ياريت اللى عنده معلومة يقولى عليها عشان استفيد وربنا يهدينى للخير ان شاء الله ........ تحياتى للجميع
عرض للطباعة
ياريت اللى عنده معلومة يقولى عليها عشان استفيد وربنا يهدينى للخير ان شاء الله ........ تحياتى للجميع
ملاك الفيرنا هنا في المنتدى كتير جدا وانا واحد منهم وباذن الله بكرة عربيتي العزيزة تتم سنة بالتمام والكمال معايا
حضرتك حابب تعرف ايه عن العربية وانا تحت امرك ؟!
وقلي برده رينج السعر بتاعك كام عشان لو فيه خيار تاني احسن من الفيرنا ارشحه ليك برده
انا بعشق الفيرنا ولكن المصلحة العامة قبل كل شيء ولو فيه حاجة تانية أصلح أكيد لازم أقلك عليها برده
وربنا يوفقك يارب
اولا انا متشكر جدا لذوقك واهتمامك
ثانيا انا رينج السعر بتاعى حوالى 70000 واكيد طبعا عارف ان المتاح فى السعر ده مش كتير مثلا فيرنا او لوجان او فيات البيا او m11 بصراحة انا محتار شوية وبحاول اسأل يعنى لا خاب من استشار
احسن حاجة فى الرنج دة الفيرنا واللوجان
الفيرنا كويسة و عربية عملية بس تفتقر الى الكماليات و الصالون الشيك و الرفاهية.... ارشحلك الفيرنا احسن عربية فى الفئة السعرية دى... اما لو فارق معاك الكماليات فبردة byd عربية كويسة
الفيرنا العربيه الشعبيه الاولى في مصر من حيث الصيانه قطع الغيار متوفره ورخيصه قله الاعطال سهوله الصيانه قوه المتور قوه التكييف وفوق ده كله سعر اعاده البيع وسهوله بعها لو حبيت تغير كل الكلام ده انا فكرت فيه وانا جاي اشترى والله ولى االتوفيق تقبل مرورى
فكر في البروتون ساجا. عربية تسوى كل قرش اتدفع فيها. أنا لسة شاريها أوتو ب72500 و مبدأيا هي عربية محترمة آخر حاجة. لو عاوز مانيوال ب67900. و ربنا يهديك للي فيه الخير
وفى لانوس برضه
انا لو مكانك الحقيقة -وعشان مش هغيرها قبل 6 سنين على الأقل- هفكر في ال m11 او ال byd او ال fsv
خلي دي خياراتك الأولى
انزل اتفرج عليهم وشوف اخبارهم ايه وهيعجبوك واللا لا وعلى فكرة دي عربيات محترمة جدا
بس محتاجة شوية وقت عشان الناس تثق فيهم بس مش اكتر
التقفيل المصري في كل حاجة يا عزيزي مش كويس
حضرتك عايز تقنعني انك وانت راكب عربية فيرنا بتكون مبسوط من تقفيلها!؟
انا روحت التوكيل في كل صيانة بشتكي من اصوات عجيبة بسمعها في العربية ولما ماتحلتش ايقنت ان دي ضريبة التقفيل المصري وبقيت بضحك على نفسي واقول لا انا مش سامع حاجة دي تهيآت
التقفيل المصري ليه ضرايب يا عزيزي
وطبعا معروف ان الصيني اللي في الصين او بيتصدر لأوروبا غير المصري بس أيا كان الشركات دي بتخاف على اسمها متقلقش!
والدليل بريليانس لما اختارت وكيل ليها هنا اختارت المجموعة البفارية ليها وكيل بي ام دابليو دا دليل بسيط
ولو بصينا لبي واي دي هنلاقي وكيلها شركة الأمل وكيل لادا عربية من أعرق العربيات في السوق المصري
واسبيرانزا وشيري وكيلها ابو الفتوح ويكل بي ام دابليو سابقا
يعني وكلاء العربيات الصيني مش ناس على قدها خالص!
اعتقد من حق المنتج الصيني ياخد فرصته عشان يثبت نفسه في السوق وأنا واثق انه هيمسح المنتجات الكورية بأستيكة دا شيء انا متاكد منه -رغم ان عربيتي كوري- !
أبدا... الساجا في نفس أبعاد الفيرنا الخارجية تقريبا و من جوة واسعة جدا و قعدتها مريحة و مليانة أوبشنز ضرورية.
أنا مجربتش الوكيل شخصيا لأني لسة مكملتش الألف كيلو لكن أنا قبل ما أشتريها قريت تقريبا كل البوست اللي في قسم البروتون و الناس بتقول أن الوكيل بيحل كل المشاكل و أن الناس هناك محترمة.
أنا عن تجربة شخصية مشيت لحد دلوقت 200 كيلو بيها و هي ما شاء الله محسستنيش بالندم أبدا على أي قرش اتدفع فيها. بالعكس أنا حاسس أني راكب عربية أغلى.
ده غير أنها تقفيل ماليزي و العربية كلها مستوردة. للأسف مكنتش أحب أقول الكلام ده بس أنا عمري ما شفت تقفيل مصري كويس.
بس لازم تصلي استخارة علشان ربنا يهديك للي أحسنلك
كلامك محترم جدا بس انا عايز اديلك مثل بسيط على قلة الضمير انا رحت المصرية من كام يوم قولت اتفرج على العربيات على الطبيعة لقيت قدامى التيجو قولت اخد فكره دخلت جواها اول ماقعدت على الكرسى تخيل انى لقيتة بيلب معايا ودى حاجة ماشفتهاش فى اى عربية تانية انا مش بقول كل العربيات الصينى كده دى حالة فردية بس مش ممكن تكون فى اكتر من عربية تانية على اختلاف بقى عيوب التقفيل!!!
انا مش ضد الصينى على فكره بس انا اعتقد لو الوكيل المصرى راعى ضميره شوية العربيات الصينى دى زى مانت قولت هاتمسح الكورى وهاتنافس اليبانى بقوه ..تحياتى للجميع
الساجا من العربيات المحترمة جدا والي متسمعش ليها صوت موتور اطلاقا
انا سقتها شخصيا بس للأسف استهلاكها للبنزين عالي مقارنة بقدرة الموتور
يعني موتور 1300 سي سي بيستهلك بنزين بمقدار عالي عن الفئة بتاعته !
الساجا فعلا عربيه محترمه والبروتن بصفه عامه ماركه محترمه جدا وكمان بتهتم بالامان جداااا
الفيرنا بتتفوق عليها في اعاده البيع وقطع الغيار بس وده راءي الشخصي