تسلم إيدك على التقرير ، وأحيى فيك موضوعيتك .
وإن شاء الله تغيرها وتركب اللى أحسن منها .
وبالتوفيق
رقم العضوية : 4801
تاريخ التسجيل : 23Jan2008
المشاركات : 490
النوع : ذكر
الاقامة : Cairo
السيارة: n/a
السيارة[2]: Optra
دراجة بخارية: لا
الحالة :
تقريري عن سيارتي الاوبترا بعد 40 ألف كيلو: العربية منوال موديل 2009
بشكل عام العربية ظريفة من جانب الإعتمادية و تكلفة الصيانة الدورية.و من وجهة نظري دي من أهم الحاجات المطلوبة في العربية في بلدنا العزيز. أنا هركز أكتر على الحاجات اللي عجباني قوي في العربية أو الحاجات إلي مش عجباني خالص.
اللي عاجبني:
1-البنزين: الحمد لله إستهلاك البنزين اتحسن كتير عن الأول، دلوقتي بتعمل في المتوسط 11 لتر لكل 100km. و علشان باخد الدايري كل يوم فبتعمل تقريباً 12.5 لتر لكل 100km
2-صوت اللوك: لما تقفل العربية بالريموت بتعمل صوت معين تفهم منه إن كل الأبواب مقفولة، و لو مسمعتش الصوت دة تفهم إن فيه باب مفتوح أو ممكن الشنطة تبقى مفتوحة و إنت مش واخد بالك. الموضوع دة مفيد و مهم جداً لو في باب مش مقفول كويس أو الشنطة مش مقفولة كويس.
3-الشد بعد ال-100: فيها حاجة جميلة جداً، بعد سرعة 100, تحاول تزود تلاقي العربية بتجيب معاك عادي، مش بحس انها بتزود بصعوبة أو بالعافية. كمان بعد 3000rmp هتلاحظ تسارع مختلف و عالي، و دة مفيد جداً فى المواقف المفاجأة لما بكون عايز أعدي من عربية قدامي بسرعة تفادياً لحادثة ممكن تحصل. و أعتقد دة بسبب إن الماتور بيجمع عند 3800rpm المكسيموم اللي هو 150 نيوتن متر. الميزة ده مش موجودة في عربيات كتير فى السوق
4- التكيف: الحمد لله مازال التكييف بحالته الأولى التكييف ممتاز وبيبرد الجو فى وقت قليل وعلى أقل سرعة للمروحة بكفاءة عالية. طبعا لما بفتحه بيأثر على أداء التسارع، بس مع الاستعمال الكثير هتتكيف مع المشكلة دى وهتتعود عليها. المشكلة الوحيدة اللى واجهتنى هى ان خرطوم الكومبريسور كان بيسرب فريون لغاية لما التكييف بطل يسقع خالص وده غيرته فى الضمان ورجع التكييف زى الفل الحمد لله.
5- الشنطة: بصراحة مش بشيل هم خالص أحط فيها ايه. يعنى جربت فى مواقف كثيرة أشيل حاجات كثير بأحجام كبيرة والحمد لله الشنطة كانت كافية بسهولة. مع امكانية طى المقاعد الخلفية كلها، الحاجات الطويلة بشيلها فى العربية ومش بشيل همها.
اللى مش عاجبنى:
1- الكاسيت: صوته ضعيف جدا وبحس انى مهما بعلى الصوت مبتفرقش.. مفش فايدة. طبعا لو انت فاتح الشباك هتلاقى ان صوت الكاسيت ضايع خالص. أنا بقول كدة علشان جربت عربيات تانية وبكون فاتح الشباك ومفيش مشكلة فى الصوت خالص.. انما فى الاوبترا الموضوع ده ضايع.
2- ABS: مشكلة كبيرة جدا ان العربية مفيهاش ABS لان الفرامل بتاعة العربية سيئة جدا وكان لازم يكون فيها ABS. فى المواقف الخطرة والمفاجئة لازم تكارك. ودى من أكتر الحاجات اللى خنقانى فى العربية.
3- صوت الماتور بعد ال-100: بعد ال100 صوت الماتور بيبقى فظيع وهتحس بيه قوى لو انت قافل الازاز كله. هتحس انك قاعد فى اوضه مقفوله ومشغل موتور جنب ودانك على الاخر. بيعمل ازعاج فظيع. فالمشكلة انك لو على طريق سفر او حاجة وماشى فوق ال100 طبعا بتحس انك بتتعذب مش بتسوق.
4- الدركسيون: كذا حد كلمنى ان فى مشكلة فى الدريكسيون وانا مكنتش حاسس بيها. بس فى أخر ٥٠٠٠ بدأت احس بمشكلة مع السرعات العالية، المشكلة ان الدريكسيون مش تقيل على السرعات العالية. فساعات بيعمل حركات بسيطة عشوائية يمين او شمال وتحس انك مش متحكم ١٠٠٪ فى الاتجاهات. لما اروح التوكيل المرة الجاية هسألهم على الموضوع ده وهشوف هيقولوا ايه.
اللى عايز اقوله فى الاخر ان المشاكل فى العربية من وجهة نظرى خطيرة جدا ولذلك انا بفكر جديا فى تغيير العربية. وبفكر فى عربية يابانى او اوروبى لأنى مش شايف ان العربيات الكورى هتختلف كتير عن بعضها. ولذلك بفكر فى الرينو ميجان 3 او الفورد فوكس. وفى النهاية اتمنى التقرير ده يعجبكوا ويكون مفيد للناس اللى بتفكر تشترى العربية او حتى اللى عنده العربية.
رقم العضوية : 72510
تاريخ التسجيل : 07Jun2010
المشاركات : 1,099
النوع : ذكر
الاقامة : Heliopolis , Cairo
السيارة: Hyundai Excel F/O 1995 ( سابقاً )
السيارة[2]: Chevrolet Optra A/T 2O1O
دراجة بخارية: لا يوجد
الحالة :
تسلم إيدك على التقرير ، وأحيى فيك موضوعيتك .
وإن شاء الله تغيرها وتركب اللى أحسن منها .
وبالتوفيق
[aldl]http://gickr.com/results4/anim_0675d9fb-c34e-5d84-7196-792232bbcc75.gif[/aldl]
رقم العضوية : 83353
تاريخ التسجيل : 12Dec2010
المشاركات : 1,579
النوع : ذكر
الاقامة : cairo
السيارة: OPTRA 2011 M/T
السيارة[2]: wv cc 2013
دراجة بخارية: لا
الحالة :
تقرير زى الفل ياباشا وربنا يكرمك ان شاء الله للاحسن
وبالتوفيق ف الاختيار السليم
المفضلات