامى عن السيارة الجميلة بى واى دى واتهمنى بانى من فلول شركة الامل التى اتقاضى منها مبالغ مالية فى مقابل الدعاية للسيارة وقد ابلغت الادارة الموقرة للمنتدى بهذا الموضوع واتمنى ان تتخذ اجراء رادع فى هذا الشان
وقد استفزنى هذا الشخص بكلامه فقررت استكمال هذا الموضوع بالرغم من ضيق وقتى فقد اتصل بى المهندس طه صديقى العزيز فى مكة بعد عودته من مصروحسب كلامه انه لم يمكث الا اسبوعين فقط بعد شراءه السيارة وقد قطع بها مسافة 2000 كيلو متر
اول الف كان لا يتعدى 80 ك/س علشان التليين بعد كده فتح على الرابع وجاب بها سرعة 170 ك/س وكان لسه فيها بس هو توقف عند هذه السرعة
الراجل منبهر بجد بالسيارة وبيشكرنى جدا على انى دليته عليها ووماكانش متخيل انه فيه سيارة صينى بالجمال ده وبالسعر ده
على حسب كلامه والله على ما اقوله شهيد وده علىشان الاخ اللى ارسل لى الرسالة الجميلة ربنا يسامحه انه البى واى دى برقبة الافيو والانترا واحسن منهم 1000 مرة
بالنسبة لصوت الموتور اللى بيعلى بعد 120 ك/س قال لى انه ده طبيعى لانه المتسوبيشى كلها كده وده بسبب انه قواعد الموتور مصممة بطريقة مختلفة عن التويوتا والهوندا وبالمناسبة قواعد الموتور اللى فى السيارة ميتسوبيشى اصلى وليست صينى
العزل فى السيارة بالنسبة له اكثر من رائع
اكتر شئ عجبه الفرامل بصراحة قال لى انها نفس كفاءة المرسيدس ونفس التقنية
الشىء الوحيد السلبى كان رداءة نوع الجلد اللى راكب فى الابواب والقوايم
هو ناوى يظبط لها شوية قطع غيار متسوبيشى وتويوتا وهياخدها معاه من السعودية وان شاء الله لما يبلغنى بقائمة الحاجات دى هابلغها للجميع فى المنتدى لانى هاشترى لنفسى هذه القطع ايضا واخليها احتياطى للسيارة
تقبلوا تحياتى

دى شهادة جودة ونجاح فعلا لكل من يملك ال بى واى دى ... وشكرا لاهتمامك يا دكتور بانك توافينا بالاخبار باستمرار ... وفى انتظار تقرير قطع الغيار الاحتياطية والمهمة ..
ويا ريت الاخوة اللى بيبعتو الالفاظ الخارجة عن الادب ... مايخدوش المواضيع على انها شخصية ... دى مجرد اراء وحوارات عن السيارات ... وكلها حوارات مفيدة وموضوعية جدا ... وليس فيها انحياز لاى ماركة ... يا ريت الناس تهدى نفسها شوية ... وماتزعلش يا دكتور ضرورى يكون دايما فية ناس باستمرار من النوعية دى ... تضايقنا

تمام

المشاركة الأصلية كتبت بواسطة ozama22

دكتور شريف المحترم لاتزعل وحقك علينا احنا وارجوا مواصلة الكتابة عن تقدير ونصائح صديق حضرتك وتقييمة للسيارة مع جزيل الشكر

جزاك الله خيرا ولك كل شكرى وتقديرى