مشكلة بالبطارية ياريت مساعدة

**tito29** · 18-05-2011 03:57 PM

المشاركة الأصلية كتبت بواسطة tafa17

فعلا يا جماعة العيب طلع من البطارية
وانا اكتشفت كهربائي بايك تحفة بعد العباسية
ولقيت عنده بايكات كتير هوندا
وانتا ماشي في شارع لطفي السيد بعد ميدان العباسية وانتا رايح علي غمرة تعدي مستشفي الدمرداش وبعدين تخش تالت شمال في الشارع الواسع وهاتلاقي الشارع نازل بيك وتفضل ماسك شمال لغاية لما تلاقي سور كنيسة خلي السور علي ايدك الشمال وامش قدام شوية هاتلاقي علي ايدك الشمال محل صغير ده بتاع كهربائي موتوسيكلات وغالبا الراجل ده مشهور
وفك ضفيرة كهربا من عندي وجاب جهاز قاس بيه البايك وهو شغال و بعد كده والنور شغال وندوس بنزين وفي الاخر طلع الموضوع كله الحمد لله سليم فيما عدا البطارية قالي لازم تركب حاجة نضيفة بلاش الصيني ونصحني ببطارية توب لاين تايلاندي عند واحد اسمه شاهين ب حوالي 260 وسألت عليها في مدينة نصر واحد قالي ب 300 والتناي قالي ب 370
ورحت عند تامركو بالليل اللي في جسر السويس ناحية مصر الجديدة وسألت علي بطارية كويسة ولقيت عنده نوع امريكي ب 360 جنيه
فأنا مش عارف دلوقت اجيب التايلاندي ب 260 ولا الامريكي ب 360
والحمد لله ان العيب اتشخص في البطارية مش حاجة تانية
وده درس اتعلمت منه ان الحاجت الهارد وورك محتاحة حاجة نظيفة وغالية ماتكونش صيني ابعد عن الصيني خالص علشان انا اتعذبت في زق البايك وكان شكلي وحش قوي

بصراحة أنا مجرب الأميركي أللي عند تامركو و هي أكتر من رائعة و هي فعلا بحوالي 360 جنيه بس بصراحة حلال فيها الفلوس
المهم تستحمل المعاملة أللي بتشوفها عنده علشان أنا مش بحب أن حد يعاملني زي ما أكون رايح أشحت منه
أنما البطارية لا غبار عليها أبدا

**tafa17** · 18-05-2011 04:28 PM

المشاركة الأصلية كتبت بواسطة tito29

بصراحة أنا مجرب الأميركي أللي عند تامركو و هي أكتر من رائعة و هي فعلا بحوالي 360 جنيه بس بصراحة حلال فيها الفلوس
المهم تستحمل المعاملة أللي بتشوفها عنده علشان أنا مش بحب أن حد يعاملني زي ما أكون رايح أشحت منه
أنما البطارية لا غبار عليها أبدا

خلاص انتا هاتخليني اجيب الامريكي بصراحة انا كنت متذبذب
بس رأيك افادني كثيرا
وان شاء الله هاروح اجيبها النهاردة
وربنا يعيني علي المعاملة بتاعة تامركو
بس بصراحة كلمة حق هو (ساعات ساعات )ساعات يبقي كويس وساعات يبقي غريب بس متهيألي هو طبعه كده
وشكرا لسرعة ردك وقولي بقي انتا راكب بايك ايه ؟

**tito29** · 18-05-2011 04:45 PM

المشاركة الأصلية كتبت بواسطة tafa17

خلاص انتا هاتخليني اجيب الامريكي بصراحة انا كنت متذبذب
بس رأيك افادني كثيرا
وان شاء الله هاروح اجيبها النهاردة
وربنا يعيني علي المعاملة بتاعة تامركو
بس بصراحة كلمة حق هو (ساعات ساعات )ساعات يبقي كويس وساعات يبقي غريب بس متهيألي هو طبعه كده
وشكرا لسرعة ردك وقولي بقي انتا راكب بايك ايه ؟

