أزمة سولار و 80

**Ahmed_Ramadan** · 15-05-2011 06:36 PM

المشاركة الأصلية كتبت بواسطة sasa3

اولا هما مش واخدينه بثمن مدعم ولا حاجه
دول واخدينه ببلاش و عليهم قوافل مساعدات انسانيه

انت لو مكانهم مش كان هيبقى نفسك فى اى حاجه من اى بلد علاشن تجيبلك طاقه

و لو البلاد العربيه منتجه مكانتش بتدى لو هما وحشين يا سيدى احنا نبقا زيهم ؟؟؟

أيوه واحد عنده بير بترول بتاعه و بيديهم و لا هما راحو ملو من بنزينة و كل السولار اللى فى البنزينات اللى فى مصر مدعم ؟؟!!

أنا لو مكانهم مش أول ما تقوم ثورة فى مصر أتفق مع البدو إن إحنا نهاجم و نكسر السجون عاشان نهرب الناس بتوعنا و بالمرة المجرمين يهربوا

اللى يحتاجه البيت يحرم على الجامع

**ابو حسين** · 15-05-2011 07:20 PM

ربنا يستر

**dr.hazem** · 15-05-2011 08:28 PM

انا بقالي ملاحظ الموضوع تلات ايام
انا ساكن في النزهة الجديده
اولا
محطة كالتكس اللي على ناصية شارع السباعي (مدخل النزهة من جسر السويس) عندهم سولار وبسببها مقفول جسر السويس واللي عايز يخرج من السباعي...

محطة وطنيه اللي عالناحية التانيه قبل حديقة بدر علطول مفيهاش 80 من تلات ايام والسولار كان عندهم طوابير بالعبيييييييييييط لحد النهارده
النهارده بح معندهمش ولا سولار ولا 80

محطة التعاون اللي في المطار اللي عمرها مبتخلى من بنزين 80 بح مفيهاش ومش هيجيلهم

الله المستعان
كع ياللي معاك تكع وربنا يعين الجميع وربنا يسترها من سواقين الميكروباص لحسن يغلو الاجره....

تحياتي

**Elawany13** · 16-05-2011 10:55 AM

اشتعال ازمة السولار والخبز بالقليوبية

5/15/2011 8:41:00 pm
كتب- أحمد شمس الدين :
اشتعلت ازمة السولار في محافظة القليوبية، حيث شهدت محطات البنزين ازدحاما شديداً في أغلب مدن ومراكز المحافظة، وتكدست السيارات أمام محطات التموين وخاصة على الطرق السريعة علي وجه الخصوص الطريق الزراعي بين بنها والقاهرة امام مدن قليوب وشبرا وقها وطوخ وبنها الامر الذى ساهم في تعطيل حركة المرور بالطريق الزراعي.
كما نشبت مشاجرات بين السائقين من اجل الفوز بلتر سولار واحد في أغلب المحطات ولكن دون جدوى مما تسبب في توقف خطوط نقل الركاب بين بنها وشبرا لرفض السائقين العمل بالتعريفة الحالية مطالبين بزيادتها لتعويض خسائرهم في شراء السولار من السوق السوداء.
يأتي ذلك في الوقت الذى ازدادت فيه شكاوى المزارعين و الفلاحين من عدم توافر السولار اللازم لتشغيل آلالات الزراعية خاصة الجرارات وماكينات الري وماكينات حصاد القمح مما أدي الي تعطل الحصاد .. الأمر الذى أدى إلى زيادة أسعار الري حتى وصل سعر ري الفدان الواحد في بعض المناطق إلى 350 جنيهاً.
وامتدت اثار الازمة الي مخابز المحافظة وخاصة بالقري التي تعمل بالسولار حيث توقفت محطات التموين عن مدهم بحصصهم بحجة عدم كفاية الحصص الموردة للمحطات مما ادي الي توقف عددا منها وخاصة بمناطق الخانكة وشبين القناطر وتسبب في ازدحام الاهالي علي المخابز للحصول علي الخبز.

**Elawany13** · 16-05-2011 10:58 AM

صحيفة: أزمة السولار ستنتهي بعد أيام

5/16/2011 1:46:00 am
القاهرة- أ ش أ
أكدت صحيفة قومية أن الثورة العظيمة التي فجرها الشعب كله في 25 يناير لن تحل كل المشكلات ، مشيرة إلى أنه لا حياة بدون مشكلات، وستظل الأزمات موجودة مادام هناك شعب يتفاعل وينفق ويستهلك .
وقالت صحيفة "الأهرام" - في افتتاحية عددها الصادر الاثنين تحت عنوان(أزمة السولار .. المشكلة والحل) - إن أزمة السولار الحالية ليست بعيدة عن هذا المنطق ، موضحة أن الأزمة ليست جديدة بل حدثت من قبل وتحدث الآن وستحدث في المستقبل .
وشددت الصحيفة على أنه "ليس في نقص السولار خطر جسيم" على البلاد ، مضيفة أن أسباب الأزمة ليست جديدة، فنحن الآن في موسم الحصاد مما يتطلب المزيد من السولار للجرارات الزراعية التي تنقل المحصول، وأيضا فإن بعض محطات البنزين تخشي من استقبال ناقلات السولار خوفا من اعتداء البلطجية عليها وسلبها، وفوق ذلك فإن الاستهلاك ارتفع، وهذا شيء طبيعي في الصيف بسبب التحميل العالي لمحطات الكهرباء .
ونوهت الصحيفة بأن الحكومة أن المخابز لا تعاني من أي مشكلة والخبز متوافر، وزادت الحكومة بالفعل من الإنتاج بنسبة 8% .
وقالت الصحيفة إنه بعد أيام ستنتهي المشكلة، غير أن الدرس الذي نخرج به جميعا أننا يجب ألا يصيبنا الهلع والذعر كلما طرأ علينا طاريء ما، ونتصور أنها نهاية العالم . موضحة أن مصر تنتظرها تحديات جسيمة جدا، وعلينا أن نكون أكثر صبرا وجلدا وتحملا مما نحن عليه الآن .

**Elawany13** · 17-05-2011 01:18 AM

الكارثة ان الأزمة كمان امتدت الى البنزين 80 و 90 و 92
أنا لسه جاى من بنزينه
ولاقيتها خاويه على عروشها

-

الموضوع: أزمة سولار و 80

LinkBack

أدوات الموضوع

عرض

-

-

-

المواضيع المتشابهه

ظبط 21 ألف لتر سولار قبل ترويجها بالسوق السوداء

32 طن سولار من بلغاريا لحل ازمة السولار بمصر

بيجو 407 بتحط سولار - قلبي هيقف

سولار فى مياه النيل الغاليه

أزمة تويوتا أم أزمة اليابان؟

الكلمات الدلالية لهذا الموضوع

المفضلات

المفضلات

ضوابط المشاركة