في دكتور هنا يلحقني

**mohamed_88sk** · 21-04-2008 01:48 AM

يا جماعة أنا ملاحظ أن شعر راسي بيتساقط من فترة ده أنا بشوف صوري القديمه اللي أتصورتها من سنه و سناتين لحد 5 سنين أفاجأ بأن مساحة من شعري في الباي باي
ومن فترة ملاحظ أنه بيقع بشكل غريب حالا لسه كنت باخد شاور لاقيته بيقع بأستهبال وبدأ أماكن في الفروه تبان قوي ده غير الحتتين اللي في الجانب دول سرحوا ..
دانا لسه 20 سنه
كنت بحط جيل بطلته خاللللللللللللللللص من أسبوع
قالولي حط فازلين طبي جبته وحطيطه بيدي لمعه وشكل حلو لشعري وعاجبني بس حعمل ايه باللمعه والشكل من غير شعر
مش عارف أضحك ولا أبكي بجد
ياريت لو تعرفوا أي حاجه تساعد قولولي
لو في حتى زراعه شعر أزرع ده كمان أزرع وأحصد وأجني كمان
أنا بقالي سناتين وشويه نضطرب عصبيا ومتنرفز دايما فيمكن بسبب كده ده غير أن جدودي الأتنين الجانب عندهم سارح شويه
_____________________________
أعذروني عالفزعه دي بس بجد قلقان

**elayat** · 21-04-2008 01:52 AM

بس متتخضش أوى كده
إلحق نفسك بسرعة وروح عند أخصائى أمراض جلدية
بس لو كان فى حد قرابة درجة أولى عنده نفس أعراضك(يعنى لو مكانتش وراثة) يبقى وفر فلوسك أحسن

**Nile_Storm** · 21-04-2008 01:53 AM

روح لدكتور جلديه افضل
ممكن تكون وراثه زي ماقلت وومكن يكون حاجه بسيطه تلحق تتعالج
هوا ساعتها هيشوف و يقرر و يقررلك العلاج عشان ممكن لو خدت علاج من نفسك كده يعملك حساسيه
و الف سلامه

**mohamed_88sk** · 21-04-2008 01:54 AM

هو والدي شعره مظبوط مفيش مشاكل المشكله في جدي والد أبويا كان الله يرحمه سرحا جامد
ووالد أمي الله يرحمه كانت على خفيف

**mohamed_88sk** · 21-04-2008 01:56 AM

الله يسلمك
ربنا يستر بجد أنا دماغي بتلف من فترة وقلت خير وقلت لو حيحصل حاجه حتكون بسيطه ومجرد تسرح شويه من الجانب بس
دلوقتي بجد أستغربت لقيت شعر كمية غريبة بتقع
ربنا يستر
شاكر ليكم جدا

**Chicco** · 21-04-2008 02:11 AM

بص يا سيدي لو ده الصلع الوراثي يبقى تسأل جدك لوالدتك أو حد من خيلانك لأن إلجين المسئول عن الصلع بيبقى على ال-x كروموسوم ....يعني بييجي من ناحية الام
لو لا قدر الله فيه مشكلة هي اللي مسببه اللي بيحصل يبقى لازم تروح لدكتور جلدية يشخص و يعالج الحالة ديه .....و ممكن كمان يديك علاج يأخر أو يوقف الصلع الوراثي شوية .....أي خدمة :)

**Dr_Smart** · 21-04-2008 02:12 AM

دي حاجه عادية في الرجالة عشان التستوستيرون ( هرمون الذكورة )

ده غير بقى العوامل الوراثية

في مستحضرات لموضوع التساقط ده بس مكلفه جدا ولو وقفت العلاج هترجع تاني

وفيه جلسات عند دكاترة الجلدية بس مكلفه برضو

الاحسن انك تشيل الموضوع من دماغك ...

فيه بس كبسولات ممكن تاخدها وشوف انت اتحسنت ولا مفيش نتيجة اسمها

for hair and nail عبارة عن شوية فيتامينات ومعادن بتفيد الشعر
وفيه كريم اسمه rootage كويس

بس هتستخدمهم لإمتى ؟ بص خدهم شهرين تلاتة ووقف وانت وحظك

وماتشغلش بالك بالموضوع لانه في الرجاااالة مالوش حل ولا له لازمة نفكر فيه

ولو فيه قشرة برضو عالجها ممكن تبقى سبب لتساقط الشعر

و الافضل طبعا انك تاخد رأي طبيب الجلدية عشان لو فيه اي سبب مرضي محتاج علاج نتطمن

**mohamed_88sk** · 21-04-2008 02:18 AM

مظبوط يا chicco أنا فاهم حكاية كروموسومات الوراثة دي والحامله للمرض ..
بس عشان كده مكنتش حاطط في بالي (لحد ما لاحظت الكميه دي أول مرة كده)

ـــــــــــــــــــــــــ ـــــــــــــــــــــــــ ـــــــــــــ
مفهوم يا دكتور أحمدdr_smart
هو القشرة لأ الحمد لله ولو بيكون في بتكون بسيطه وبتروح (أصل دايما بستعمل head n sholders) فمفيش فرصة تظهر
_________________
ربنا يسهل حروح بكرة لأي دكتور أتكعبل فيه وربنا يستر ...

**mohamed_88sk** · 21-04-2008 02:20 AM

أنا بس يا dr_smart اللي قالقني أني لسه 20 سنه يعني لسه بدري في أعتقادي الكلام ده
لكن أنا برضى والحمد لله بقسمة ربنا

**Nile_Storm** · 21-04-2008 02:25 AM

لا 20 سنه عادي جدا

و اظن انه فعلا وراثي
متحطوش في دكاغك كتير او اعمل زي واحد زميلنا في الكليه جاله فراح عامل راسه زيرو و لبس الايس كاب و مروش نفسه علي الاخر
جت معاه مصلحه :) :) :)

الموضوع: في دكتور هنا يلحقني

LinkBack

أدوات الموضوع

عرض

في دكتور هنا يلحقني - انشر الموضوع فى :

-

-

-

-

-

-

المواضيع المتشابهه

حد يلحقني يا جدعان

حد يلحقني

حد يلحقني بسرررررررررعة

حد يلحقني

حد يلحقني

الكلمات الدلالية لهذا الموضوع

المفضلات

المفضلات

ضوابط المشاركة