مبروك مقدما يا باشا و ربنا يكرمك و يجعلها نهاية عذاب الزق

بص يا سيدي أنا بركب موتوسيكلات من سنة 1986 يعني حوالي 25سنة تصدق دي ؟
ركبت من أول البيبي هوندا ال50 سي سي و بعدها ركبت سي بي أن 400 (كانت 2 سلندر تبريد هواء) و بعدها غيرت كتير جدا جدا
أقوي حاجة كانت معايا كانت ياماها 1100 أف زد أر جينيسيس و دي كانت موديل 1990 علي ما أتذكر
المهم فضلت عندي ياماها تانية تريلا 250 من سنة 1993 و حتي الأن بس روكوبي كان قليل جدا
حتي السنة أللي فاتت أشتريت موتوسيكل صيني 250 سي سي كان الهدف منه أختبار هل من الممكن أني أركب موتوسيكل تاني بعد سن الأربعين؟
و أكتشفت الحقيقة المرة و هي أني لسه بأموت فيه و بأنتظر اللحظة أللي أروح من الشغل علشان بعد ما أروح أطلع الموتوسيكل من الجراج و أخرج بيه
و طبعا العملية سخنت معايا جامد و بأدور حاليا علي شادو 750 بحالة ممتازة
كنت ناوي أجيب vtx 1300 بس لاقيت سعره فوق الخمسين ألف و الميزانية المخصصة للموضوع ده حوالي 32 ألف لذلك قررت أشتري شادو 750 أميركان كلاسيك أيديشن أن شاء ألله و ربنا يسهل يمكن النهارده أشوف واحدة بيضاء في مصر الجديدة يا مسهل و تطلع حالتها كويسة
دعواتكم ربنا يوفقني في شادو نظيف

**yascro** · 18-05-2011 05:25 PM

المشاركة الأصلية كتبت بواسطة yascro

المشكله ف البطاريه الصينى الموتوسيكل بتاعك كبير ولاومه بطاريه امبيرها عالى زى اللى كانت راكبه فيه
وقبل اى حاجه حاول تجرب بطاريه تانيه من عند الميكانيكى
جايز العيب ف دايره الشحن

صدقت كلامى

**yascro** · 18-05-2011 05:34 PM

المشاركة الأصلية كتبت بواسطة tafa17

الله ينور عليك فينك من زمان شكلك كده مش بتخش علي المنتدي كتير مع ملاحظة ان عندك خبرة كويسة وشكرا لأهتمامك وسألت الكهربائي علي الركتفاير او الاوكتفاير قالي تمام كذلك الدينامو وبلاطة الشحن وقالي تمام المشكلة بطارية

وانا كنت سالت لك على سعر الركتفاير عشان لا قدر الله لو احتاجته بس مردتش اعمل مشاركه الا لما اتاكد
ان العيب منه

**tafa17** · 19-05-2011 12:41 AM

المشاركة الأصلية كتبت بواسطة yascro

صدقت كلامى

هو انت كنت فاكر اني مش مصدق كلامك ؟؟؟؟
لا والله انا اقتنعت جدا بكلامك واستفدت كتير ويكفي المعلومة حتي لو مش عيب عندي
انا طول عمري اعرف دينامو بس ايام العربيات لكن بلاطة الشحن والركتفاير اول مرة اسمع عنهم وبقيت اتمنظر علي 2 صحاب معاهم موتوسيكلات شادو لسه جداد في الركوب واقولهم بلاطة الشحن والركتفاير طبعا انا مش فاهم لغاية دلوقت ايه الركتفاير وبيعمل ايه وايه فايدته ومكانه فين بس اهي معلومة هامة

انا متابع مواضيعك جدا ومعجب بسرعة ردك

**tafa17** · 19-05-2011 12:48 AM

المشاركة الأصلية كتبت بواسطة tito29

مبروك مقدما يا باشا و ربنا يكرمك و يجعلها نهاية عذاب الزق

بص يا سيدي أنا بركب موتوسيكلات من سنة 1986 يعني حوالي 25سنة تصدق دي ؟
ركبت من أول البيبي هوندا ال50 سي سي و بعدها ركبت سي بي أن 400 (كانت 2 سلندر تبريد هواء) و بعدها غيرت كتير جدا جدا
أقوي حاجة كانت معايا كانت ياماها 1100 أف زد أر جينيسيس و دي كانت موديل 1990 علي ما أتذكر
المهم فضلت عندي ياماها تانية تريلا 250 من سنة 1993 و حتي الأن بس روكوبي كان قليل جدا
حتي السنة أللي فاتت أشتريت موتوسيكل صيني 250 سي سي كان الهدف منه أختبار هل من الممكن أني أركب موتوسيكل تاني بعد سن الأربعين؟
و أكتشفت الحقيقة المرة و هي أني لسه بأموت فيه و بأنتظر اللحظة أللي أروح من الشغل علشان بعد ما أروح أطلع الموتوسيكل من الجراج و أخرج بيه
و طبعا العملية سخنت معايا جامد و بأدور حاليا علي شادو 750 بحالة ممتازة
كنت ناوي أجيب vtx 1300 بس لاقيت سعره فوق الخمسين ألف و الميزانية المخصصة للموضوع ده حوالي 32 ألف لذلك قررت أشتري شادو 750 أميركان كلاسيك أيديشن أن شاء ألله و ربنا يسهل يمكن النهارده أشوف واحدة بيضاء في مصر الجديدة يا مسهل و تطلع حالتها كويسة
دعواتكم ربنا يوفقني في شادو نظيف

