السلام عليكم ورحمة الله وبركاته
عايز اشترى فرن ميكرو ويف ايه احسن الانواع و ف حدود كام و منين و سمعت ان فيه منه بشوايه و شكرا
عرض للطباعة
السلام عليكم ورحمة الله وبركاته
عايز اشترى فرن ميكرو ويف ايه احسن الانواع و ف حدود كام و منين و سمعت ان فيه منه بشوايه و شكرا
متابع
احنا عندنا فالبت ميكرو واف jac كانت أختي جبتو لوالدتي في عيد الأم كان عليه عرض من كارفور ب-200 جنيه
أنا فالأول أول ماشفته قلت دة صيني و أكيد تعبان بس ماشالله بقاله سنتين ماشي زي الفل و درجة التسخين فيه معقولة
بس طبعاً لو عندك إمكانية خش على الحاجات النضيفة زي الشارب ولا السامسونج أعتقد بس دول بيبدأ من 600 جنيه لحد 1500
شوف المقال ده
اليوم السابع | ما هو تأثير المايكرويف على الأطعمة؟
انا عندي سامسونج 42 لتر ب1150 بس جميل جدا صناعه تايلاندي وهو في حد ذاته اختراع جميل جدا وعجيب الميه تغلي في الكبايه وجدار الكبايه بارد!!! وممكن تفك المجمدات في زمن قياسي بدل ماتقعد جمبها تستني بس الشوايه مالهاش اي 30 لازمه وبتسحب كهربا كتير.
هات ألي بيسخن بلاش طبخ عليه أفضل
عندنا أوليمبيك بشواية و تقريبا 42 لتر بقاله كام شهر و كنت جايبه من بى تيك بحوالى 1100 على ما أتذكر و شغال زى الفل و الحمد لله
اللي ب متين دا ميني فرن مش ميكرو ويف
اللي عندي كنت جيباه مش فاكرة ايه ورجعته وجبت lg كان ب 1350
بس كان في ارخص علي حسب السايز
ملحوظة جانبية: انتو متخيلين علشان الميكرو ويف تأثر ف صحة انسان محتاج يتعامل معاها كام سنة؟؟..!!!
منين بقي من معرض اسمه عبد العزيز تقريبا ف ش جانبي من ش النادي الأهلي
هات ميكروييف دايو
كبير كده ومالي مركزه وب 750 جنيه
بعمل فيه كل حاجه حتى بعمل نسكافيه فيه برضو ههههههه
وبيستحمل وتمام وكنت جايبه من شارع عبد العزيز وعليه ضمان سنه وبقالو بتاع سنتين شغال زي القرد
الحقيقة مش عارفة مع احترامي لكلام سعادتك وليكن ما يكون بس هما كتير يعني :dاقتباس:
كام سنه ؟؟؟
سعادتي ؟ !!!!
