حد جرب يلحم الكاوتش عند بريدجستون
انا اتكلمت مع المهندس فى فرع المنيل وقالى على اللحام الامريكى عبارة عن خابور خارجى ورقعة من الداخل
بس انا خفت من موضوع الخابور دة على شبكة السلك الداخلى للكاوتش
حد عندة خبرة او تجربة سابقة فى الموضوع دة
عرض للطباعة
حد جرب يلحم الكاوتش عند بريدجستون
انا اتكلمت مع المهندس فى فرع المنيل وقالى على اللحام الامريكى عبارة عن خابور خارجى ورقعة من الداخل
بس انا خفت من موضوع الخابور دة على شبكة السلك الداخلى للكاوتش
حد عندة خبرة او تجربة سابقة فى الموضوع دة
أنا عملته قبل كده عندهم وبصراحة كويس جدا ومفيش منه أي تسريب وهو كذا طبقة فوق بعض وفيه سلك في النص
وفضل تمام لحد ما الكاوتشة إتغيرت خالص وهو تمام
انت ممكن تطلب منهم لحام رقعة فقط من غير خابور هما بيعملوا اي حاجة انت تقول عليها وانضف بكتير من بتوع الكاوتش العاديين كفاية انهم ناس دارسين مابيشغلوهاش فهلوة
ما فيش مشكله من لحام الخابور طالما هايتعمل صح مش زي ما بنشوف بإستخدام العافيه في المحطه و طالما المهندس قال خبور يبقي اللحام يستاهل خبور علشان الأمان
ماهى دى المشكلة انت تضمن منين ان اللى يضرب الخابور اولا هايكون فاهم او يعمله فى مكان غلط انا كنت بشوف الراجل يحطه على طول ويدق عليه لغاية ما ينزل تحت وبعد كده يشد الحديدة وطبعا مش فارق معاه ان يعملها صح والا لا يقولم ماهو الخرم هنا هاعملها فين يعنى بس بصراحة فعلا الجماعة اللى فى بريدجيستون فاهمين موضوع الخابور انامقتنع انه مش ذنب اللى بيعمله لانه فى اى مكان مخروم فيه هايحط الخابور
بريدجستون عندهم خوابير ؟ ولا قصدك ع التيب توب هو يشبة طريقة الخابور شويا !
اول حاجة تبوظ و تشقق الكاوتش هو الخابور .... حيقولك امريكى المانى يابانى يبقى الخابور خابورا اسما على مسمى !
دة بكام اللحام عندهم
د/ أحمد شهدى
طبيب وجراح الفم والأسنان
لو هو اللى بيحطة على خازوق و يدخلة بعنف شديد بحيث يخزق بية اسلاك الكاوتش المعدنية يبقى خابور يا يوكو !! مفيش احسن من اللحام الداخلى
ﻷ مش هو ده ليه سمك معين وعبارة عن كذا طبقة وفيه سلك من النص بيخرم على قدة بشنيور ويحطه وأخره عامل زي اللحام الداخلي وعريض بحيث إنه يمنع أي مشاكل (شبه المسمار بس كاوتش وكبير) وبعد ما يركبه بيقص الطول الزيادة
مش عارف أوصلك عامل إزاي
هو كده
http://www.engnetglobal.com/images/s...yre-repair.gif
لحام التيب توب الحام ده من ساعة ماعرفته وانا لما العجل يتخرم اجري عليهم والحام ده من الاخر وديما بروح المركز الي في اخر عباس العقاد عند بنزينت كالتكس
مؤذى برضة :((( ماله اللحام الداخلى ؟؟؟!
السلام عليكم .. أفضل لحامات عن تجربة اللحام المكوة عبارة عن رقعة كده مربعة الشكل بتتحط جوه الكاوتش ويتم لزقها من جوه بمادة معينة بحيث تطبع على مكان الخرم عشان ماينفس منه هوا تانى أنا عملت اللحام ده عند واحد بتاع كاوتش فى شارع أحمد فخرى فى مدينة نصر و اتكلف 8 جنيه وبصراحة حلو أنا قولت أقولكم تجربتى ..
انا استخدمت لحام الميني كومبي الالماني الموجود عند Fit&Fix (توكيل بريدج ستون) مرتين وهو لحام ممتاز جدا جدا وعن تجربة
سن الشنيور بيكون فيه منه مقاسات على حجم القب او بمعنى اصح حجم المسمار اللي قام بعمل الزيارة في كاوتش حضرتك
دي مشاركة للمهندس نجاد (رئيس فرع في توكيل بردج ستون)
انا مش عارف الناس هتكرهني في الخوابير ليه...
مبديا في السعوديه مفيش عندهم غير الخوابير والناس كلها بتحطها والكل عارف حرارة السعوديه والسرعات العاليه اللي بيمشو بيها ومفيش مشاكل
هنا انا رحت لبريدجستون وللاسف ملقتش عندهم لحامات اطلاقا وبقالهم في فرع عمارات العبور اكتر من تلات شهور معندهمش لحامات
ياترى هستناهم قد ايه عشان ألحم كاوتش بلحام كويس
فضلت مستني لحد اما كاوتش تاني كمان جاله مسمار وبكده مينفعش امشي
ورحت وعملت الخوابير في 5 دقايق وانا اساسا عندي خوابير وماشي عليهم لحد دلوقتي اكتر من 16 ألف كيلو منهم سفر والموضوع مفيهوش الهوا...
اعتقد ان الموضوع معتمد على مكان الخابور وعلى حجم المسمار اللي دخل في الفرده...
لحام المكوه بياخد وقت وبتحتاج ترصص الفرده بعد اما تعمله
وكفايه ان الخابور ممكن تشتريه وتعمله بنفسك بفهمك وعقلك ويسعفك
ماعلينا حبيت انوه بس مش اكتر
تحياتي
بكام لحام الخرم فى بريدجستون
وهل موجود اللحام فى فرع عمارات العبور
وشكرا
انا عامل تيب توب في بريدجستون ب 20 جنيه و الحمد لله زي الفل. زي ما يوكو قال بيوسع الخرم بشنيور بمقاس معين و بعدين يحط التيب توب و على فكره اللحام بيسيح و بيبفى كاوتش مطاط.
اللحام دلوقتي بقي 25 !
بس دة كتير يعنى كام خرم وتبقى ثمن فردة كاوتش جديدة
هو دة اكيد حلو بالنسبة للكاوتش الغالى
اكيد انا اكاوتش عندي ب 640 جنيه
انا بقا عامل لحام كاوتش سريع ب 5 جنيه :lol:
اللي هو لحام على البارد
بتاع الكاوتش قلي بلاش خوابير عشان غلط
قلي واللحام عالساخن ممكن يبوظ الكاوتشة ويخنها منك فخلينا في اللحام على البارد أأمن حاجة
فعملهالي عالبارد ونفخهالي نيتروجين وكل دا ب 5 جنيه :D
نداء للاخ اللي كاتب الموضوع انك تكلم المهندس بتاع فرع المنيل على ان يكلم رؤساءه في الشركة انهم يفتحوا فرع عندنا في الصعيد في محافظة قنا لاننا بنعاني من الصنايعية اللي مش فاهمين اي شيء كله (عك وربك يفك ) ياريت يفتحوا فرع عندنا وانشاء الله بجد هايعمل شغل معاهم كويس جدا لاني اولا مفيش فرع لاي شركة كاوتش سيارات في قنا ولا صيانة وخدمة مابعد البيع وثانيا قنا فيها كم عربيات مش معقول لانه بتخدم مساحة كبيرة من المحافظة