مطلوب موبايل نوكيا بالمواصفات الاتيه للشراء من السعوديه

السلام عليكم
ليا احد الاصدقاء فى السعوديه حيشترى ليا موبايل نوكيا استعمال ومحتار اخليه يشترى ايه انا عاوز المواصفات الاتيهفى الموبايل

كاميرا 5 ميجا بيكسل
gps علشان العربيه ياريت يكون مجانى
wi fi
ويكون ليه كيبورد مش تاتش بس او حتى كيبورد بدون تاتش

باقى الامكانيات مش حتفرق لانى مش عاوز ادفع فلوس كتير فى الموبايل

عاوز حاجه عمليه وميكونش ليها مشاكل ومتسلئه يعنى حاجه بتاعت شغل ومعنديش فكره ومنتظر نصيحتكم فى الموديلات
طبعا الاسعار مش عارف كام هناك بس سمعت ان فى حدود 600 جنيه الاقى موبايل مستعمل كويس فيه الحد الادنى من الامكانيات المطلوبه

طيب ايه رايكم ب nokia c6

كنت هاسأل نفس السؤال و سعره كام

معرفشى بصراحه بس انا بدورعلى النوع دلوقتى لان الواحد بعيد عن موضوع الموبايلات ده من فتره ومش عارف ايه التطورات اللى حصلت فيه ومتعود على النوكيا وخايف اجيب htc واحتاس فيه انا عاوز حاجه سالكه فى التطبيقات والصيانه

بص من الاخر اي حاجه تاتش هاتها جديده احسن لو يوزد ارشحلك ان8 جديد سي 6

من تجربتي من الشرا مالسعودية
السعر هو هو تقريبا فرق 200 جنيه بالكتير

انا حاشترى مستعمل والمستعمل هناك رخيص

هات ال e72

تلفونات اعتمادية جدا جدا

شكرا ياباشا هل من اختيارات اخرى بس عيبه شكله غبى شويه بس شكلها ممكن ترسى عليه لو سعره كويس

خليه يجربه اسبوعين عشان لو ظهر فيه عيب يرجعه للمحل ..
C3 فيه كل طلباتك وعلى فكرة الجديد منه رخيص في حدود 800 ج

انا لسة جايب نوكيا سي 6 صاحبي جبهولى من السعودية جميل ماشاء الله وفيه امكانيات كتير وكاميرته ممتازة
وقف عليا ب 1450 وهو هنا ب1875

نوكيا e5......معايا بقالة اسبوع وفيه كللللللل ماتتمناه واكتر ........ويرو ب1350........وادعيلى.....انا جايبة كسر زيرو استعمال شهرين ب1000 جنيه والكلام دة فى مصرررر

ال c6 سعره جديد فى السعوديه بحوالى 920 ريال

ليه رافض التاتش؟؟
لما تتعود عليه هتلاقيه احسن من الكيباد

انا ارشحلك 5800 لو قررت تجرب التاتش

شكرا ليكم ياجماعه انا جمعت اختياراتكم وان شاء الله حافاضل بينها واشوف اسعارها عنده ايه بس بصراحه اكتر واحد عجبنى c6 ربنا يسهل ويلاقى حاجه منه كويسه واستعمال نضيف
انا مش رافض التاتش بس خايف تحصل فيه مشكله يبقى التليفون كله باظ