طيب معاليكي ده مكنش كلامي دي كانت مشاركه عضو تاني انا بسال علشان الاخ شيتوس بيحب يقعد فوقيه
فوقيه؟؟هههههههههههههههههه هههههههههههههه
دخله جوا هينبسط اوي
هههههههههههههههههه
عندي سامسونج بسم الله ماشاء الله 42 لتر 1140
لما بتسخني المكرونه بتبقي زي ماتكوني لسه عاملهه والعشيش من الفريز عليه لسه جي من الفرن
حقيق يستاهل فلوسه
كان في موضوع هنا برضو ناقش الميكرويف والانواع اللي في السوق والاسعار ممكن حضرتك تبحث عليه
الف شكر على كل اللى رد على الموضوع ده و باذن الله حدور على واحد و حقولكم راى فيه اصلى بحب المكرونه الفرن سخنه :Ka_che1[1]:
اولا انا جبت ميكرويف دايو وبعد كام شهر باظ و مش نافع يتصلح فتجربتي مع الدايو هباب
ثانيا كل ما الميكرويف كل ما يكون احسن
ثالثا الميكرويف بالشواية بيتيح تحميص الاكل بالاضافة الي التسخين اما لو فيه كمان فرن كهرباء فده يسمح بطهي اللحوم و الدجاح
ممكن أعرف الفرق فى تسخين الحاجة فى الميكروويف أو تسخينها فى طاسة تيفال على البوتجاز العادى أو فى فرن البوتجاز
انا جايب ال جى 39 لتر
ممتاز
دا لينك بموضوع مشابه كنت عامله من زمان
مساعدة فى الاجهزة المنزلية - :: نــايــل مــوتــورز:: - :: NileMotors.net ::
وبالنسبة لأضرار الميكرويف فقريت عنها في الويكيبديا ومكانش فيه حاجة صريحة بيسببها واغلبها دراسات مش مؤكدة لسه ولو كان فيها مشاكل كانت منظمة الغذاء قالت كده
دا بالنسبة لو حتستخدمه في التسخين
لكن لو حتستخدمه في الطبخ فمعرفش كلام اليوم الساقع ايه مصدره يعني كان المفروض تكتب مصدر كلامها
لكن ليا واحد صاحبي بيطبخ الأكل فيه وبدراستي عليه ملاحظتش عليه اي نوع من العته او الغباء :)
الحجم مش بيفرق كتير
انا معايا الشارب 22 لتر بحوالي 680 جنيه "بعد الثورة"
فرقه عن ال 34 لتر حوالي 3 سم في الطول بس
--------------
مدام انتا عاوز تسخين يبقي معظم الاحجام مش هاتفرق معاك
بس اهم حاجة هات مراكة معروفة في انتاج الاجهزة الكهربائية
lg
samsung
sharp
كدا مثلا
اتاكد ان جدار المايكرويف من جوا كله شبة بعضه وكله من السيراميك علشان توزيع الحرارة
وربنا يكرمك
انا عندى سامسونج بس معرفش كام لتر بالظبط بصراحه بس هو كان فى حدود 700 جنيه تقريبا بص يا باشا انا بطلع العيش من الفريزر واحطه فيه بالظبط 30 ثانيه ويطلع العيش كانك جايبه لسه من الفرن حالا ويا سلام بقى لو حطيط عليه جبنه رومى يانهار بيسيح الرومى على العيش ويطلعلك كانه بيتزا طعمه حكايه بصراحه طبعا تسخين الاكل فيه ميتحكيش عليه تحفه بيتزات او فطير او كيكه بس مبسخنش فيه الطبيخ او الحاجات المطبوخه عموما جربت مره سخنت فيه المحشى كان تحفه وجربت مره سخنت فيه طبيخ تانى مش فاكر ايه بس مكانش جامد فبطلت تسخين الحاجات اللبخ فيه مره جربت الفراخ الكوكى دى اللى بتتحمر فى الزيت فيه علشان يسخنها من غير زيت طلعت اى كلام تقريبا لازم زيت ليها مينفعش علشان هيا بتكون نص مقليه مجربتش فيه موضوع نسكافيه او شاى وحاجات من دى بصراحه بس بصراحه انا نفسى اعرف استخدامات الاخرى ايه علشان انا بطيخه خالص وعايش لوحدى وبلبخ فى موضوع الاكل دا
عندنا شارب مش عارف كام لتر بس هو مش كبير اوي كان ب 800 جنيه من 4 شهور تقريبا
ال انا مش قادر افهمه بقى الميكرويف دا هياذيني ازاي ؟؟؟؟؟؟
هو انا ال هتطبخ و لا الاكل
عندنا LG Intellowave 26L وشغال تمااااام وبالنسبة لسعرة مش فاااكر ..
في الشارب 38 لتر تمام اوي وعملي جدا وجبته بحوالب 930 جندي من حوالي سنه
وبسم الله ما شاء الله تحفه بمعني الكلمه وال lg تحفه هو كمان وشياكه اوي الاستانلس بتاعه
تحت امر حضرتك .. لأ من غير شوااية ... و شغالين بية طبخ وتسخين عاااادى .اقتباس:
الف شكر يا باشا طيب النوع ده فيه شوايه