يا رب توفق وتشتري واحد شادو 750 والسعر ده ممكن يجيب لحضرتك كورونا مش جنزير متهيألي
واكيد طبعا حضرتك عارف معارض كتير ما شاء الله
ولو عايز ؟ انا اعرف كام معرض في مدينة نصر والشيراتون
علشان كنت بجيب لواحد صاحبي وتقريبا لفيت كل معارض مصر الجديدة والشيراتون ومدينة نصر
وطبعا رحت عند احمد فهمي وفي واحد شفت معاه شادو 750 حالته حلوة بحوالي 27000 او 26000 موديل 2000 او 2002 كان بيبيعه من اسبوع لو حضرتك عايز انا ممكن اديلك رقمه وه ساكن عند مديرية امن الجيزة كان عايز يبيع ويجيب vtx 1300وفي النهاية انا سعيد بالتعرف علي حضرتم وماتحرمناش من وجودك في المنتدي لأكتساب خبرات من حضرتك
واديك شايف اهو نزلت جبت البطارية وجربتها من كلامك عليها والحمد لله تمام
بطارية نظيفة وتقيلة اتقل من الصيني و معاها المسامير والصواميل بتوعها والميه بتاعتها والحمد لله زي الفل

**tafa17** · 19-05-2011 12:57 AM

المشاركة الأصلية كتبت بواسطة yascro

المشكله ف البطاريه الصينى الموتوسيكل بتاعك كبير ولاومه بطاريه امبيرها عالى زى اللى كانت راكبه فيه
وقبل اى حاجه حاول تجرب بطاريه تانيه من عند الميكانيكى
جايز العيب ف دايره الشحن

انتا اول واحد يرد عليا و يشخص الحالة انها بطارية

نقول يا دكتور ولا نقول يا باشمهندس
yascro

**johnghaly** · 19-05-2011 10:50 AM

خبره خبره يا دياب

**tito29** · 19-05-2011 11:13 AM

المشاركة الأصلية كتبت بواسطة tafa17

يا رب توفق وتشتري واحد شادو 750 والسعر ده ممكن يجيب لحضرتك كورونا مش جنزير متهيألي
واكيد طبعا حضرتك عارف معارض كتير ما شاء الله
ولو عايز ؟ انا اعرف كام معرض في مدينة نصر والشيراتون
علشان كنت بجيب لواحد صاحبي وتقريبا لفيت كل معارض مصر الجديدة والشيراتون ومدينة نصر
وطبعا رحت عند احمد فهمي وفي واحد شفت معاه شادو 750 حالته حلوة بحوالي 27000 او 26000 موديل 2000 او 2002 كان بيبيعه من اسبوع لو حضرتك عايز انا ممكن اديلك رقمه وه ساكن عند مديرية امن الجيزة كان عايز يبيع ويجيب vtx 1300وفي النهاية انا سعيد بالتعرف علي حضرتم وماتحرمناش من وجودك في المنتدي لأكتساب خبرات من حضرتك
واديك شايف اهو نزلت جبت البطارية وجربتها من كلامك عليها والحمد لله تمام
بطارية نظيفة وتقيلة اتقل من الصيني و معاها المسامير والصواميل بتوعها والميه بتاعتها والحمد لله زي الفل

أولا ألف مبروك علي البطارية
ثانيا هو تامركو تعامل معاك أزاي؟
ثالثا حأحاول أكون متواجد دائما أن شاء ألله طول ما أنا في مصر بس لو غبت كام يوم حابقي أكيد مسافر لأني بسافر بره كتير لظروف الشغل
رابعا يبقي كتر خيرك لو تديني رقم تليفون الأخ أللي عنده شادو 750 و عايز يبيعها

أنا يسعدني كثيرا التعرف علي حضرتك و علي جميع الأعضاء المحترمين و أخص بالذكر الأستاذ yascro بصراحة متعاون و خدوم و مثال رائع المفروض كلنا نعمل زيه و نساعد بعض
تعرف أنا متابع المنتدي من زمان بس كنت بأخاف أشارك علشان بأخاف حد يزعل مني أو من رائي في بعض المواضيع بس أنا تشجعت من مشاركات yascro قررت أني أشارك و أفيد الأعضاء و أستفاد أنا كمان من خبراتكم و أرائكم و ربنا يديم المعروف دائما